New Euro NCAP Crash Test Kia Sportage 2011 - YouTube
لو حضرتك بتحب الماتنيوال بص علي الفورد المنديو عربية وهمية بجد وتحس انها جاجوار وفيها 8 ايرباج وكل اوبشن السلامة الي ممكن تتخيلها وواخدة عربية العام في اكتر من استفتاء في اوربا وامريكا واسعار قطع غيارها ممتازة بس لازم تسئل بنفسك في التوكيل.
كمان في النيسان قشقاي عربية حلو جدا ومميزة وبتتجمع في بريطانيا فهتعجبك جدا.
لو لازم اتوماتيك بص برضو علي الفورد ( معلش اصلي بحب وبحترم الماركة دي جدا) فوكاس برضو عربية جميلة جدا وفيها كل حاجة تحتاجها يعيبها ان شكلها هيتغير من اول السنة الجاية.
والبيكاسو عربية حلوة وطلما حضرتك مش هتبيع قبل 7 سنين زي مانتا كاتب هتكون ساعتها الجمارك علي العربيات الاوربي بقت صفر ( سنة 2019) فساعتها هتكون اعادة البيع للعربيات الاوربي كلها قريبة من بعض.
والله الموفق.
لو فيه امكانيه للانتظار المفروض ان النيسان القشقاي حاينزل منها فئه اوتوماتيك و بيقال انها حاتكون في الحدود السعريه اللي انت كاتبها....... بيتهيألي كده يبقي Best Value For Money
انا اتصلت بتوكيل نيسان النهارده....محدش اكد الموضوع ده.........لو حضرتك عندك معلومات ياريت تقولهولي......
انا تفضيللي هيكون للعربيات الاوتوماتيك كمان 7 سنين ان شاء الله من الصعب تلاقي عربيات مانيوال
انا يا جماعه ما بهتمش بالشكل علي حساب المضمون........انا لو كده كنت جبت عربيات كتييير منظر بس ..........لكن انا بركز ع الياباني و الاوربي لاني عايز احس اني راكب عربيه كويسه..اعتماديتها عاليه........و استهلاكها في البنزين مش عالي و العربيه تديك اللي انت دفعته فيها ........مش شويه بلاستيك من جوه و شكل حلو من بره و خلاص......انا متابع ردودكم باهتمام لاننا بستفيد و بتعلم منكم
طب ممكن رايكم في ميجان 3 هاتش باك............تقريبا دي نسخه الفلوينس الهاتش ......انا شايفها ع النت دلوقت بس..ما شفتهاش في الشارع قبل كده الصراحه...........هل ممكن تدخل في الاختيارات و لا بلاش منها؟...انا متشكر لكم
نيسان قشقاى عربية عائلية و واسعة و أمان و كماليات و عالية و فتحة سقف بانوراما و رينو فلوانس فيها 6 أير باج و بروتون برسونا مافيش أجمل من كدة بس للأسف مش وخدة حظها فى مصر عربية واسعة و متينة و 2 أير باج و مش غالية زى الباقى و كماليات و أساسيات