عربيتى لوجان 2011 عامله 9600 كيلو أصبحت اسمع صوت صفاره عند الضغط على الفرامل هل هذا طبيعى سماع صوت الصفاره فى اللوجان عند الفرامل ام دى مشكلة
هل يتم اصلاحها فىالتوكيل مجانا
عرض للطباعة
عربيتى لوجان 2011 عامله 9600 كيلو أصبحت اسمع صوت صفاره عند الضغط على الفرامل هل هذا طبيعى سماع صوت الصفاره فى اللوجان عند الفرامل ام دى مشكلة
هل يتم اصلاحها فىالتوكيل مجانا
هل لما بتدوس فرامل الصوت بيظهر و العربية ما بتفرملش زي الأول ولا بتفرمل عادي و الصوت ده موجود؟
انا عندي نفس الصوت في العجلة الامامية يمين و فيكتها و اتلحوست و ايديا بقت شبه ايدين الميكانيكية عشان اشوف التيل خلص ولا لسه لقيت مليان و زي الفل
غسلت الطنابير طبعاً و هي باردة الصوت راح شوية و رجع تاني
بس الغريب عندي اني انا لو في مشوار طويل أكيد بستخدم الفرامل كتير في نهايةا لمشوار الطويل ده بسمع الصوت الصفارة ده على خفيف حتى و انا مش دايس فرامل ؟؟ هل حد عنده فكره برضه الموضوع ده ايه او حصل معاه و عالجه؟
العيب ده تفسيرى له ان العجله مش بيقفل عليها التيل بصوره كامله فبتبقى سريعه نوعا ما عن العجله التانيه و مع الفرامل الكاوتش بيحك فى الأرض كأنك بالضبط بتطلع أمريكانى بالعربيه
و أعتقد ان دى ممكن تكون فى السيرفو بس ممكن نشيك على الزيت الأول بتاع الفرامل و نسحب الهوا اللى فى المواسير بتاعة الفرامل
و لو متحلتش يبقى عليك و على التوكيل
انا برده عندي المشكلة ديه في العجلة اليمين ومش عارف اعمل اه بصراحة
هقولك على حاجه ارفع الأول العجله اللى فيها مشكله و دور العربيه و اديها الغيار الأول ثم التانى ثم التالث و هكذا لحد الخامس و جرب دوس فرامل و شوف فى صوت ولا لأ بس خللى ميكانيكى خاص الفرامل هوا اللى يعملهالك
لو مافيش صوت و الصوت ظهر تانى بعد نزول العجل على الأرض يبقى الموضوع فى السيرفو بس
امالو الصوت ظهر يبقى ممكن فى وساخه على التيل و فى اسبراى بيتباع فى كارفور بينض الطنابير و التيل مش فاكر اسمه ايه
بس ممكن الميكانيكى ينضفلك المجموعه كلها و شوف ايه الأخبار
ده تراب على التيل
ياما تروح التوكيل او اى ميكانيكى يفكه وينضفه
شكراً يا باشا على توضحيك
بس أيه السيرفو ده ؟ وهل المشكلة كده اللي فيه خطر ولا عادي؟ و ده بيتصلح أو بيتشحم ولا بيتغير؟ و يا ريت نعرف تمنه كام ؟ و هل ده المفروض التوكيل يغيره على حسابهم على أساس أني في الضمان و بعمل الصيانات كلها في التوكيل ، ولا هشيل أنا تمنه ؟
يا ريت حد يوضحلنا شوية معلومات عن السيرفو و أسعاره و أخطار أعطاله