استفسار عن صيانة ال 40000كم لنيو اكسنت

**HOSSAM99** · 04-10-2011 04:50 AM

المشاركة الأصلية كتبت بواسطة ls1090

بالنسبة 3 انواع دول genuine atf diamond sk الشركات ديه مش موجوده فى مصر الزيت الموجود بموصفات sp-iii فالفولين او liqui moly top tec 1200

طيب أنا مش عايز استخدم منتجات الشركتين دول
و عايز ماركه تانيه بتنتج نفس المواصفات و الرمز ؟؟!!

**Ayman-Ahmed** · 04-10-2011 10:18 AM

المشاركة الأصلية كتبت بواسطة ls1090

انا ليه تعليق لو سمحت بالنسبة للرمز dot3 او dot 4 ده نوع زيت الباكم الفرامل وليس الفتيس تقبل مرورى

صحيح.بعد ما قريت الكتالوج لقيت الكود ده لزيت الفرامل.

المشاركة الأصلية كتبت بواسطة ls1090

بالنسبة 3 انواع دول Genuine ATF Diamond sk الشركات ديه مش موجوده فى مصر الزيت الموجود بموصفات sp-III فالفولين او liqui moly top tec 1200

اومال فى التوكيل هيحطلى ايه.؟

المشاركة الأصلية كتبت بواسطة HOSSAM99

طيب أنا مش عايز استخدم منتجات الشركتين دول
و عايز ماركه تانيه بتنتج نفس المواصفات و الرمز ؟؟!!

طيب ليه البديل يا أ.حسام ولا الماركتين دول مش مجربين كويس ؟

**ليكوي مولي** · 04-10-2011 01:59 PM

المشاركة الأصلية كتبت بواسطة ayman-ahmed

مشكور ا.حسام وكدة يبقى اتاكد من النوع الموصى بيه فى الكتالوج بالنسبة للزيت واعتقد مرة قريت على مقياس الزيت dot 4

وهتاكد بالنسبة للمياه برضه؟ ومعلش مفهمتش حضرتك تقصد ايه بحسب المنطقة؟

يا جماعه dot3 , 4 , 5 زيوت فرامل , ليست زيوت فتيس

**ls1090** · 04-10-2011 03:31 PM

المشاركة الأصلية كتبت بواسطة shevechinco

السلام عليكم ورحمة الله وبركاتة

افهم من كلام الزملاء ان انا الي هجيب معايا الزيت بتاع الفتيس ومياة الريدياتير معايا ولا اية انا الي فاهمة ان الحاجات دي في التوكيل الله يكرمك نوروني

للاسف الموضوع فى غبور و eim وكيل كيا تجارى اكتر من اللازم على حساب العميل
اقل حاجه بتتعمل انهم بيستخدموا زيت الفتيس شيل doax plus زيت معدنى سعره 28 للعبوه العربية بتاخذ 3 عبوات وللعلم مش بيصفى الزيت كله لو صفه الزيت كله العربية هتاخذ 6.4 كيلو تقريبا وده المفروض يعمله ذى اى وكيل محترم

وشيل فلتر الفتيس يتتنضف وعلى صيانة 80 يتغير هو مش بيعلم كدا ليه لان شيل زيت الفتيس مش المواصفات المطلوبه بيخلط 3لتر شل على 3.5 الى فى الفلتر والكرترة كوكتيل كويس

موصفات زيت شيل dexron III لايصلح للكيا وكان يستخدم من قبل شركة جنرال موترز حتى 2006 خلاصة الموضوع

**ليكوي مولي** · 04-10-2011 03:44 PM

المشاركة الأصلية كتبت بواسطة shevechinco

السلام عليكم ورحمة الله وبركاتة

افهم من كلام الزملاء ان انا الي هجيب معايا الزيت بتاع الفتيس ومياة الريدياتير معايا ولا اية انا الي فاهمة ان الحاجات دي في التوكيل الله يكرمك نوروني

