السلام عليكم و رحمة الله و بركاتة ,
هل فى حد يعرف فوائد أساور الطاقة (Power Balance) , هل مفيدة فعلا و لا الموضوع كله وهم و عامل نفسى ؟
يا ريت لو حد جرب يقولنا و جزاة الله خيرا .
عرض للطباعة
السلام عليكم و رحمة الله و بركاتة ,
هل فى حد يعرف فوائد أساور الطاقة (Power Balance) , هل مفيدة فعلا و لا الموضوع كله وهم و عامل نفسى ؟
يا ريت لو حد جرب يقولنا و جزاة الله خيرا .
متهيئلى الحوار دا فاكس
انا بحاول أعرف , أنا معايا فى الشغل 5 جربوها و بيشكروا فيها جدا واحد بيقول بتقلل وجع المفاصل و واحد تانى قالى بقيت نشيط اكتر من الاول مش عارف دة حاجة نفسية أو دة تأثير الاسورة
علمياً مفيد جداً ، و انا كنت جربت حاجة زيها من فترة و حسيت بفرق
الف شكر يا ا/ أحمد على الرد
بلاسيبو افكت
زى ما تاخد حباية فيها ردة وواحد يوقلك دى اعظم اختراع فى تاريخ البشرية هتحس انك كويس حتى لو الموضوع مالوش اصل
محدش يعرف هنها اى حاجه يا شباب والناس ال مجرباها ايه رايها فيها
انا مجربها بنفسى وبجد تاثيرها فوق الممتاز بالزات فى البلانس
يا جماعة فعلا هي مفيدة جدا بتنشط الدورة الدموية و تقلل الشعور بالتعب و بتخليك تشيل أوزان أكتر يعني لو بتلعب حديد مفيدة جدا و في الاتزان جامدة جدا أنا معايا واحدة اوريجنال
-------------------------
يرجى العلم بانه غير مسموح بوضع اعلان تجارى الا بعد الاتفاق
مع ادارة المنتدى وما غير ذلك يعرضك لايقاف العضوية .
يرجى مراجعة قوانين المنتدى
مشرف 3ب
5/11/2011
2.565am
متابع
والبيج ديه فيه كل المعلومات للى حابب يستذيد عن الموضوع بشكل علمى
....................................
يرجى العلم بانه غير مسموح بوضع روابط لاعلان تجارى الا بعد الاتفاق
مع ادارة المنتدى وما غير ذلك يعرضك لايقاف العضوية .
يرجى مراجعة قوانين المنتدى
مشرف 2ب
جبتها قبل كدة ولا حسيت بأي شئ .... من وجهة نظري ان اللى اشتراها تقريبا لما كع مبلغ فيها بيواسي نفسه انها عملت شغل معاه من منطلق و" جع بطني ولا دلق طبيخي " مع خالص احترامي لكل اللى اشتراها .... لا وفي ناس بتقول انها في الاصل اختراع فرعوني وان الفراعنة هما اللى اخترعوها ..... وفي النهايه انا شايفها عبارة عن حظاظة او غويشة او خلخال مش اكتر
جربتها و بتجيب نتيجة
الحقيقه انا ماجربتهاش بس دى مشهوره اوى فى دول شرق اسيا واللى بيتعمل اعلانات عنه دلوقتى دى النسخ العالميه اللى بتاخد اى شئ معروف فى دوله او مكان وبتنشره فى العالم كله برغبة المكسب طبعا
اما مفيده ولا لا اكيد مفيده بس مهياش معجزه يعنى بتعزز الدوره الدمويه بتخفف وجع المفاصل وحاجات كدا زى ماقريت عنها
بس موش بتشفى من امراض ولا علاج سحرى لكل الامراض زى مابعض الشركات بتعلن عنها
انا رائى انها اى كلام
حتت حديده ولبسها فى ايديك انا هروح لواحد حداد يعملى جنزير والبسه فى ايدى احسن ما ادفع فيها مبلغ على الفاضى :ma:
مع احترامى لكل الى لبسها
برضوا واحد صاحبي معاه مالقاش رد بقولة جايبها لية بيقولي شكلها عاجبني جبتها !!
