الموضوع: تنظيف الair manifold لنوبيرا 2 بالصور

انا تابعت المواضيع دى واللى استفدت منها استفاده كبيره جدا واللى بتتكلم عن تنظيف البوابه والحساسات اللى فيها
بالتالى حبيت اعملهم فى عربيتى


http://www.nilemotors.net/Nile/70279-a.html

http://www.nilemotors.net/Nile/103773-a.html

http://www.nilemotors.net/Nile/70461-a.html


لكن وانا بشتغل بعد ما فكيت البوابه لاحظت ان من جوه فى وساخه كتير اوى وان تنظيف البوابه فقط لن يجدى
فكملت وفكيت الباقى
اولا :

العدد المستخدمه :

مفتاح رقم 10 حرف L

مفتاح رقم 12 حرف L

مفتاح عادى رقم 10

مفتاح عادى رقم 12

مفك صليبه

بنسه او زراديه

فرشاه اسنان

منظف throttle body

Wd 40

قطع قماش للتنظيف ويفضل تكون جايب بزياده

جركن مياه عشان تغسل ايدك وتغسل القطع اللى ممكن تفكها وتسيبها تنشف
ثانيا الخطوات:

هتفك المسامير اللى رابطه خرطوم تدوير العادم وخد بالك من الجوان عشان ميقعش " مربوط بمسمارين "

By blazer10 at 2011-10-02

هتفك الخراطيم اللى راكبه فى الماتور على ايدك الشمال وهما 3 من فوق وواحد من الجانب الامامى شمال


الجانب الايسر للماتور


By blazer10 at 2011-10-02


الجانب الايمن للماتور : هتفك الخراطيم اللى على ايدك اليمين وهما 3 خراطيم

By blazer10 at 2011-10-02

بعدين هتفك الجزء اللى سلوك الاكسليريتور راكبه فيه وهيتفكوا بمسمارين

By blazer10 at 2011-10-02

بعدين تفك الجزء المدور دا اللى انا مش عارف اسمه هيتفك بمسمار من تحته ومسمار من الجانب

اليمن للماتور وخلى بالك عشان بيبقى راكب فيه زى دراع بيحرك البوابات اللى جوها مع المانفولد فمتكسروش
" دى صوره جبتها من النت عشان متصورتش "

By blazer10 at 2011-10-02

بعدين هتبتدى فى فك مسامير المانفولد وهما 7 مسامير تقريبا مقاس 12


By blazer10 at 2011-10-02

بعد كدا هنطلع المانفولد وخد بالك عشان الجوان ميضيعش او تبوظه

شايفين طبعا الوساخه اللى ملياه عامله ازاى واللى مترسبه على الجدار بتاع المانفولد


By blazer10 at 2011-10-02

هنبتدى ننضف الكلام دا وممكن نحط شريط قماش "ويكون طويل عشان ميدخلش جوه الماتور " جوه كل فتحه عشان المنظف والوساخه متدخلش جوه الماتور

انا نضفت الجزء دا بفرشه اسنان عشان سهوله الوصول الى الاماكن اللى محتاجه تنظيف

بعد ما تنظف كل حاجه تمام وتخليها تلمع على قد ما تقدر خصوصا البوابات اللى جوه تنشف كل حاجه او تسيبها دقيقتين المنظف يطير من الماتور

بعدين تعكس اللى عملته بنفس الخطوات والترتيب

واهم حاجه متركبش حاجه مكان حاجه ومتنساش تركب الجوانات

ملحوظه: لو اى جوان بايظ غيره بالمره يعنى انا غيرت جوان البوابه عشان اتكسر منى من كتر ما هو ناشف

بعد ما تقفل العربيه تعمل ايديل ليرن

ملاحظات على العربيه بعد ما نضفتها :

العربيه صوتها قل بنسبه كبييييره يعنى لا تقل عن 25% وكنت بسمع ما يشبه نعره كدا راحت بنسبه كبيره اووى

اللى يعمل كدا انصحه عربيته تكون بتمشى فى اماكن ترابيه كتيره وتكون عامله كيلو متر عالى " انا عربيتى عامله 170 الف "عشان تكون متوسخه فعلا لان المجهود هيبقى كبير خصوصا لو انت مش متعود تفك حاجات فى العربيه