السير بدون مياة فى الرادياتير

ممكن أعرف العربية ممكن تمشى مسافة أد إية من غير مياة فى الرادياتير

وهل الخطورة ان لو العربية سخنت ولا فى عدم وجود المياة أصلا

اصل انا اتخبط فى الريادتير من تحت وكانت الساعة 12 ومش عارف أعمل اية المهم سيبتها لما بردت وبعدين مشيت كيلو ووقف شوية لما بردت وبعدين مشيت شوية كمان ووقفت نصف ساعه ووقف ساعتين وقعدت على القهوة لحد مابردت خالص وبعدين مشيت حوالى 200 متر ودخلتها الجراج بس مكنتش بحس بسخونة فى الموتور ولمبة الحرارة منورتش خالص

من غير ماحد يشتم هو أكيد ضرر بس دة اللى حصل ومتضايق عشان لما سألت قالو بتأثر على وش السلندر

فكنت عاوز حد يقوللى أعرف ازاى ان فية ضرر فى العربية مع انها كانت ماشية طبيعى خالص لحد ما دخلت الجراج

العربية نيو أكسنت

الضرر طبعا في عدم وجود مياه بالعربية هو انعدام التبريد لان مياه التبريد بتمتص الحرارة من حول الشمايز بتاعة العربية وبعدين تروح للرادياتير عشان يسربها للمحيط الخارجي وترجع المياه الباردة تاني داخل المحرك وبدون وجود المياه هتزيد درجة حرارة الشمايز والبساتم لعدم وجود وسيط ينقل الحرارو وده بيؤدي لسخونة شديدة جدا داخل غرفة المحرك وده ممكن يخلي الموتور يا اما يقفش او لبساتم تسيح بس ده ما حصلش معاك لانك كنت بتبرد العربية بسرعة وما سبتهاش توصل لدرجة الحرارة اللي تؤدي لتلف وش السلندر وجوانه او اي اجزاء تانية وده ستر من ربنا الحمد لله انها جت سليمة وطمنا عملت ايه

شكرا يا استاذ طارق

بس لو عاوز اتاكد ان مفيش ضرر حصل اعمل ايه

وبعدين لمبة الحرارة مش المفروض انها متوصلة للموتور
يعنى لو سخنت كانت هاتنور وهل هى بتشتغل على درجة حرارة الزيت ولا درجة حرارة المياة

لان عندى مفيش مؤشر عندى لمبة بارد ولمبه حمراء بتظهر مع فتح الكونتاكت والحمد لله عمرها مانورت

انا من شهر كده رجعت من مدينة نصر للقلعة بالعربية ومفيهاش ولا نقطة ميه الكلام ده بليل بس لما وصلت السيدة عائشة المؤشر اول ما عدى النص روحت راكن و مبطل العربية و ساعتها اكتشفت ان العربية مفيهاش ولا ندعة مياه وربنا ستر والحمد لله
اهم حاجة اول لما الموشر او لمبة الحرارة تنور تبطل العربية على طول و سبها تهدى و زود مياه
وربنا يستر ان شاء الله

فى حاله السخونه التى تضر المحرك العربيه
تبطل علي طول ولا تدور
ان شاء الله خير وطمنا

هو طبعا غلط جدا جدا الي حضرتك عملته دا واشبه بالانتحار للعربية!

ولكن الgood news ان المسافة الي انت عملتها دي متلحقش تخرب اي حاجة :) بس السؤال هو حضرتك ليه اصلا محطيتش مياه طالما العربية مسخنتش مفيش مانع انك تحط مية وتزود بدل ما تمشي من غير مية! انشاله تحط مياه عادية لحد ما تبقى تفضيها وتحط مياه خضراء.

اقتباس:

---

المشاركة الأصلية كتبت بواسطة r0xer

هو طبعا غلط جدا جدا الي حضرتك عملته دا واشبه بالانتحار للعربية!

ولكن الgood news ان المسافة الي انت عملتها دي متلحقش تخرب اي حاجة :) بس السؤال هو حضرتك ليه اصلا محطيتش مياه طالما العربية مسخنتش مفيش مانع انك تحط مية وتزود بدل ما تمشي من غير مية! انشاله تحط مياه عادية لحد ما تبقى تفضيها وتحط مياه خضراء.