على فكره مش شرط انك تاخد زيت الفتيس و مياه الريدياتير من التوكيل للسبب التالى ( توكيلات السيارات عموما بترشحلك نوع معين بعينه لأن ده بيكون بالاتفاق مع شركات الزيوت يعنى بيعملوا لهم دعايه فى مقابل مادى و طبعا شركات الزيوت دى كمان بتكسب لأنها بتبيع اكتر ) لكن اللى مفروض يحصل ان فى كل شركة زيوت منتجات تعادلها زيوت و منتجات من شركات اخرى فا من المفروض ان الوكيل يرشحلك انواع الزيوت المناسبه لسيارتك من كل الشركات الموجوده و حضرتك تحدد بناءا عن تجارب الغير او عن تجربتك و راحتك مع المنتج

اختار المنتج المناسب لسيارتك

**shevechinco** · 05-10-2011 12:18 PM

السلام عليكم ورحمة الله وبركاتة
يا جماعو انا كدة احترت اللة يكرمك عاوز رد قاطع في موضوع الزيت دة اجيبة من برة ولا اشتري الي في التوكيل و خلاص انا عاوز الافضل بغض النظر عن الفلوس ولو هشتري من برة يا ريت تقولوا لي هشتري كام لتر .
و بالنسبة للمياة برضة انا عاوز الافضل وبردة اشتري اي نوع وكام لتر

**ls1090** · 05-10-2011 02:34 PM

المشاركة الأصلية كتبت بواسطة shevechinco

السلام عليكم ورحمة الله وبركاتة
يا جماعو انا كدة احترت الله يكرمك عاوز رد قاطع في موضوع الزيت دة اجيبة من برة ولا اشتري الي في التوكيل و خلاص انا عاوز الافضل بغض النظر عن الفلوس ولو هشتري من برة يا ريت تقولوا لي هشتري كام لتر .
و بالنسبة للمياة برضة انا عاوز الافضل وبردة اشتري اي نوع وكام لتر

وعليكم السلام
خلاصة الكلام 1-المياه مش مشكلة هات شيل 5 لتر كويس وشغال الكمية بالضبط هتلاقيه فى الكتالوج بتاع العربية
2-زيت الفتيس انا راى الشخصى تجيب الزيت معاك مطابق للموصفات العربية ال هى sp-III
الكمية اسال فى التوكيل لو هعمل full flush هيفك فلتر الفتيس هاتخذ حوالى 6.3 كيلو وارجع لليوزر مانيوال
الحالة التانية- Half flush لو هيفك الطبة ويصفى الزيت وفى الحالة ديه 3 كيلو بس
اى خدمة تانية

**shevechinco** · 05-10-2011 09:02 PM

المشاركة الأصلية كتبت بواسطة ls1090

وعليكم السلام
خلاصة الكلام 1-المياه مش مشكلة هات شيل 5 لتر كويس وشغال الكمية بالضبط هتلاقيه فى الكتالوج بتاع العربية
2-زيت الفتيس انا راى الشخصى تجيب الزيت معاك مطابق للموصفات العربية ال هى sp-III
الكمية اسال فى التوكيل لو هعمل full flush هيفك فلتر الفتيس هاتخذ حوالى 6.3 كيلو وارجع لليوزر مانيوال
الحالة التانية- Half flush لو هيفك الطبة ويصفى الزيت وفى الحالة ديه 3 كيلو بس
اى خدمة تانية

كتر الف خيرك الله يبارك فيك وينفع بيك اخر حاجة بعد اذنك بالنسبة للزيت ال sp-III دة اسمة يعني اروح شيل اقول عاوز زيت sp-III ولا دي صفتة ولا اية معلش اخوك سنة اولي اوتوماتيك ودة هجيبة من شيل ايضا ولا موبيل و بالنسبة للفلتر اعتقد دة من التوكيل طبعا ورنا يجازيك خير وينفع بيك