اقتباس:
المشاركة الأصلية كتبت بواسطة zika9909
شكرًا على الصور يا elawany13
و الله الواحد حس بنعمة مصر و إنها مش جبال و إن الواحد بيتنقل من مكان للتاني من غير ما يضطر ياخد الطرق الخطيرة دي.
الحمد لله.
اقتباس:
المشاركة الأصلية كتبت بواسطة ashraf_ibrahim
اول مرة اسمع عن لطريق دا يا علواني الحقيقة !
شيء جميل والله هو بس المشكلة الاكبر بالنسبة للطرق دي يتمشي عليها بالليل ازاي؟!
انت محتاج تكون مشغل نورك العالي في حين ان الطريق رايح جاي ودي مشكلة تانية !
الحمد لله
اللى كان فى السعودية وتحديدا فى ابها وخميس مشيط وبيشة
لازم يكون عدى على عقبة شعار
ومش ديه العقبة الوحيده فى السعوديه
فيه عقبة تانية اسمها عقبة ضلع سمعت عنها
بيقولوا عليها اخطر من عقبة شعار
ابها وخميس مشيط مدن سعوديه بتقع اعلى هضاب وجبال عسير
وعقبة شعار اتعملت علشان الناس تنزل من عليها الى محايل ومنها الى مكة وجده
طبعا فوق عند ابها الجو فى عز الصيف بيبقى جنه (مش بتحتاج مروحة فى عز الصيف)
أول ما بتنزل محايل بتلاقى جهنم (لو مش معاك تكييف بتموت من الحر)
الطريق مرعب جدااااااااا ... الصور اللى فوق مش موضحه حقيقة هذا الطريق
لما كنا بننوى نعمل عمرة أو حج كننا بنبقى مرعوبين جدا من هذا الطريق وحاسيين ان احنا هنقع من فوق الجبل ومحدش هيعرف يوصلنا
كمان وانت ماشى بتحس ان الصخور من الجبل هتقع عليك وفعلا بيحصل فى بعض الأوقات انهيارات صخرية على الطريق زى فى الصور اللى فوق
فيه اجزاء كتيرة من الطريق بيعملوا اسلاك على الجبال علشان الصخور متقعش على السيارات
بتبقى ماشى على الطريق بالنهار وفجأة بتدخل نفق فى قلب الجبل بتلاقى الدنيا مظلمة تماما وعنيك طبعا مش متأقلمة مع التغير المفاجئ فى الضوء ومش شايف حاجه
طبعا كنا بنروحه بالنهار عمرنا ما حولنا نعدى على هذه العقبة مساءاَ
واعتقد انه بيتقفل بالليل
كنت بشوف هناك خلايا شمسية لتوليد الكهرباء بس عمرى ما شوفت لمبة شغاله
لما بنكون فى أول العقبة وبنبص لأسف بتحس بدوخه
بتلاقى العربيات التريلا الكبيرة عاملة زى علبة الكبريت الصغيره
وانت نازل العقبة بتلاقى العربية مندفعه منك بسبب انحدار الطريق والعكس وانت طالع بتلاقى العربية بتطلع بالعافية ويادوب اخرك الثانى (عربية جيب 4 * 4 ايسوزو تروبر)
لو وقفت شوية فى اى مكان هتلاقى القرود اتنطتت على كابوت العربية
سمعت عن طفل صغير القرود خطفته ومعرفوش يوصلوله
طبعا غالبية الشباب السعوديين بيمشوا بتهور وتلاقيه مقابلك بسرعه كبيرة وبيسيبوا ركبك وبيعملوا كوارث على كل الطرق