السلام عليكم
عايز اركب وحدة رفع للزجاج لاننى انسى احيانا الزجاج مفتوح فياريت تفديونى بافضل الانواع وهل هيكون التركيب صعب وكمان اية افضل انواع الانذار وهل يمكن برمجتة على ريموت العربية ولا هيكون لة رموت لوحدة
شكرا
عرض للطباعة
السلام عليكم
عايز اركب وحدة رفع للزجاج لاننى انسى احيانا الزجاج مفتوح فياريت تفديونى بافضل الانواع وهل هيكون التركيب صعب وكمان اية افضل انواع الانذار وهل يمكن برمجتة على ريموت العربية ولا هيكون لة رموت لوحدة
شكرا
انا مركب واحدات الرفع برموت واحد هو ريموت السيارة ولما بقفل السيارة الرجاج بيترفع مع القفل
شكرا على الرد
بس ممكن تقول لى اية افضل الانواع وهل يتم فك فرش الابواب لتركيبة
وهل ممكن تركيب الانذار ووحدة الرفع مع بعض على نفس رموت العربية
شكرا
انا عايز اركب المكنه دي برضه بس المشكله اني SX (Start Enigne) فهل ينفع تتظبط علي نفس الريموت ولا هتعمل مشكله فييه؟
انا مركبها من حوالى 4 شهور وشغالة معايا بدون مشاكل والحمد الله والعربية هاى لاين بصمة اعلى فئة
والانذار كمان كويس جدا وبفتح وبقفل من ريموت العربية لانى زيك كدا بنسى اقفل الزجاج بس بستغرب لية العربية مش نازلة بيهم روح لادريان الهرم وهيعملولك كل حاجة هناك بس غمض عينك لان العربية صعبت عليا وهيا لسا جديدة بس دى ضريبة الحفاظ عليها والشغل ممتاز متقلقش
للاسف انا مركب وحدات الرفع في التوكيل وكان ثمنها 200ج غير شاملة الضريبة
وكانت صناعتها تايواني وهما عبارة عن اربع وحدات بترفع كل زجاج علي حدي وعليهم ضمان سنة
وكان فية نوع ايطالي وكان عبارة عن وحدتين واحده للزجاج الامامي وواحده للزجاج الخلفي وكان عليهم ضمان 3 سنوات ومش فاكر تمنهم بالضبط كان حوالي 600ج
انا سيارتي نيسان صني
انت يا باشا الريموت ده؟؟؟
و لو ده ممكن تقولي بكام و مأثر علي كهرباء العربيه ولا لا؟؟ شكرااhttp://farm3.static.flickr.com/2586/...9878b276_o.jpg
طبعا نفس الريموت وليس له اى تاثيرعلى كهرباء العربية والثمن كان حوالى 400وشوية
طيب هل التركيب لازم يفكو الفرش بتاع الأربع ابواب ولا الباب بتاع السواق بس و هل و حدة الرفع شاملة فتحة السقف و كمان الأنذار الأبجريد دا بكام و فيه كتاوت فصل الموتور ولا لا معلش اسئلة كتير و شكرا
متابع
بص كل الشغل ناحية باب السواق فقط والسرينة جوا المتور وكتاوت الفصل دى لوحدها بس مش فاكر بكام ووحدات الرفع مش شاملة فتحة السقف لان ليها سعر تانى وسعر الانذار كان حوالى 260 ووحدات الرفع حوالى 120 الاسعار بالتقريب لانى مش فاكر كويس والتركيب والله شغل نظيف وخلى الحساس على اعلى حاجه علشان فى ناس بتحب السيراتوا جدا وديما بتسند عليها واى استفسار تانى انا تحت امرك
طيب يا جماعة حد يقولنا على افضل الانواع او المركات وكمان الصناعة عشان الصناعية حواراتهم كتيرة
وكدة هيكون وحدة الرفع والانذار على رموت واحد اللى هو رموت العربية ولا اية
هو افضل نوع انذار ابجريد هو الولف انا لما كلمت التوكيل بتاعو و قلولى عامل 195 بس فية حاجة غريبة لو فتحت العربية بمفتاح الأنذار يفصل يعنى الأنذار على الريموت فقط لكن لو حد فتح العربية عن طريقة اكرة الباب مكان المفتاح الأنذار ميشتغلش مش فاهم ازاى و وحدات الرفع 80 الواحدة الواحدة و واحدة لفتحة السقف لوحده مش عارف لية مع ان فى عضو معنا هنا عامله على وحديتين و شاملة الفتحة
سعر وحدة الرفع الواحدة ( تستخدم لعدد 2 باب ) 40 جنيه بدون تركيب و لنوع وولف ضمان سنتين
هل يا جماعة فى مشاكل فى تركيب وحدات رفع للسيراتو اللى ببصمة؟؟ حد عنده عربية بصمة و ركب وحدات رفع ممكن يفدنا فى الموضوع ده؟
لا اخى محمود انا اقصد ان السرعة اول ما تصل 20كم / س فورا تغلق الابواب ويرفع الزجاج عدا باب السائق ...
