استشاره الرجاله مطلوبه : ان شاء الله هجيب فلونس

**Megane** · 07-10-2011 12:56 AM

المشاركة الأصلية كتبت بواسطة raedegypt

الالنترا 2012 الافضل .. الفلونس عربيه سامسونج كورى وتقفيل تركى وعليها علامه رينو فقط

السلام عليكم
لا يوجد أصلا وجة مقارنة بين الهيونداى بجميع موديلاتها و بين اقل عربية أوروبى لان كدة حتكون مقارنة غير عادلة هتخسر فيها هيونداى إللى توكيلها فى مصر من اسوأ التوكيلات تماما لأنة بإختصار باع كميات كبيرة (لشعب بيشترى السيارة على أساس السعر و قطع الغيار المتوفرة عند البقالين و الشكل و ليس المضمون) و لا يستطيع صيانتها.
مثال يقول بعض الناس شوف الفرنا عربية صاروخ على الأرض و بعديـــــــن
الرد الطبيعى طب و قفها (إشرة موزة تقلبها) و إيس على كدة بأة
و شكرا

**hic** · 07-10-2011 05:14 PM

نصيحه لوجه الله
الفليونس عربيه محترمه جدا جدا و بسم الله ما شاء الله من احسن العربيات الى سوقتها مع انى و الحمد لله جربت عربيات كتير و لفترات طويله العربيه فيها كل ما تتخيله من ثبات و فخامه و تقفيل داخلى (فرش و تابلوه)
برضه علشان اكون محايد لازم اذكر العيوب
1- احساسك بنقلة الفتيس بين الاول و التانى (مش فى كل الاوقات و حسب الدوسه على دواسة البنزين يعنى بعد فتره ح تعرف ازاى تتغلب عليها)
2- الباكتات اللى فى الجناب و كمان الرفارف لازم و انت ماشى تكون واخد بالك كويس قوى علشان سهل جدا انهم لاقدر الله يتحكوا و كمان الباكتات تخلى بالك من الرصيف لو عالى علشان هما بارزين عن جسم العربيه
3- الاستهلاك للبنزين عالى نسبيا و ده برضه بيعتم على اسلوب القياده انا يمكن يكون عالى عندى علشان سوقاتى رياضيه شويه
و طبعا الكمال لله وحده
النهايه العربيه بالنسبه لسعرها فعلا حققت المعادله الصعبه علشان الامكانيات دى لا يمكن تلاقيها فى عربيه اقل من 200000 جنيه

**abdallasoliman** · 08-10-2011 01:43 AM

احب اضيف للاخ الذى شارك وقال بصراحة على بعض العيوب وانا معى ميجان 2 وللاسف الشديد ان المستهلك المصرى يغفل عن اهم شئ فى السيارة وهو عامل الامان واهمية عدد الايرباج فى السيارة وتظهر اهمية ذلك لقدر الله وحدثت حادثة والله يحفظنا جميعا ولكن على المسلم ان يكون بصير على نفسة .. والحوداث زادت بنسب عالية جدا ..والسيارة الميجان وانا بسافر بيها وبسرعة تصل الى 170 كم فى الطريق الصحراوى والمحور فى الاسكندرية واحسست بالثبات على الطريق بخلاف النعومية وعند الوقوف الفجائى وبالنظر للمختصين فى نظام التعليق الخلفى للسيارة وارتفاعها عن الارض وتصميمها والتجويفات ليس للمنظرة بل لعوامل الامان والثبات والفونس بل تزيد عليها من ناحية حل بعض المشاكل الكهربائية فى الميجان ... ونتمنى ان تكون نظرة المستهلك المصرى لامور اهم من الشكل واعادة البيع .. والدليل على ذلك كم سيارة فولفو تجرى بشوارع مصر .. عدد لايذكر والكل يعلم حصولها على اعلى درجة فى الامان فى العالم .. والله الموفق

