معلش يا جماعة انا عندى شوية استفسارات و محتاج رأيكم فيها , اول حاجة انا بحس ان الدريكسيون معايا خفيف قوى يعنى لو فيه زلطه دوست عليها بالعربية هلاقى الدريكسون حدف معايا بطريقة غريبة هوه ايه اللى ممكن يكون السبب فى كده هل هوه عشان الجنط ال 17 كبير فى بيعمل كده و لا ممكن يكون ايه متقولولى أى اقتراحات و انا انزل للميكانيكى اشوف ايه الدنيا معاه بس اكون نازل فاهم مش عايزه يحس انى فى البالالا فى حوارات العربيات .
اه انا عندى حاجة غريبة برده فى العربية لما بشغل النور بيتاع العربية بلاقى الكلاكس فصل معايا و المالتى فانكشن مش كل حاجة فيه بتشتغل يعنى ممكن اوطى الصوت بس ميرداش أعليه حاجات كده غريبة .
اه و اخر حاجة كفاية كده عشان مطولش عليكم انا لما بشغل التكيف و أجى الف شمال اسمع صوت تكتكه و الصوت ده مبيزهرش غير لما الف شمال بسمع تكتكه فى الدريكسيون عشان محدش يفتكر العجل و يقول كبالن و الصوت ده مبيزهرش غير لو لفيت شمال لو لفيت يمين مبيحلش حاجة
و الصوت ده بيظهر أكتر و انا مشغل التكيف و نادرا لما يزهر و انا مش مشغل التكيف بس على ما ازون ممكن ده يكون بوش و لا ايه رأيكم ؟؟

أقول على حاجات تانية ولا كفاية كده واللهى حاسس ان فيه عفريت مشير معايا فى العربية