تجربتي الشخصية مع خدمة فالفولين لتغيير الزيت أمام المنزل

كنت قررت اني هاغير زيت و فلتر بس في صيانة ال-60000 دي عشان أوماترا غيروا بقية الحاجات في الصيانة اللي فاتت .. انهاردة رحت أوماترا اشتري الفلتر لقيته ب 32 جنيه فا انشكحت أوي قمت سألت على حلية الجنط اللي عليها علامة FIAT عشان طايرة من عندي طلعت ب-168 جنيه :majd(4): .. المهم و أنا راجع كلمت خط الخدمة بتاع فالفولين عشان احجز معاد، و الحقيقة التعامل كان محترم جدا و رد على أسئلتي بخصوص نوع الزيت المناسب لعربيتي و الفرق بينه و بين نوع تاني، و اتفقنا على المعاد و على الزيت: SynPower MST 5W-30

في المعاد تمام كان المندوب واقف قدام البيت بعربية ميكروباص عليها علامة فالفولين فيها العدة و كراتين زيت و جهاز الشفط و كوريك و الحصيرة أم عجل دي عشان ينزل تحت العربية براحته .. المهم، فتح الكبوت و شفط الزيت القديم و كله تمام في أقل من 10 دقايق، بعدين جه دور فلتر الزيت .. و هنا كانت المفجأة: الفلتر مش باين له أثر في الموتور :U_thin1[1]: .. الراجل رفع العربية و نزل تحتها خمس مرات و بص في الموتور و كلم المركز و سأل الناس و برضو ما حدش عارف أين يقع الفلتر! .. و طبعاً نمرة أوماترا مشغولة من قبل ما تجمع أصلاً حوالي نص ساعة لحد ما ردوا عليا:

- "ألو عايز أعرف من فضلك مكان فلتر الزيت في برافو T-Jet 150 حصان؟"
- "ما ينفعش حضرتك عشان دا لازم له أدوات مخصوصة"
- "يا سيدي ماشي بس أنا عايز أعرف مكانه!"
- "حضرتك لو غيرته بنفسك كده تخرج من الضمان"
- "من فضلك ممكن ترد على سؤالي: فين مكان فلتر الزيت؟" *نبرة غيظ و صوت مرتفع* :H_angry[1]:

في الأخر عرفت اني لازم أفك غطا الموتور و بعدين في صفيحة صغيرة جنب التربو تحتها بقى موجود الفلتر .. خلاصة الموضوع، مندوب فالفولين طلع من القلة اللي مش بتحب تفتي و قال لي أنه مش هايعرف يغيره و كلم المركز تاني .. صراحة الناس اعتذروا لي عن الموقف ده و عن الوقت اللي ضاع و قالوا لي أن دي أول مرة يحصل الموقف ده .. أنا قلت لهم رأيي أن طالما العميل بيحجز معاد مسبق و بيحدد نوع عربيته يبقى المفروض المندوب اللي طالع الشغلانة دي يبقى عنده كل المعلومات اللي تساعده.

الخلاصة:
1- باستثناء الموقف اللي هو حالة فردية، الناس دول تعاملهم معايا على التليفون أو حتى المندوب اللي جه كان محترم جداً .. لو بعد تجربة الزيت حسيت فعلاً بفرق و طلع زيت كويس يبقى إن شاء الله هأكمل تعامل معاهم.
2- لازم لازم لازم نلاقي حد تاني بيفهم في عربياتنا غير أوماترا.

ممكن اسألك يا باشا نوع الزيت دة اجيبوا منين ؟ وهل هو احسن فى اية من موبيل اللى بيتغير فى التوكيل ...انا غيرت اول زيت شيل الترا والمفروض اليومين دول اغير زيت فانت فى الاخر غيرتة بردو فى التوكيل !:frown:

هعملوكوا موضوع بتغير الفلتر من كتالوج الورشة وعلى فكره هو رخم فحت وطبيعي محدش يعرف مكانه ودي مش غلطتهم لإن فيات حطاه للعربيات التربو في مكان غبي فحت
نصيحة تانيه الmst ده low sap وده معمول محافظة للبيئه بس مش بيحافظ على البيئة قوي حط بعد كده 5w40 العادي ده بيقلل عمر الكتالتيك شويه بس بيحافظ على الموتور أكتر
وحتى موتور الجراند واللينيا زي بعض لو حطيتهم على فالفولين هتلاقي الجراند mst عشان بتتباع في أوروبا واللينيا عادي مش mst عشان بتتباع بره أوروبا

5w30 في عربية تربو
طيب إزاي !!