---

شكرا لحضرتك

الوقت كان متاخر ومافيش مكان جنبى فية مية وبعدين كنت قريب من البيت

انا اللى كنت قلقان منة ان اللمبة ماتكونش بتنور او فيها مشكله لان معنديش مؤشر

بس اللمبة الحمرا عمرها مانورت لا فى الموقف دة ولا قبل كدة بس هى بتنور عند فتح

الكونتاكت فقط لثوانى

بس هو مش المفروض ان ترموستات الحرارة بيبقى مع سخونة الزيت مش المية صح ؟؟؟

اقتباس:

---

المشاركة الأصلية كتبت بواسطة samirsaid1

شكرا يا استاذ طارق

بس لو عاوز اتاكد ان مفيش ضرر حصل اعمل ايه

اولا تعالج سبب التلف بانك تصلح الرادياتير وتغير الخراطيم لو محتاجة تغيير
وبعدين لمبة الحرارة مش المفروض انها متوصلة للموتور
لمبة الحرارة متوصلة للموتور وبتقيس درجة حرارة المياه لكن في حالتك لا توجدمياه حتي تقيس درجة حرارتها كان زمان عندي عربية شاهين كانت لما تسخن جدا كان حساس الحرارة بيضرب ويبوظ فلازم تتاكد بعد ماتصلح الرادياتير ام مؤشر الحرارة شغال
يعنى لو سخنت كانت هاتنور وهل هى بتشتغل على درجة حرارة الزيت ولا درجة حرارة المياة
[COLOR="rgb(65, 105, 225)"]لا درجة حرارة المياه الزيت اللمبة بتشتغل علي ضغط الزيت اللي خارج من طلمبة الزيت [/COLOR]

لان عندى مفيش مؤشر عندى لمبة بارد ولمبه حمراء بتظهر مع فتح الكونتاكت والحمد لله عمرها مانورت

---

خطر جسيم .. تضرب وش سلندر على طول وحتتضر تشيل الموتور .. لا تكررها مرة اخرى

اقتباس:

---

المشاركة الأصلية كتبت بواسطة samirsaid1

ممكن أعرف العربية ممكن تمشى مسافة أد إية من غير مياة فى الرادياتير

وهل الخطورة ان لو العربية سخنت ولا فى عدم وجود المياة أصلا

اصل انا اتخبط فى الريادتير من تحت وكانت الساعة 12 ومش عارف أعمل اية المهم سيبتها لما بردت وبعدين مشيت كيلو ووقف شوية لما بردت وبعدين مشيت شوية كمان ووقفت نصف ساعه ووقف ساعتين وقعدت على القهوة لحد مابردت خالص وبعدين مشيت حوالى 200 متر ودخلتها الجراج بس مكنتش بحس بسخونة فى الموتور ولمبة الحرارة منورتش خالص

من غير ماحد يشتم هو أكيد ضرر بس دة اللى حصل ومتضايق عشان لما سألت قالو بتأثر على وش السلندر

فكنت عاوز حد يقوللى أعرف ازاى ان فية ضرر فى العربية مع انها كانت ماشية طبيعى خالص لحد ما دخلت الجراج

العربية نيو أكسنت

---

ممكن يكون الردياتير اخد خبطة فعلا لكن لايوجد به ثقب أو يوجد ثقب لكن معدل تسريب المياه بسيط لذا لم يحدث ضرر للمحرك (حضرتك لم توضح تلك النقطة - هل تم تصفية المياه بالردياتير تماما ام لا)

علي كل حال يجب عمل الاجراءات التالية و بسرعة:
1- الكشف علي الردياتير و التاكد من سلامته و عدم وجود ثقوب به
2- الكشف علي دائرة التبريد و كل الوصلات المرنة و المطاطية لأنها تتأثر بالحرارة المرتفعة و قد يحدث بها تشققات و هنا يجب تغييرها
3- ملاحظة مؤشر الحرارة هل يرتفع اعلي من السابق ام لا
4- الكشف علي مستوي الزيت باستمرار و التأكد من لونه و لزوجته و هنا لو تلاحظ تغير الزيت يجب تغيير جوان وش السلندر فورا و التأكد من حالة الغطاء و عدم تاثره بالحرارة
5- التأكد من حالة الثرموستات لأنه يوجد احتمال ان يكون قد تأثر من الحرارة المرتفعة و هنا يجب تغييره

مع خالص تحياتي
م/ سمير الشهاوي

اقتباس:

---

المشاركة الأصلية كتبت بواسطة SE_coralsea

ممكن يكون الردياتير اخد خبطة فعلا لكن لايوجد به ثقب أو يوجد ثقب لكن معدل تسريب المياه بسيط لذا لم يحدث ضرر للمحرك (حضرتك لم توضح تلك النقطة - هل تم تصفية المياه بالردياتير تماما ام لا)