ودة بصراحة مزعج جدا لى ... كل ما اركب ومعى البنات اقولهم ما حدش يفتح الزجاج ( لانى عارف انة هايقفل تانى بعد ثوانى ) وبخاف حد يفتح الزجاج ويطلع ايدة قبل وصول السرعة الى 20كم ...
دة اللى اقصدة انت مش عندك كدة برضة ؟؟؟؟
كده في غلط في التركيب
هو المفروض اللوك بتاع الابواب يقفل عادي من غير ما يقفل الازاز
الصنايعي اللي ركبلك الروافع اي كلام او فيه غلطه في التركيب
السلام عليكم
لا يا فندم انت عندك مشكله فى التركيب .الراجل اللى ركبهولك المفروض كان ظبطلك العربيه زى ما انت عاوز ,و تجربها و تمشى بيها .و لو فيها اى ملاحظات ترجعله و يظبطهالك
انا عملت كده .و فعلا فى الاول كانت بتعمل زى حضرتك بالظبط .رجعتله و قولتله عليها و هو ظبطهالى زى ما انا عاوز .و مبقتش تقفل زى ما بيحصلك كده و خلاص
ركبت انزار ووحدة رفع 4 زجاج و فتحة سقف.و الحمد لله شغالين كويس على ريموت العربيه الاصلى .
وحدة الرفع و الانزار نوعهم سباى ابجريد.و جابهملنا عضوا معانا فى المنتدى اسمه عمرو
رجولة الدنيا و ادب الدنيا فيه و جابهملنا 3 عربيات يعنى سيراتو ,ب 155 جنيه هههههههههههه
و الله ده اللى حصل و سالت عليهم برا سعرهم معدى ال 250 او 300 مستريح
النكته بقى الراجل اللى ركب اخد منى فى عربيتى 200 جنيه تركيب ههههههههههههههههههههه
يعنى 150 تمن الحجات و 200 تركيب ههههههههه
المصنعيه اغلى من تمن الحجات نفسها ههههههههه ضحك للصبح .بس شغله نضيف بسم الله ما شاء الله.
ارجع ليه و خليه يظبطلك العربيه ,و كمان ركب كتاوت فصل لكهربة العربيه بالمره .و هات كلبش صلب للدركسيون ,و ظبط الدنيا
مشكور اخى الكريم mohamed_mohsen
والشكر موصول للأخ الكريم moha4tec
ان شاء الله أروح له وأخليه يضبطها لى لأنها بالفعل مزعجة جدا بالنسبة لى انا اشتريتهم ب250 جنية بالتركيب بس ضمن صفقة ( فرش أرضية + أنذار وماكينة رفع ودواسات و ....) يعنى صفقة من الأخر ..ههههههههه
لكن لى سؤال ...
