يا اهل الدايهاتسو الاعزاء افتونا

**Imhotep** · 02-10-2011 11:11 AM

جايز منكم اللى لاحظ انى عملت موضوع فى العام عن تغيير الزيت.... و لانى موصلتش لعقاد نافع قبل ما اتصرف.... اتصرفت زى نصيحة مهندس التوكيل ما قال

الحكاية ان العربية دلوقتى عاملة 50 الف و هى موديل 2009.... قبل كده كنت بعمل 10 الاف كل 6 شهور فكان غيار الزيت مظبوط تمام من ناحية الوقت و الكيلو لانى كنت بحط تخليقى من البداية..... دلوقتى بقيت اعمل 5 الاف كل 6 شهور..... مهندس التوكيل قالى غير لزيت الخمسة الاف قلتله مفيش مشكلة قال مفيش..... و فعلا ده اللى حصل امبارح.....

النهاردة بقه جيت ادور.... حطيت المفتاح فى الكونتاكت و اديته التكتين بتوع اللمبات بالراحة زى ما بعمل دايما و ادور لما اللومض بتاعة التشك تطفى..... المختلف بقى ان النهارده لقيت 3 لمبات جداد مرة واحدة منورين.... الزيت و البطارية و الموتور.... استنتهم يطفوا مش راضيين.... روحت مدور دارت عادى و اللومض طفت..... جربت تانى و طفيت و دورت بنفس الترتيب و استنيت اللمبات تطفى برضه مطفتش روحت مدور برضه دارت عادى....
حاجة اخيرة هقولها ان البطارية عندى على وش تغيير بس لو هى البطارية مش كانت تنور لوحدها؟
معلش طولت فى الشرح بس كنت محتاج اوضح القصة كويس...

السؤال بقى ليه اللمبات دى نورت ؟و هل ده عادى؟ و هل ده بسبب تغيير الزيت؟ و لا ايه الحكاية

**MohssenRashed** · 02-10-2011 11:52 AM

تصدق انا مش فاكر المبات اللي بتنور عندي؟؟ بس اعتقد ان عندي برضو الزيت و البطاريه و المتور.

انا رايح التوكيل كمان ساعه ان شاء الله هغير بلي شمال امامي و تيل الفرامل . لو عايز اسألك على حاجه انا تحت امرك؟

قسم الدايهاتسو نااااااااااااايم في العسل ده انا عامل بتاع 3 مواضيع محدش عبرني.

**MohssenRashed** · 02-10-2011 12:07 PM

صحيح نسيت انا برضو بحط Mobile XHP و بيعد 5000 كم.

**Imhotep** · 02-10-2011 12:16 PM

المشاركة الأصلية كتبت بواسطة mohssenrashed

تصدق انا مش فاكر المبات اللي بتنور عندي؟؟ بس اعتقد ان عندي برضو الزيت و البطاريه و المتور.

انا رايح التوكيل كمان ساعه ان شاء الله هغير بلي شمال امامي و تيل الفرامل . لو عايز اسألك على حاجه انا تحت امرك؟

قسم الدايهاتسو نااااااااااااايم في العسل ده انا عامل بتاع 3 مواضيع محدش عبرني.

لو تسأل على الموضوع ده زى ما انا شرحته يا ا/محسن يبقى كتر خيرك شكرا جزيلا.....

هى الفكرة ان اللومض دى زيها زى غيرها كانت بتنور و تطفى قبل الدوارة و بعد التكتين الاولانيين فى الكونتاكت.... النهاردة استنتهم يطفوا مطفوش و هو ده اللى انا بٍسأل عن سببه.....

**Mostafa_Sherif** · 02-10-2011 04:27 PM

السلام عليكم ,
لمبات الزيت و البطارية و المحرك لا تطفئ حتي يدور المحرك في كل السيارات و السبب كلأتي:-

1. لمبة الزيت :- بتطفي لما ضغط زيت المحرك بيكون أعلى من الضغط المطلوب لتزييت المحرك بطريقة كافية و تضئ في حالة أنخفاض ضغط الزيت في حالات عدم الدوارة أو نقص مستوى الزيت نقص شديد.
2. البطارية :- بتطفي لما شحن الدينامو يعادل قيمة فرق جهد البطارية و ذلك عند دوارة المحرك. تضئ اثناء دوارة المحرك في حالات انقطاع سير الادارة ( سير الدينامو ) أو وجود عطل في الدينامو.
3. أعطال المحرك :- جرى العرف على أن تطفئ بعد دوارة المحرك و لكن لايوجد سبب عملي يمنع ذلك, حيث كل الانظمة الالكترونية الاخري تقوم بفحص المكونات الاكترونية في الثوان الاولى ثم تقوم بأطفاء لمبه الاعطال الخاصة بها. مثل ال abs , esp , eps .