علي كل حال يجب عمل الاجراءات التالية و بسرعة:
1- الكشف علي الردياتير و التاكد من سلامته و عدم وجود ثقوب به
2- الكشف علي دائرة التبريد و كل الوصلات المرنة و المطاطية لأنها تتأثر بالحرارة المرتفعة و قد يحدث بها تشققات و هنا يجب تغييرها
3- ملاحظة مؤشر الحرارة هل يرتفع اعلي من السابق ام لا
4- الكشف علي مستوي الزيت باستمرار و التأكد من لونه و لزوجته و هنا لو تلاحظ تغير الزيت يجب تغيير جوان وش السلندر فورا و التأكد من حالة الغطاء و عدم تاثره بالحرارة
5- التأكد من حالة الثرموستات لأنه يوجد احتمال ان يكون قد تأثر من الحرارة المرتفعة و هنا يجب تغييره

مع خالص تحياتي
م/ سمير الشهاوي

---

شكرا يا بشمهندس سمير

فكرتنى يا بشمهندس :majd(4):

هو لما اتخبط فعلا لقيتة منزل مية

وبعد الشوية اللى مشيتهم ولما جيت أطلعها الجراج لقيت ميه تانية تحت العربية معرفش ازاى

بس فعلا لقيت شوية مية فهل دة معنا انها ما سخنتش

انا معنديش مؤشر حرارة عندى لمبتين زرقاء لما بتكون باردة وحمرا لو سخنت بس عمرى

الحمد لله ما شوفتها منورة غير عند فتح الكونتاكت

وشكرا جزيلا لحضرتك

اقتباس:

---

المشاركة الأصلية كتبت بواسطة samirsaid1

شكرا يا بشمهندس سمير

فكرتنى يا بشمهندس :majd(4):

هو لما اتخبط فعلا لقيتة منزل مية

وبعد الشوية اللى مشيتهم ولما جيت أطلعها الجراج لقيت ميه تانية تحت العربية معرفش ازاى

بس فعلا لقيت شوية مية فهل دة معنا انها ما سخنتش

انا معنديش مؤشر حرارة عندى لمبتين زرقاء لما بتكون باردة وحمرا لو سخنت بس عمرى

الحمد لله ما شوفتها منورة غير عند فتح الكونتاكت

وشكرا جزيلا لحضرتك

---

معني كلامك أن الردياتير به ثقب فعلا و يوجد تسريب للمياه لكن المسافة اللي قطعتها بالسيارة ليست كافية لتسريب كل المياه الموجودة بالردياتير و المحرك و القربة
لذا لم ترتفع درجة حرارة المحرك بشكل كبير و مفاجئ

لذا أنصحك بعمل الاجراءات التي سبق أن ذكرتها فورا و أصلاح الردياتير

مع خالص تحياتي
م/ سمير الشهاوي

شكرا يا بشمهندس سمير
وربنا يكرمك
طمنتنى

طب انا عندى المؤشر اعلى من السابق وبزود مياه كل يومين اعمل ايه ؟

هل من الراديتير ولا جوان وش سلندر

اقتباس:

---

المشاركة الأصلية كتبت بواسطة motoxp

طب انا عندى المؤشر اعلى من السابق وبزود مياه كل يومين اعمل ايه ؟

هل من الراديتير ولا جوان وش سلندر

---

شوف القربة بتاعة الميه و الموتور داير
لو فيه فوران كتير يبقي جوان وش السلندر

كمان ممكن تتأكد من لون العادم اللي طالع من الشكمان
لو لاقيته أبيض يبقي جوان وش السلندر

اما لو مافيش حاجة من دي يبقي أحتمال يكون التسريب بسبب حاجة من الاتي :
1- تسريب من الردياتير
2- خرطوم من خراطيم التبريد
3- غطاء القربة مفوت

و رأيي تبدأ من الحاجة السهلة و البسيطة اللي هيا رقم (3) غطاء القربة و بعد كده رقم (2) فرقم (1)

مع خالص تحياتي
م/ سمير الشهاوي

اولا بشكركم على مساعدتكم ليا وجزاكم اللة خير انا قعدت اليومين الاجازة اللى فاتو ظبط السمكرة فى العربية وظبط الرادياتير هو الحمد للة طلع مش خرم

انتو عارفين ان الرادياتير بيبقى لية قميص من فوق ومن تحت فيبر او بلاستيك ومتبرشم مع الريش الألومنيوم كان اتلوح فالراجل فك كل البرشام اللى موجود واستعدله وجبت سليكون وحطه على الجوان قبل ما يقفل وبرشم

بس الغريب انى لقيت مياة خضراء كتير نازلة من الرادياتير معرفش كانت فين مع انى مشيت بيها مسافة تعتبر مش قليلة ومن غير ماتسخن

فهل دة كان حماية وما أثر على الجوان

سوال أخير الراجل حطلى مية غريبة إسمها master
هى مصرى بس حاسس انها عاملة زى الزيت واللى خلانى أسألكم عنها ان العربية مشيت بيها حوالى 2 كيلو بس لقيت الكبوت سخن بغير العادة

فهل حد جرب المية دى قبل كدة لأنى شاكك فيها