هشرح الموضوع باختصار على قدر الامكان
واحدة بطفلين مأجرة مننا شقة في الرماية والعقد انتهى في 19-8 اللي فات وكنا معرفينها من قبلها اننا محتاجين الشقة لانها متعبة في سداد الايجار والكهرباء والمصروفات الشهريىة لصيانة العمارة
المهم اتخذنا اجراء قانوني احتياطي وخلينا محامي عملها انذار بالطرد
جات في 8 وسطت رئيس مجلس العمارة بشهر كمان عشان لسه ملقتش شقة تاني
وافقنا على مضض ومراعاة لظروفها كونها سيدة
بعد الشهر طالبناها بتسليم الشقة قالت لأ انا طلبت لاخر السنة وانتم وافقتم
طبعا قولنا لها الاتفاق مع رئيس المجلس على شهر وهي مصممة انه بلغها انه لاخر السنة
قولت لها عشان سوء الفهم اللي حصل خليكي شهر كمان الكلام ده كان في نص 9 تقريبا
وقولت لها خلي كلامك معانا مباشر عشان ميحصلش سوء فهم تاني
دلوقت بكلمها لان الشهر التاني المهلة المفروض ينتهي 19 - 10 هي تقول لا انتي قولتي لاخر 10
جننتني ,,,,,,,
دلوقت هي متلائمة علينا وبتقول مش لاقية في الرماية وهعمل ايه ارمي فرشي في الشارع يعني واحنا عندنا عمارات وبيوت مش بنعمل كدة في السكان !!!!!!!!!!
ميفرقش معايا 19 من اخر الشهر بس انا عارفة انها بتماطل لان الرماية مليانة شقق بس الاسعار عالية خصوصا في مساكن الظباط وقولت لها ان مساكن الشباب ارخص لو عايزة رخيص
دلوقت احنا قولنا دي اخر فرصة بعد كدة هنطردها عن طريق قسم البوليس هل كدة هابقى مفترية وهابهدلها هي بعيالها وفرشها والكلام اللي بتقوله ده ولا عدانا العيب بجد حيرانة ؟؟؟؟؟؟؟