مصطفى شريف

**Imhotep** · 02-10-2011 05:35 PM

المشاركة الأصلية كتبت بواسطة mostafa_sherif

السلام عليكم ,
لمبات الزيت و البطارية و المحرك لا تطفئ حتي يدور المحرك في كل السيارات و السبب كلأتي:-

1. لمبة الزيت :- بتطفي لما ضغط زيت المحرك بيكون أعلى من الضغط المطلوب لتزييت المحرك بطريقة كافية و تضئ في حالة أنخفاض ضغط الزيت في حالات عدم الدوارة أو نقص مستوى الزيت نقص شديد.
2. البطارية :- بتطفي لما شحن الدينامو يعادل قيمة فرق جهد البطارية و ذلك عند دوارة المحرك. تضئ اثناء دوارة المحرك في حالات انقطاع سير الادارة ( سير الدينامو ) أو وجود عطل في الدينامو.
3. أعطال المحرك :- جرى العرف على أن تطفئ بعد دوارة المحرك و لكن لايوجد سبب عملي يمنع ذلك, حيث كل الانظمة الالكترونية الاخري تقوم بفحص المكونات الاكترونية في الثوان الاولى ثم تقوم بأطفاء لمبه الاعطال الخاصة بها. مثل ال abs , esp , eps .

مصطفى شريف

شكرا على الشرح الوافى يا ا/مصطفى، جازاك الله خيرا

**MohssenRashed** · 03-10-2011 08:58 AM

باشا انا سألت و شوفت عندي لاقيت ان ده الطبيعي زي ما استاذ Mostafa_Sherif قال.

كله تحت السيطره ياباشا.

بالمناسبه: غيرت امبارح طقم تيل فرامل + بليه عجل امامي شمال التكلفه 1360 جنيه

**Imhotep** · 03-10-2011 10:50 AM

المشاركة الأصلية كتبت بواسطة mohssenrashed

باشا انا سألت و شوفت عندي لاقيت ان ده الطبيعي زي ما استاذ mostafa_sherif قال.

كله تحت السيطره ياباشا.

بالمناسبه: غيرت امبارح طقم تيل فرامل + بليه عجل امامي شمال التكلفه 1360 جنيه

شكرا يا ا/محسن انا كمان شيكت مع واحد زميلى فى الشغل لقيت نفس الحكاية جايز انا اللى كنت مهيس عشان حكاية تغيير نوع الزيت.... انا كنت بستخدم تخليقى و يا ريتنى ما سمعت كلام المهندس و غيرت لل اكس اتش بى..... على العموم انا هرجع تخليقى تانى عشان حاسس ان اداء الموتور كان احسن و صوته كمان....

التيل لسه ب 500 و حاجة و لا غلوه؟

**MohssenRashed** · 03-10-2011 10:59 AM

المشاركة الأصلية كتبت بواسطة mahora

شكرا يا ا/محسن انا كمان شيكت مع واحد زميلى فى الشغل لقيت نفس الحكاية جايز انا اللى كنت مهيس عشان حكاية تغيير نوع الزيت.... انا كنت بستخدم تخليقى و يا ريتنى ما سمعت كلام المهندس و غيرت لل اكس اتش بى..... على العموم انا هرجع تخليقى تانى عشان حاسس ان اداء الموتور كان احسن و صوته كمان....

التيل لسه ب 500 و حاجة و لا غلوه؟

العفو ياباشا

التيل ب 522 جنيه + 52.20 جنيه ضريبه المبيعات = 574.5 جنيه.

و اخدت خصم 15% على المصنعيه عشان التيل مكانش موجود و انا بعمل صيانه ال 30 الف و رحت تاني امبارح مخصوص عشان التيل.