السلام عليكم
أنا جبتها و بقالها معايا حوالى شهر , أول حاجة انها قللت الالام اسف الظهر , معرفش دة بتاثير منها و لا الموضوع صدفة , ثانيا بقيت أكثر نشاط و الخمول قل الحمد الله
ان شاء الله لو فى جديد هبلغكم
هى الاسوره عاديه جدا كخامه كلها سليكون ولكن الميزه كلها فى الهولوجرام الداخلى وهو بيكون مشحون عدد ايونات معين لزياده نشاط الجسم وبيتراوح عدد الايونات مابين 1500 ل 2000 ايون سالب بيعمل على تنظيم الدوره الدمويه وزياده تدفق كرات الدم وبالتالى بيتنظم معاها حاجات كتير وتحس ان جسمك فايق جدا
وده بحث علمى عن الايونات السالبه اللى بيتشحن بيها الاساور ديه للى محتاج يستزيد
................................
ياجماعة دي "نصب" و الشركة الي عاملاها نفسها بتقول مفيش اي دلالة علمية انها بتعمل اي حاجة .
وسبب انتشارها في مصر و انشتار كل الاي كلام و العك ده .. الشبكة الزفت الي اسمها Qnet الي بتخلي الناس تحلم انهم يبقوا اغنياء عن طريق بيع "زبالة" مع ترويج ممتاز و كلام "بيقولوا
Network marketing 101
انسوا القرف ده مع احترامي لي كل الناس الي بتقولك فرق معايا و مفرقش معايا ده كله يا اما عك يا اما عوامل نفسية.
شكرا !
PowerBalance Admits Their Wristbands Are a Scam
http://gizmodo.com/5723577/powerbala...nds-are-a-scam
ده اعتراف رسمي من الشركة الاصلية الي بتصنعها !اقتباس:
In our advertising we stated that Power Balance wristbands improved your strength, balance and flexibility.
We admit that there is no credible scientific evidence that supports our claims and therefore we engaged in misleading conduct in breach of s52 of the Trade Practices Act 1974.
If you feel you have been misled by our promotions, we wish to unreservedly apologise and offer a full refund.
كفاية بقى D:
فكرتوني بمروحة Fresh ولا Toshiba الي بالايونات السالبة !! تشغلها تديك طاقة LOL
بعد أذنك انا جربتها ومشترتهاش عشان كل الكلام اللى ناس بتقولة
وفعلا لما جربتها فرقت جدا معايا ,, وتخيل والدى أخدها منى ولبسها وبرضة فرقعت معاه وقالى ابقى هاتلك وحدة
بالنسبة بقى َqnet انا مش هدافع عنها واقسم بالله انا مش فالشركة بس دى مش شركة نصابة دى شركة عالمية وفكرة التسويق الشبكى ناجحة جدا يعبها منتجتها فقط لا غير . ولو منتاجتها مثلا Iphone كان زمان كل اللى مسكينه وبيرشحه الجهاز للناس عن تجربتهم وأعجبهم بى كان زمانهم معدين دلوقتى
لانهم بيسوقة الجهاز بدون اى استفادة
وبالنسبة بقى لقلاده الطاقة اللى بتبعها كيو نت فى فرق بين قلادة الطاقة والاسورة القلادة 3700 جنيه مش اسورة 100 ولا 150 جنيه ,, وزى معضو هنا ذكر ان بيكون فيها ايونات موجبه وبتختلف من وحدة لوحدة فى وحدة بيكونا فيها تقريبا 1600 وفيها حاجة بيكون فيها 3000 بس فعلا بيكون فى فرق ولو جربتها وانت من الناس اللى بستخدم الكمبيوتر كتير هتحس بفرق حقيقى
وانا مش بختلف معاك فى وجهت النظر ولا بدافع انا بس بشرحلك حاجة عن تجربة
وتقبل تحياتى
يافندم انا مش بقولك مشترهاش .. انا بقولك الشركة الي بتنتجها نفسها بتقول انه لا يوجد اي بحوث او اثباتات علمية لاي شيء من مايسوق لها ! و انها شاركت في "تضليل اعلامي" ..