اقتباس:

---

المشاركة الأصلية كتبت بواسطة Evo

5w30 في عربية تربو
طيب إزاي !!

---

فلفولين بيقولوا كده الكتالوج 5w40 ومتنساش إن التربو عندنا صغير مش مفتري

اقتباس:

---

المشاركة الأصلية كتبت بواسطة yoko

فلفولين بيقولوا كده الكتالوج 5w40 ومتنساش إن التربو عندنا صغير مش مفتري

---

خفيف جدا هيسخن العربية في الصيف أو حتى غير الصيف
و المقصود زيادة حرارة الزيت وحرارة البلوك
مش هتشوفها على عداد حرارة المياه
لازم عداد حرارة زيت و حرارة عادم
ولما تزيد الحراره عن نقطة معينة ساعتها الزيت هيخف أكتر والإحتكاك هيزيد أكتر

وبالمناسبة كاسترول بتقول إن ادج للمواتير ذات الأداء العالي بس برده بيتاكل بسرعة جدا في مواتير ال m لكن بيحافظ عليها ويخليها ت rev بسهوله وسرعة
لكن لو اتحط في الايفو مثلا بيبقى ملوش لزمه .

اقتباس:

---

المشاركة الأصلية كتبت بواسطة Evo

خفيف جدا هيسخن العربية في الصيف أو حتى غير الصيف
و المقصود زيادة حرارة الزيت وحرارة البلوك
مش هتشوفها على عداد حرارة المياه
لازم عداد حرارة زيت و حرارة عادم
ولما تزيد الحراره عن نقطة معينة ساعتها الزيت هيخف أكتر والإحتكاك هيزيد أكتر

وبالمناسبة كاسترول بتقول إن ادج للمواتير ذات الأداء العالي بس برده بيتاكل بسرعة جدا في مواتير ال m لكن بيحافظ عليها ويخليها ت rev بسهوله وسرعة
لكن لو اتحط في الايفو مثلا بيبقى ملوش لزمه .

---

أنا ضد ال 30 بس 40 تمام عندنا عن تجربه كاسترول عليه كلام بسبب التربو الي بفكر أعله المرة الجايه حاجة تكون 10w60
زي إيدج سبورت أو كده

انا لما جيت اغير فلتر الزيت بره الصيانة اتزليت و قعدت ساعة الا ربع علشان اطلعه مكانه قذر و ضيق و لازم العربية تكون بردت يا حاتتبهدل من الشكمان و الكتاليتك و سخونة الردياتير و مواسير الميه
بس على مين طلعت اللى جابوه
عموما هو عايز لقمة سداسية مقاس 27 و مفتاح عزم لربط الكوباية بتاعته على 25.5 نيوتن
بافكر اجيب الاداة المخصوصة بتاعته و اخلص نفسى

ملحوظة تانية
انا بعد الشيل الالترا مش ناوى احط اى حاجة فى العربية

اقتباس:

---

المشاركة الأصلية كتبت بواسطة yoko

أنا ضد ال 30 بس 40 تمام عندنا عن تجربه كاسترول عليه كلام بسبب التربو الي بفكر أعله المرة الجايه حاجة تكون 10w60
زي إيدج سبورت أو كده

---

المشكلة مش في ال 30 وبس
المشكلة في ال 5 كمان

لأ 5 عادي

انا بحط فافولين racing 5w-50 دة مش موجود فى الشركة بس موجود فى موزع لزيوت فافولين وكاسترول فى الرحاب. بالنسبة لفلتر الزيت للبرافو فهو يعتبر حشو يعنى فى علبة داخل الموتور بتتفك ويركب بداخلها الفلتر ودة اللى عملهولى الميكانيكى على فكرة الفلتر الايطالى الاصلى ب129 جنية اللى بتركبة اوماترا دة البولندى

اقتباس:

---

المشاركة الأصلية كتبت بواسطة mmazhar

انا بحط فافولين racing 5w-50 دة مش موجود فى الشركة بس موجود فى موزع لزيوت فافولين وكاسترول فى الرحاب. بالنسبة لفلتر الزيت للبرافو فهو يعتبر حشو يعنى فى علبة داخل الموتور بتتفك ويركب بداخلها الفلتر ودة اللى عملهولى الميكانيكى على فكرة الفلتر الايطالى الاصلى ب129 جنية اللى بتركبة اوماترا دة البولندى

---

hahahaahahahahahahahahahahahahahahahaha
وبتركبة على انى الايطالى

محدش يعرف اجيب منين synthetic oil وفى فرق يا جماعة فى الزيوت ولا كلة واحد ؟
انا مغير شيل الترا والعربية عاملة 17 الف وصوتها بقى عالى عن الاول بس يمكن يكون من السيور لان بقالها سنتين !!

طبعا كان المفروض المندوب يبقى عارف نوع العربية و عارف كل حاجة عنها و لكن غير كدا كلام حضرتك بيقول ان هم كويسين و اللي كويس فعلا ان المندوب مش بيفتي و قال معرفش بدل ما يعك الدينا

اقتباس:

---

المشاركة الأصلية كتبت بواسطة dodger111

محدش يعرف اجيب منين synthetic oil وفى فرق يا جماعة فى الزيوت ولا كلة واحد ؟
انا مغير شيل الترا والعربية عاملة 17 الف وصوتها بقى عالى عن الاول بس يمكن يكون من السيور لان بقالها سنتين !!

---

انت سايب الزيت فى العربية 17 الف ؟؟
و لا غيرت لشيل لما عملت صيانة ال 10000؟

الزيت ميقعدش في العربيه أكتر من سنه بأي حال من الأحوال

اقتباس:

---

المشاركة الأصلية كتبت بواسطة Ghamrawy

انت سايب الزيت فى العربية 17 الف ؟؟
و لا غيرت لشيل لما عملت صيانة ال 10000؟

---

غيرت عند صيانة ال10000 شيل الترا ..وهى عاملة 17000 وداخلة على سنتين كدا المفروض اعمل صيانة ال20000 ولا ال40000 ؟؟ لان انا مش عارف سبب ان العربية بقى صوتها عالى من اية :majd(4):

الزيت سنه البوجيهات سنه السيور 4 سنين
الصوت أكيد من الزيت

اخبار زيت valvolin بعد التغيير اية ؟!!

اقتباس:

---

المشاركة الأصلية كتبت بواسطة azakareya

كنت قررت اني هاغير زيت و فلتر بس في صيانة ال-60000 دي عشان أوماترا غيروا بقية الحاجات في الصيانة اللي فاتت .. انهاردة رحت أوماترا اشتري الفلتر لقيته ب 32 جنيه فا انشكحت أوي قمت سألت على حلية الجنط اللي عليها علامة FIAT عشان طايرة من عندي طلعت ب-168 جنيه :majd(4): .. المهم و أنا راجع كلمت خط الخدمة بتاع فالفولين عشان احجز معاد، و الحقيقة التعامل كان محترم جدا و رد على أسئلتي بخصوص نوع الزيت المناسب لعربيتي و الفرق بينه و بين نوع تاني، و اتفقنا على المعاد و على الزيت: SynPower MST 5W-30

في المعاد تمام كان المندوب واقف قدام البيت بعربية ميكروباص عليها علامة فالفولين فيها العدة و كراتين زيت و جهاز الشفط و كوريك و الحصيرة أم عجل دي عشان ينزل تحت العربية براحته .. المهم، فتح الكبوت و شفط الزيت القديم و كله تمام في أقل من 10 دقايق، بعدين جه دور فلتر الزيت .. و هنا كانت المفجأة: الفلتر مش باين له أثر في الموتور :U_thin1[1]: .. الراجل رفع العربية و نزل تحتها خمس مرات و بص في الموتور و كلم المركز و سأل الناس و برضو ما حدش عارف أين يقع الفلتر! .. و طبعاً نمرة أوماترا مشغولة من قبل ما تجمع أصلاً حوالي نص ساعة لحد ما ردوا عليا:

- "ألو عايز أعرف من فضلك مكان فلتر الزيت في برافو T-Jet 150 حصان؟"
- "ما ينفعش حضرتك عشان دا لازم له أدوات مخصوصة"
- "يا سيدي ماشي بس أنا عايز أعرف مكانه!"
- "حضرتك لو غيرته بنفسك كده تخرج من الضمان"
- "من فضلك ممكن ترد على سؤالي: فين مكان فلتر الزيت؟" *نبرة غيظ و صوت مرتفع* :H_angry[1]:

في الأخر عرفت اني لازم أفك غطا الموتور و بعدين في صفيحة صغيرة جنب التربو تحتها بقى موجود الفلتر .. خلاصة الموضوع، مندوب فالفولين طلع من القلة اللي مش بتحب تفتي و قال لي أنه مش هايعرف يغيره و كلم المركز تاني .. صراحة الناس اعتذروا لي عن الموقف ده و عن الوقت اللي ضاع و قالوا لي أن دي أول مرة يحصل الموقف ده .. أنا قلت لهم رأيي أن طالما العميل بيحجز معاد مسبق و بيحدد نوع عربيته يبقى المفروض المندوب اللي طالع الشغلانة دي يبقى عنده كل المعلومات اللي تساعده.

الخلاصة:
1- باستثناء الموقف اللي هو حالة فردية، الناس دول تعاملهم معايا على التليفون أو حتى المندوب اللي جه كان محترم جداً .. لو بعد تجربة الزيت حسيت فعلاً بفرق و طلع زيت كويس يبقى إن شاء الله هأكمل تعامل معاهم.
2- لازم لازم لازم نلاقي حد تاني بيفهم في عربياتنا غير أوماترا.

---

اتمنى ان تسمحولى بالمشاركة، و احب اعرفكو بنفسى انا سامر ايوب - مهندس كهرباء بس قضيت عمرى العملى كله فى مجال الحلول الميكانيكية و بالاخص تحليل الزيوت من اجل الصيانة التنبؤية و مدير فالفولين فى مصر.

اولاً اشكر تقديرك لخدماتنا يا بشمهندس احمد و اختيارك لزيت فالفولين و ثانياً اعتذر عن سوء التنسيق الحصل فى موضوع فك الفلتر، و المفروض ان كان يتم التأكد عن طريقنا من مكان الفلتر قبل الذهاب و عشان كدة احنا بنمبسط دايماً لما نعرف اراء عملاءنا علشان دايماً نقيم اداءنا و نجوده عشان نضمن افضل اداء للخدمة لعملاءنا.

العربية دى دخلت ال Database عندنا و بننبه اى عميل يتصل عنده نفس العربية بموضوع الفلتر ده و جارى تجهيز العدة المناسبة لتغييره و التأكد من اجراءات الوصول له داخل العربية و تفعيل النظام ده على كل العربيات الممكن تقابلنا اول مرة

اعتقد بل متأكد ان الزيت هيعجبك و هتحس بفرق فى اداء العربية.

اشكرك مرة اخرى، سامر

اقتباس:

---

المشاركة الأصلية كتبت بواسطة yoko

هعملوكوا موضوع بتغير الفلتر من كتالوج الورشة وعلى فكره هو رخم فحت وطبيعي محدش يعرف مكانه ودي مش غلطتهم لإن فيات حطاه للعربيات التربو في مكان غبي فحت
نصيحة تانيه الmst ده low sap وده معمول محافظة للبيئه بس مش بيحافظ على البيئة قوي حط بعد كده 5w40 العادي ده بيقلل عمر الكتالتيك شويه بس بيحافظ على الموتور أكتر
وحتى موتور الجراند واللينيا زي بعض لو حطيتهم على فالفولين هتلاقي الجراند mst عشان بتتباع في أوروبا واللينيا عادي مش mst عشان بتتباع بره أوروبا

---

على فكرة ال SynPower MST 5W30 اقل فى ال Sulphated ash و الSulphur فعلاً بهدف الحفاظ على البيئة بس برده بيحافظوا على الموتور و الكتاليتيك فعلاً بردو. اللزوجة 5W30 مطلوبة من مصنعى المواتير الحديثة نظراً للخلوصات الداخلية الدقيقة بين الاجزاء المعدنية فمهم اوى ان الزيت يبقى 5 عشان ينتشر بسرعة عند بدء الدوران و بعد كدة اللزوجة بتاعته تبقى معقولة بين الأجزاء الداخلية و لا تمثل عنصر ضغط زائد داخل الموتور فتقلل الفاقد فى الطاقة و تعطى اداء افضل للموتور. ده غير ان من المميزات الاساسية للزيوت التخليقية الجيدة، القدرة على الالتصاق بالاسطح و عزلها حتى لو رقيقة السُمك و لكن تمنع الاحتكاك فى نفس الوقت و يتبارى مصنعى الزيوت فى تطوير هذه لتكنولوجيا بالتعاون مع مصنعى السيارات لذلك نرى ان فيه عربيات تتطلب 5W20 ساعات.