الفكرة انى لما اقفل السيارة بريموت الأنذار بتقفل الأبواب وبيرفع الزجاج معة ...
لو فصلت زى ما حضرتك بتقول معنى كدة يبقى اية فايدة ماكينة الرفع ؟؟؟
ولا فية ريموت خاص بماكينة الرفع ؟؟؟
سؤال ايه الغرض من وحدة الرفع؟
الإجابة هي اني لما انزل من العربية واتكه على القفل بالريموت يرفع الإزاز ومشلش همه أو أكون قلقان إني مقفلتوش
وهو ده فايدة ودة الرفع......غير كده يكون فشل في التركيب
وحدة الرفع فكرتها سهلة جدا انها بتشغل موتور رفع الزجاج في وقت معين بناءأ على اشارة بتخدها في وقت معين يعني مينفعش يكون المفتاح في الكونكت وتشتغل وهكذا
طب يا جماعه انا ركبت وحدتين رفع للسيراتو الStart Engine نوعهم SPY ب 130 جنيه بالتركيب و نفس مشكله السنتر دي بتحصل معايا و ايدي كانت هتتقطع 100 مره بسبب ان كل معدي 20 او افتح الباب لحد يركب و امشي يحصل كده لما سألتوه قالي هي كده في السيراتو ال توب لاين .. كده هو حمار اروح لواحد تاني يظبتها ولا كده اغيرها ولا ايه العمل ؟؟
وجدتهاااااااااااااا وجدتهاااااااااااااااااااا
زي ما استاذ محمود قال كده يا استاذ طارق انا نزلت اعس بس علي صنايعي تاني نضيف بالصدفه البحته لاقيت واحد في شارع دمشق و جنب بنزينه التعاون علشان مبقاش اعمل اعلان هو بتاع فرش اصلا قولتلو عايز اظبط الدنيا دي اعمل ايه قالي هاتلي العربيه نص ساعه يا باشا و كمان هعملك فتحه السقف .. المهم روحتلو و فعلا فك الشغل التعبان ده و ظبطهوملي ان الزجاج ميرفعش غير و العربيه مبطله و لما تقفلها لازم يكون الريموت مش جوه العربيه فا مستحيل الزجاج يطلع من غير قصدك تاني و ظبط معاها السقف يقفل اوتوماتيك ايا كان الوضع اللي هوه فيه .. الملخص
1- المكنتين رفع (wolf) انجليزي معاهم ضمان سنه بتركيبهم التعبان كلفني 130 جند
2- اعاده التوصيل + كتاوت لرفع فتحه السقف + مصنعيت العامل 80 جندي
التكلفه الكليه 210 جندي فقط
هو غالي شويه بس شغله فعلا نضيف و عارف هو بيعمل ايه مش بيفتي او يجرب في العربيه مجرد مقفل الباب قالي جرب و كلو كات نمام الحمد لله و كمان انشاء الله هروحلو يركبلي مكثفات علشان الزينون بيرست الفلاشه ... لو اي حد محتاج مساعدي انا في الخدمه .. سلامووووز
معلش هو الشغل ده يخرج من الضمان؟؟؟
مقدرش افتي لاني خليجي
الله يبارك فيك يا باشا ...كل مبعتلك عال خاص يقولي ممنوع و كلام غريب .. عموما انا لسه هروحلوا علشان العربيه لما ببطلها و السنتر مقفول الزجاج بيرفع لوحدوا و دي عايز اغيرها عشان تبقي مع الريموت بس ... عموما انا لما سألتوه قال تتكلف كلها 200جن .. ممكن حضرتك تبعتلي نمرتك وانا ابعتلك نمرته و اسمه ..سلام
انا لسه مركبه فى التوفقية عند واحد ممتاز اسمة مكرم الصعيدى ( مجدى ) مركب انذار ووحدات رفع وكان الاجمالى حوالى 110 وحدات رفع 200 انذار وكان نوعه وولف احسن الموجود فى السوق.