حضرتك بقى مقتنع بيها او اي حد تاني دي حرية شخصية انا بتلكم من الناحية العلمية, تاثيرها صفر.
انا مقولتش ان Qnet نصب على فكرة انا عارف هي ماشية ازاي و حضرت اجتماع مرة لاحد "مندوبيهم" بس الفكرة ان الناس فاكرة انها حتبقى مليونيرات بسببها ! و الي يقولي حياتي اتغيرت بسببها ! و حاجات كدة عجيبة .. كل واحد حر طبعا في "مجال عمله" و "رزقه" طلاما حلال .
وشكرا لردك.
معلش يا جماعة بلاش كلام كتير بدون أي دليل
اللي عنده دليل واضح وصريح (دليل علمي) عن تأثيرها ياريت يجيبهولنا ...غير كده الكلام ده تأثير نفسي فقط
مفيش حد منكم حلم مثلا انه اتخبط او وقع من دور عالي وقام مفزوع ولاقي فعلا انه جسمه كله بيوجعه اكنه فعلا وقع..انا حصلتلي كتير
انا شفتها في الامارات وفيه منها مليون نوع وشكل وسعر...مفيش حاجة علمية بحتة بيبقي ليها تفاوت كبير اسعار كده
from wiki: Magnet therapy - Wikipedia, the free encyclopedia
اقتباس:
Magnet therapy, magnetic therapy, or magnotherapy is an alternative medicine practice involving the use of static magnetic fields. Practitioners claim that subjecting certain parts of the body to magnetostatic fields produced by permanent magnets has beneficial health effects. These claims are both physically and biologically implausible and no effects on health or healing have been established.[1][2][3] Although hemoglobin, the blood protein that carries oxygen, is weakly diamagnetic and is repulsed by magnetic fields, the magnets used in magnetic therapy are many orders of magnitude too weak to have any measurable effect on blood flow.
اقتباس:
Effects of magnet therapy on pain relief beyond non-specific placebo response have not been adequately demonstrated. A 2008 systematic review of magnet therapy for all indications found no evidence of an effect for pain relief, with the possible exception of osteoarthritis.[15] It reported that small sample sizes, inadequate randomization, and difficulty with allocation concealment all tend to bias studies positively and limit the strength of any conclusions. In 2009 the results of a randomized double-blind placebo-controlled crossover trial on the use of magnetic wrist straps (a leather strap with a magnetic insert) for osteoarthritis were published, addressing a gap in the earlier systematic review. This trial showed that magnetic wrist straps are ineffective in the management of pain, stiffness and physical function in osteoarthritis.
from WIKI: Ionized bracelet - Wikipedia, the free encyclopedia
اقتباس:
Ionized bracelets, or ionic bracelets, are a type of ....l jewelry purported to affect the chi of the wearer, though no claims to effectiveness—or the basis for such claims—have been substantiated by their manufacturers
اقتباس:
Western interest in the Q-Ray Ionized Bracelet rose as a result of an infomercial campaign by QT Inc. which ran from August 2000 through June 11, 2003.[3] During this time many claims were made regarding the product's alleged effectiveness, most notably regarding relief from pain and arthritis due to manipulation of a body's chi.
These claims were the topic of a 2003 injunction by the Federal Trade Commission[4] and later a high-profile court ruling in 2006.[1] A major factor in these rulings was a November 2002 study by Mayo Clinic that demonstrated no significant effect by the Q-Ray bracelet on muscle pain relative to the placebo effect.[5] The court was unable to find any basis for QT Inc.'s claims related to traditional Chinese medicine, concluding that it was "part of a scheme devised by [QT Inc.] to defraud [its] consumers"[1] and that the "Defendants might as well have said: Beneficent creatures from the 17th dimension use this bracelet as a beacon to locate people who need pain relief and whisk them off to their home world every night to provide help in ways unknown to our science."
