المساعده ارجوكم.....سبورتاج .....استرا ...و لا استني سيفيك
السلام عليكم و رحمه الله
الموضوع باختصار اني ان شاء الله ناوي اشتري عربيه و نهاي185 الف بالعافيه
المهم انا دورت كتيييييييير في السوق و كان معايير اختياري اننا اروح لعربيه معمره و اعتماديه عاليه تعيش معايا مش اقل باي حال من 7 سنين ان شاء الله.........و يكون السلامه بتاعها كويس علشان اللي جنبي و اللي ورا..........انا عندي اسره صغيره و في منتصف الثلاثينات........و لاني عملت قبل كده حادثه و ربنا نجاني ......فانا عارف قيمه تجهيزات السلامه كويس........
و لان العربيه هتقعد معايا فتره وكنت عايزها بردو تكون مميزه شويه .قررت اني اشتري عربيه لسه مغيره شكل او بقالها في الشكل الجديد سنه ( ع الاقل يكون عيوبها ظهرت) و ماتكونش كتيره قوي في السوق لان الموديل الجديد لما بينزل ل عربيه منتشره قوي و سعرها مش رخيص ....رونق العربيه بيروح .....لان التميز بيبقي صفر .........لكن لو مش منتشره قوي لسه بيكون فيها تميز............يمكن يكون ده رايي
انا مش فارقه معايا هاتش او سيدان طالما هي واسعه من جوه و شنطتها واسعه........اول ما رحت في الاول رحت لهيونداي اي 30 ........شكلها هيتغير و العربيه نازله بايرباج واحد بس ( حتي للفئه العاليه) .......شفت الالنترا الجديده......صاجها ضعيف و صالونها من جوه( بلاستيك ضعيف و تصميم مش كويس) لا يتناسب مع شكل العربيه الجميل من بره........رحت للمازدا لاقيت الكنبه بناعتها اللي ورا ضيقه زائد شكلها اللي بيبتسم من قدام و بيكشر من ورا مش محبوب قويليه.....رحت للهوندا لقيتها هتغير شكل السنه اللي جايه........رحت للبيجو 408 لقيت ان سعرها بردو مش رخيص علي عربيه بتتجمع في الصين و لها اسواق مخصوصه و لسه ما اتجربتش في مصر ( انا بتكلم ع الفئه اللي في النص اللي ب 160 لف) ......رحت لاوكتافيا لاقيتها بصراحه منتشره انتشار رهييييييييب.....رحت للجولف البيز لاين لاقيت الاسترا تكسب من جوا و من برا و الاوبشنز و قطع الغيار و مساحه الشنطه و انها اكتر تناسب عائله صغيره........نزلت المعرض لقيت السيتروين C4 picasso خمسه راكب بصراحه تحفه و صالونها رووووووعه بس طبعا سعر اعاده بيع في قمه الضياع .........شفت كيا سبورتاج اللي هتنزل كمان 4 شهور و حجزها دلوقت و هي عربيه كويسه و هتبيع كويس بس مش عارف اعتماديتها عامله ايه؟؟ و للاسف التوكيل هينزلها ب 2 اير باج بس ........بس ان شاء الله تكون امان
انا بسال عن اقتراحاتكم .......اروح للالماني و لا اروح للسبورتاج اللي ممكن تكون مميزه و سعر اعاده بيعها افضل و لا استني السيفيك الجديده ..............
تنصحوني بايه