**Megane** · 08-10-2011 03:46 AM

المشاركة الأصلية كتبت بواسطة abdallasoliman

والدليل على ذلك كم سيارة فولفو تجرى بشوارع مصر .. عدد لايذكر والكل يعلم حصولها على اعلى درجة فى الامان فى العالم .. والله الموفق

وكمان كام سيارة أودى مع إنى من وجة نظرى أنها أحسن من المرسيدس و بى أم

**Ahmed Anwer** · 08-10-2011 03:57 AM

السؤال دلوقتي ،،

فلوينس 2012 فيه أخبار عنها ؟؟

صعب في شهر 10 ،، الوحد يشتريها موديل 2011 برده

**ArafatEHegazy** · 09-10-2011 02:00 PM

المشاركة الأصلية كتبت بواسطة ahmed anwer

السؤال دلوقتي ،،

فلوينس 2012 فيه أخبار عنها ؟؟

صعب في شهر 10 ،، الوحد يشتريها موديل 2011 برده

أنا أشتريت فلوينس 2012 من اسبوعين. والعربيه ما شاء الله زي الفل. وكمان معنديش مشكله العوامه بتاعه البنزين. موديل 2011 ما زال متوفر وكان قدامي بخصم 4 الاف جنيه.

**Ahmed Anwer** · 09-10-2011 02:11 PM

المشاركة الأصلية كتبت بواسطة arafatehegazy

أنا أشتريت فلوينس 2012 من اسبوعين. والعربيه ما شاء الله زي الفل. وكمان معنديش مشكله العوامه بتاعه البنزين. موديل 2011 ما زال متوفر وكان قدامي بخصم 4 الاف جنيه.

ربنا يباركلك فيها و تكون وش الخير و السعد عليك

و يديك خيرها و يكفيك شرها

معلهشي بقه اشتريتها منين و هل فيه اي فروق تذكر بينها و بين 2011

**ArafatEHegazy** · 09-10-2011 03:49 PM

المشاركة الأصلية كتبت بواسطة ahmed anwer

ربنا يباركلك فيها و تكون وش الخير و السعد عليك

و يديك خيرها و يكفيك شرها

معلهشي بقه اشتريتها منين و هل فيه اي فروق تذكر بينها و بين 2011

الله يكرمك . اشتريتها من محمد ذكي ولا يوجد أي فروق بينها وبين 2011 على حد علمي حتى الآن. هو فرق الموديل فقط.

**m_eraky** · 09-10-2011 05:54 PM

ربنا يبارك لك فيها يا باشا و يحفظك من شرها
بس انا عندي سؤال بخصوص عوامة البنزبن
هل انت بتحط بنزبن 92 و رغم كدة لم تظهر معك المشكلة؟
ثانيا بخصوص الصوت ف النقلة من الاول للتاني هل لسة موجود في موديل 2012؟؟

**ArafatEHegazy** · 09-10-2011 08:53 PM

المشاركة الأصلية كتبت بواسطة m_eraky

ربنا يبارك لك فيها يا باشا و يحفظك من شرها
بس انا عندي سؤال بخصوص عوامة البنزبن
هل انت بتحط بنزبن 92 و رغم كدة لم تظهر معك المشكلة؟
ثانيا بخصوص الصوت ف النقلة من الاول للتاني هل لسة موجود في موديل 2012؟؟

انا بحط بنزين 92 ومفيش مشكله الحمد لله مع العوامه. بالنسبة للفتيس مفيش صوت, هو احساس بالنقلة بين الاول والثاني. وهي فعلا محسوسة في بعض الاحيان ولكن موش بدايق. هو أنا بحس انه بينقل نقلتين جوه بعض موش نقلة واحده. ودا بيحصل في بعض الاوقات وبعض الاوقات لأ. تقريبا على حسب طريقة السواقة. طبعا أنا لسا جديد فا موش قادر أحدد امتي بتظهر وامتي مابتظهرش؟