In a Marketplace interview, Charles Park, president of Q-Ray Canada, explains that the term "ionized" does not mean the bracelets themselves are ionized, but rather that the term comes from their secret "ionization process" which, he asserts, affects the bracelets in undisclosed ways.[6]
طيب وفي منها اصلي في مصر ولا كله مضرووب والاصلية نعرفها ازاي؟؟؟
على فكرة أنا كنت ضد الموضوع دة تماما و كنت بقول علية أنة اشتغالة و كلام مش مظبوط و مجرد نصب
اليوم واحد أعرفة كان لابسها و قالى مميزاتها قولت لة انت بتهرج طبعا
انا شخصيا الى مش بقتنع بالكلام دة بجد صدقت فعلا أنه بتفيد فعلا و خصوصا فى التوازن
للمعلومية الحمد لله انا ممكن اقف على رجل واحدة و أرفع الرجل الاخرى و اربط رباط الجزمة و ببقى متوازن مفيش عندى مشكلة حتى لو كنت راكب المترو مثلا
الى حصل قالى قف على قدم واحدة و فردت اليدين بمستوى الكتف و هو ضرب على يدى بقوة طبعا لازم تهتز و تنزل الرجل الاخرى و لما كررنا الموضوع حاولت انى افضل ثابت تماما و برضو فية اهتزاز
المهم مسكت الاسورة فى اليد اليمنى و انا واقف على رجل واحدة فقط و رافع الذراعين بمستوى الكتف و ضرب على ايدى اليمين و الاسورة فى ايدى و فعلا لم اهتز
اقسم بالله دة الى حصل و انا كنت ستحيل اقتنع بالكلام دة قبل كدة
لما جربت انا شخصيا قولت ما ضربش بنفس القوة و ضرب على يدى بقوة اكبر و فعلا لم اهتز
ملحوظة انا كنت بمارس رياضة عنيفة و كلها ركلات بالرجل و زمان ممكن اقف على رجل واحدة و الرجل التانية ارفعها و الفها 180 درجة تقريبا دون ان اهتز و متوازن تماما
الاسورة دى معرفش نوعها اية بس هوة جايبها من أمريكا فى حدود 90 دولار و قالى دى صلاحيتها لمدة سنة واحدة فقط
لآ أنا بقول فعلا صدقت و فعلا حصل توازن بجد كان غريب مش فاهم بجد أزاى دة حصل
بص الوضع كالاتى
أرفع الذراعين بمستوى الكتف و أيديك مفتوحة كأنك عامل شكل صليبى و قف على رجل واحدة و حد يخبط على أيدك من فوق الطبيعى لازم تنزل رجلك التانية على الارض لما مسكت الاسورة فى أيدى الى حا يتم الضرب عليها بجد كانت ثابتة و فضلت ثابت مكانى
فعلا حاجة تجنن و عجيبة بجد
و الله العظيم لو مكنتش جربت بنفسى مستحيل كنت أصدق لما الى أمامى يتكلم من هنا للسنة الجاية بس دة حصل فعلا
علي فكرة يا هشام بيه أنا عارف إنك من أكتر الناس في المنتدي اللي بتدور علي المعلومة في كل مكان...ده انت رويتر ما تجيش جنبك حاجة يا باشا
أنا فوق واخد إقتباسات من ويكيبيديا عن الموضوع ده وفعلا مفيش أي دليل طبي أو تجربة عملية عن الكلام ده خالص
أنا جربت اللي إنت قلت عليه ومحصلش معايا إهتزاز ولا نزلت رجلي علي الأرض...عشان كده قلتلك تجرب تمسك في إيدك أي حاجة تانية وحد يضربك علي ايدك وتشوف اي اللي هيحصل لان ممكن وايدك مضمومة بتقدر تتحكم في أعصابك أكتر أو حاجة وممكن تاثير الكلام اللي صاحبك قالهولك خلاك تصدق وهم مثلا(قصدي خلاك تتحكم في جسمك أكتر وبالتالي رجلك متنزلش علي الارض)
عامة أنا مش مقتنع بيه خالص لأن مفيش أي دليل عملي او علمي عليه وكله كلام في الهوا وسطحي جدا