الموضوع: صوت صفارة الفرامل

هل لما بتدوس فرامل الصوت بيظهر و العربية ما بتفرملش زي الأول ولا بتفرمل عادي و الصوت ده موجود؟

انا عندي نفس الصوت في العجلة الامامية يمين و فيكتها و اتلحوست و ايديا بقت شبه ايدين الميكانيكية عشان اشوف التيل خلص ولا لسه لقيت مليان و زي الفل

غسلت الطنابير طبعاً و هي باردة الصوت راح شوية و رجع تاني

بس الغريب عندي اني انا لو في مشوار طويل أكيد بستخدم الفرامل كتير في نهايةا لمشوار الطويل ده بسمع الصوت الصفارة ده على خفيف حتى و انا مش دايس فرامل ؟؟ هل حد عنده فكره برضه الموضوع ده ايه او حصل معاه و عالجه؟

المشاركة الأصلية كتبت بواسطة ahmedeg1

العيب ده تفسيرى له ان العجله مش بيقفل عليها التيل بصوره كامله فبتبقى سريعه نوعا ما عن العجله التانيه و مع الفرامل الكاوتش بيحك فى الأرض كأنك بالضبط بتطلع أمريكانى بالعربيه
و أعتقد ان دى ممكن تكون فى السيرفو بس ممكن نشيك على الزيت الأول بتاع الفرامل و نسحب الهوا اللى فى المواسير بتاعة الفرامل
و لو متحلتش يبقى عليك و على التوكيل

طيب أروح لمين يقولي المشكلة ديه مشكلة أيه ؟ عفشجي ولا ميكانيكي ولا أسمه أيه؟

ده تراب على التيل
ياما تروح التوكيل او اى ميكانيكى يفكه وينضفه

المشاركة الأصلية كتبت بواسطة ahmedeg1

هقولك على حاجه ارفع الأول العجله اللى فيها مشكله و دور العربيه و اديها الغيار الأول ثم التانى ثم التالث و هكذا لحد الخامس و جرب دوس فرامل و شوف فى صوت ولا لأ بس خللى ميكانيكى خاص الفرامل هوا اللى يعملهالك
لو مافيش صوت و الصوت ظهر تانى بعد نزول العجل على الأرض يبقى الموضوع فى السيرفو بس
امالو الصوت ظهر يبقى ممكن فى وساخه على التيل و فى اسبراى بيتباع فى كارفور بينض الطنابير و التيل مش فاكر اسمه ايه
بس ممكن الميكانيكى ينضفلك المجموعه كلها و شوف ايه الأخبار

شكراً يا باشا على توضحيك

بس أيه السيرفو ده ؟ وهل المشكلة كده اللي فيه خطر ولا عادي؟ و ده بيتصلح أو بيتشحم ولا بيتغير؟ و يا ريت نعرف تمنه كام ؟ و هل ده المفروض التوكيل يغيره على حسابهم على أساس أني في الضمان و بعمل الصيانات كلها في التوكيل ، ولا هشيل أنا تمنه ؟

يا ريت حد يوضحلنا شوية معلومات عن السيرفو و أسعاره و أخطار أعطاله