احمد باشا فين الصور اللى وعدتنا بيها ....عاوزين نثبت الموضوع
عرض للطباعة
احمد باشا فين الصور اللى وعدتنا بيها ....عاوزين نثبت الموضوع
أنا حاحطلك حاجة أحسن بس اصبر عليَّ علشان كنت مشغول فيال ترخيص والذي منه
,
تقرير بسيط بعد el-1300 كيلو
1- العفشه بقت انعم بشكل ملحوظ + إني حطيت نيتروجن
2- الأبشنس اللي كنت بفتقدها بدأت اتعود عليها إنها مش موجودة
3-حجم العربية حسيت بيه لما وقفت ورا el-x3 وحسيت ان تقريبا اده وأكبر واعلى من el-x1
4- التحكم بتاع العربية ممتاز بس مش سريع ( يعني مش بأحس ان اقدر اخد غرزة سرعة كده ولو اختها العربية حتميل يمكن علشان ده فرق تابعت بينها وبين السيدان )
5- عزم العربية ممتاز وشدتها حلوة لحد 100 (لحد النقله ال 4 ) بعد كده أنا بخاف علشان لسة جديدة بس أنا بشد اخرها 4000 بس كده بس بأحس بـ الطالعة كويسة
6- حسيت النهاردة إنها على الأتو سحبها ضعيف فـجبتها ستب وسحبتها اتحسنت بـشكل ملحوظ فـأنا برجع ده ل نقل الفتيس (ال 6 بيجي على 65 كم تقريبا)
7- التكيف ما شاء الله جميل بس فعلا كانت محتاجة فتحات ورا
8-ارتفاع العربية كويس جدا بس يا سلام لو كان يبقه فيمستوى الدستر فرق حوالي 3-5 كم
9- على el-100 بـتحس إنك بـتجري علشان ارتفاعك عن الأرض بس أنا جبت el-150 وال ثبات زي ماهو بس برده لسة الاحساس إنك بـتجري
10- الابواب محتاجة هبدا خفيفة علشان تتقفل
11- الفرامل فها تحسن أو أنا اللي اتعودت عليها (لحد دلوقتي abs مااشتغلش لأنه مااحتاجش إنه يشتغل الحمد لله )
12- الفانوس اللي ورا كان محتاج يبقه لدات اللدات موجودة في الستوب اللي فوق بس
انا لما اقعدت جواها حسيت ان مساحتها الداخلية مش واسعة اوي ...التيدا مثلا اوسع بكتييييييييييييير
سعر العربية دي تقريبا سعر الاوكتافيا....وطبعا بريستيج الاوكتافيا اعلى....انا حاسس ان دة ممكن ياثر على مبيعاتها خصوصا ان العربية فى الاخر اس يو في مش فور باي فور يعني بتستفيد بس بعلوها عن الارض
مبروك على العربية بس عيا 4*2 امامى ولا خلفى؟
الف الف مبروك ياباشا و ربنا يباركلك فيها ان شاء الله.
مقارنة بالتيريوس ( 2007 ) حسب الكلام بتاعك:
1- الفتيس ال 6 نقلات طبعا احسن انا عندي ببقى على 100 كم و 3000 rpm
2- التيريوس 4 * 4 و دي ميزه برضو.
3- السبورتاج اكيد اوسع لأن التيريوس تعتبر اضيق.
4- طبعا اوبشنز الكيا اكتر بكتير و ده حال كل الكوري قصاد اليباني الفقير في الاوبشنز.
5- توب سبيد التيريوس انا جبت 160 و اخر العداد 180 ( عموما العربيتين مش بتوع جري و شد).
6- استهلاك البنزين عندي 11.5 جوه البلد و 9 - 9.5 سفر.
7- التكيف جامد.
بص يا سيدي عندنا فيمصر المشاريع وال تنايات وال ناس اللي مش بـتعرف تسوق مابتخافش إلى من الكبير حتى لو كانت نص نقل
الاكتافيا أطول حوالي 10 سم
السبورتاج اعراض 10 سم واعلى حوالي 20 سم
مش عارف بـال ظبط ماتور لاكتافيا كام بس السبورتج 140 حصان
قطع غيار السبورتاج حتستحمل أكتر علشان هي هي نفس عفشت ال 4* 4
لاكتافيا فيها أوبشانزطبعا أكتر كتييير ومن جوه افخم كتير مفيش كلام
بس برده قطاع غيار اغلى
وأهم حاجة سعر اعادة البيع طبعا الكوري يكسب
فيمصر هنا عايز حاجة تستحمل المطبات وطبقه رخيصة فيقطاع الغيار ولما تيجي تبعها ماتخسرش كتير
أنا معايا ميجان 2007 كنت ممكن ابيعها وأحط تمن السبورتاج عاليها واجيبلي حتة bm ولا تقولي لاكتافيا ولا جتا بس حأزعل قوي لما مااخدش بالي من بلاعة مفتوحة ولا مطب مش باين ولا سعر قطع غيار
2- امتى احتجت ال 4* 4 آخر مرة؟
3-السبورتاج اعرض 15 سم وأطول أكتر من 50 سم لانهم حاسبين العجلة الاستبن فيطول العربية وده فارق كتير في ثبات العربية
5- ماجربتش التوب سبيد لسة بس هي بـتشد كويس
6-العربية بـتقول استهلاك البنزين حوالي 10.4 بس أنا حاسس إنه أكتر وده ضريبت el-140 حصان
فح حاجة نسيتها وهي إن عزم السبورتاج اعلى وال قدرة ا; حصانيه اعلى