اقتباس:

---

المشاركة الأصلية كتبت بواسطة Evo

خفيف جدا هيسخن العربية في الصيف أو حتى غير الصيف
و المقصود زيادة حرارة الزيت وحرارة البلوك
مش هتشوفها على عداد حرارة المياه
لازم عداد حرارة زيت و حرارة عادم
ولما تزيد الحراره عن نقطة معينة ساعتها الزيت هيخف أكتر والإحتكاك هيزيد أكتر

وبالمناسبة كاسترول بتقول إن ادج للمواتير ذات الأداء العالي بس برده بيتاكل بسرعة جدا في مواتير ال m لكن بيحافظ عليها ويخليها ت rev بسهوله وسرعة
لكن لو اتحط في الايفو مثلا بيبقى ملوش لزمه .

---

الرجاء قراءة تعليقى عن ال SynPower MST 5W30

اقتباس:

---

المشاركة الأصلية كتبت بواسطة Ghamrawy

انا لما جيت اغير فلتر الزيت بره الصيانة اتزليت و قعدت ساعة الا ربع علشان اطلعه مكانه قذر و ضيق و لازم العربية تكون بردت يا حاتتبهدل من الشكمان و الكتاليتك و سخونة الردياتير و مواسير الميه
بس على مين طلعت اللى جابوه
عموما هو عايز لقمة سداسية مقاس 27 و مفتاح عزم لربط الكوباية بتاعته على 25.5 نيوتن
بافكر اجيب الاداة المخصوصة بتاعته و اخلص نفسى

ملحوظة تانية
انا بعد الشيل الالترا مش ناوى احط اى حاجة فى العربية

---

معلومة قيمة جداً، حاول تجرب تزور موقعنا www.ValvolineEgypt.com و الفيسبوك www.facebook.com/ValvolineEgypt يمكن تغير رأيك!

اقتباس:

---

المشاركة الأصلية كتبت بواسطة valvolineegypt

اتمنى ان تسمحولى بالمشاركة، و احب اعرفكو بنفسى انا سامر ايوب - مهندس كهرباء بس قضيت عمرى العملى كله فى مجال الحلول الميكانيكية و بالاخص تحليل الزيوت من اجل الصيانة التنبؤية و مدير فالفولين فى مصر.

اولاً اشكر تقديرك لخدماتنا يا بشمهندس احمد و اختيارك لزيت فالفولين و ثانياً اعتذر عن سوء التنسيق الحصل فى موضوع فك الفلتر، و المفروض ان كان يتم التأكد عن طريقنا من مكان الفلتر قبل الذهاب و عشان كدة احنا بنمبسط دايماً لما نعرف اراء عملاءنا علشان دايماً نقيم اداءنا و نجوده عشان نضمن افضل اداء للخدمة لعملاءنا.

العربية دى دخلت ال database عندنا و بننبه اى عميل يتصل عنده نفس العربية بموضوع الفلتر ده و جارى تجهيز العدة المناسبة لتغييره و التأكد من اجراءات الوصول له داخل العربية و تفعيل النظام ده على كل العربيات الممكن تقابلنا اول مرة

اعتقد بل متأكد ان الزيت هيعجبك و هتحس بفرق فى اداء العربية.

اشكرك مرة اخرى، سامر

---

شكراً لك يا م/سامر على اهتمامك براحة العملاء و حرصك على جودة الخدمة .. أنا زي ما قلت النقطة الأساسية اللي عجبتني هي أن المندوب ما حاولش يفتي عشان دا كان ممكن يسبب مشاكل .. المهم، بالنسبة للزيت ف أنا بصراحة مش قادر أحكم عليه بشكل قاطع عشان رغم أن فعلاً إستهلاك البنزين أقل بشكل ملحوظ حسب العدادات بس الفكرة إن غالبية مشاويري في الفترة اللي فاتت كلها طرق سريعة و دا أكيد عامل مؤثر برضه على الاستهلاك ..