بص مافيش اى حاجه بتتغير الفكره انه بيشتغل فى الباب بتاعك ازاى اقولك
بيركب وحدة سنتر منفصله على الباب ده وانت كده كده عندك سنتر طب بيركب دى ليه علشان لما الاساسية تقفل ناخد الاوردر بتاع الاقفل من الجديده عن طريق خوصة الكالون ويروح على ودة الرفع اللى بتتوصل على زراير الزجاج الرئيسيه اللى فى الباب بتاعك
فكل الشغل بيكون فى الباب بتاعك
بيفك الفرش ويركب وحدة السنتر ويركب وحدة الرفع ( 2 او 4 ) ويوصل وحدة السنتر بخوصة الباب ويوصل اسلاكها بوحدة الرفع ومن وحدة الرفع يباخد وصله لوحدة الازرار الرئيبسيه اللى فى الباب فكده سواء فتحت او افلت من الريموت او من الباب بتاعك السنتر الساسى بيحرك الخوصه وبالتالى بيتحرك معاها السنتر الجديد اللى بيدى اوردر لوحدة الرفع انها تدى اوردر لوحدة الازرار انها تقفل
بس
(2 او 4 ) معناها ان فيه نوع بيبقا جهازين كل واحد ماسك 2 زجاج وفيه نوع بيبقى 4 اجهزه كل واحد ماسك زجاج لوحد والاحسن ال4 عشان لو واحد باض تغيره لوحده
اهم حاجه فى العمليه دى التقفيل عشان لو مش محكوم الاجهزه دى هاتعمل صوت كل ماتقفل الباب او تاخد مطب فلازم يثبتها فى الباب من جوه كويس
وانا تحت امرك فى اى استفسار
على ما افتكر كا الجهاز الواحد اللى بيشغل 2 زجاج ب 70 جنيه من ادريان بس دلوقتى هاتلقيه ارخص :praying:
بس لو عندك اولاد صغيره ابقى خلى بالك عشان ميقلش على ايد حد وبرده هات نوع نضيف عشان اللى كنت جايبه علق منى من غير معرف وسبت العربيه كلها مفتحه فى الشارع لولا ستر ربنا انى رجعت اخد منها حاجه كان زمنها اتسرقت
موضوع شيق بصراحة
انا مركب انذار ابجريد ووحدتين رفع للاربع زجاج .. والانذار نوعه ادريان ومركبه عند ادريان الهرم
بس فيه مشكله كده عندي .. لو فتحت العربية ومدورتهاش ولا حطيت المفتاح في الكونتاكت حتى والباب سواء مفتوح او مقفول .. بيقوم قافل الانذار من غير ميقفل السنتر وطبعا لما اجي ادور بتفضحني كأني سارقها :)
كان معايا عربية كريستاله قبل كده وكان لو باب اتفتح خلاص ميقفلش الانذار ولو مفيش ولا باب اتفتح بيقوم السنتر والانذار قافلين تاني. في الابجريد ده لو فتحت الباب او مفتحتوش بيقفل الانذار من غير ميقفل السنتر.
هل ده محتاج ظبط؟؟؟ ولا هوا كده؟
سؤال كمان معلش ... كتاوت فصل كهربة الموتور دي وقفل فتحت السقف مع وحدات الرفع والانذا .. بتتكلف كام وبتاخد وقت كتير؟لو من ادريان الهرم؟
(السيارة لانسر سوبر اكشن)
السلام عليكم .. أنا مركب إنذار 2 way ووحدة رفع فى سيراتو خليجى 2010 هاى لاين مفتاح كونتاكت يدوى .. هل يمكن فصل كهرباء المحرك بواسطة الريموت الخاص بالإنذار لحمايتها من السرقة (أعتقد أن هذه الخاصية موجودة بالريموت) وذلك بدون إتلاف الدائرة الكهربية للسيارة . وما أسم المحل المتخصص فى شارع دمشق.
مع الشكر ،،،