خبراء البوما سوبر اكشن- فتحة السقف

**ahmed_bq** · 03-10-2011 11:42 AM

صباح الفل يا شباب

عندي مشكله سخيفه في فتحة السقف في عربيتي - 2008 سوبر اكشن خليجي سعودي

فتحة السقف كا كهرباء شغاله زي الفل ... المشكلة كلها في الجوان الخارجي بتاع الفتحة ... بعد غسيل العربية الكاوتشة دي حسيت انها نشفت اوي وبقت
لما اجي افتح السقف فتحة كامله بتصد من حته كده في نص السقف ولازم يا اما ادوس زرار الفتح مرتين تلاته لحد ميقدر يفتحها او ارزع رزعه بسيطه على السقف من فوق عشان الفتحه تعدي جوا السقف ... من كتر نشوفية الجوان شقق واتقطع من كتر مبحاول افتحه وهوا بيصد في السقف

طبعا الفتحه الصغيره اللي لفوق شغاله زي الفل.

خدت بعضي وروحت التوكيل القديم (مصرية - قليوب) عمللي حوار وقاللي لازم السقف كله ينزل عشان نشوف المشكلة ولازم العربية تبات عندهم عشان بتاخد وقت كبير (كل ده مشفش العربيه اصلا) ... قولتلو المشكله كلها في الجوان بس لما شافها قاللي فعلا مفيهاش غير انك تغير الجوان ده .. وهوا بيتباع لواحده عادي من غير السقف كله وتمنه تقريبا 270 جنيه والعمليه كلها تتكلف 400 جنيه تقريبا ... بس المشكله بقى انه مش متوفر عندهم حاليا في المخازن بتاعتهم.

انا شايف انها مشكله بسيطه ... السؤال بقى :
هل اروح توكيل دايموند ولا ممكن اجيبها استيراد من اي حته حتى هتبقى ارخص واسرع في الوقت.
السؤال التاني حد من السوبر اكشنجيه حصلو الحوار ده وهل الحل في الجوان فقط

اسف على الاطاله بس حبيت اشرح كل حاجه بالتفصيل

**ahmed_bq** · 03-10-2011 12:46 PM

هوا انا ليه محدش بيرد عليا :) طب حتى حد يفكر معايا

**kholio** · 03-10-2011 03:41 PM

لو متأكد ان المشكلة في الجوان بس يبقى تنزل الحرفيين وتجيبه استيراد واعتقد بكل حال من الاحوال العملية دي مش هتكلفك اكتر من 100 جنيه بتركيبه

**ahmed_bq** · 03-10-2011 04:13 PM

المشاركة الأصلية كتبت بواسطة kholio

لو متأكد ان المشكلة في الجوان بس يبقى تنزل الحرفيين وتجيبه استيراد واعتقد بكل حال من الاحوال العملية دي مش هتكلفك اكتر من 100 جنيه بتركيبه

والله ان ان شاء الله متاكد انها الجوان والراجل بتاع مصريه اكدلي ده ... انا سألت في محلات قطع غيار استيراد وكله بيشبط طبعا ان السقف من غير الجوان مش نافع ولازم اخد السقف كله عشان اخد منه الجوان ... هروح الحرفيين كده وربنا يسهل

وشكرا يا غالي على الرد

**stay_away** · 07-10-2011 10:22 PM

جرب تحط على الكاوتش بودره تلج كانت علقت وواحد قلي على الحوار دا فكرته بيهزر بس نفعت

**MITSUKERO** · 09-10-2011 05:56 PM

اعملها في التوكيل الجديد لان فتحة السقف لو باظت هتكلفك حوالي من 1500 الي 3000 جنية فلازم لما تعمل اي حاجة تبقي ضامن مين اللي هيشتغل فيها

تاني حاجة اي قطعة غيار فيها كاوتش يستحسن تجيبها جديدة مش استيراد لان الكاوتش له عمر افتراضي سواء تم استخدامه ام لا

**ahmed_bq** · 10-10-2011 10:26 AM

المشاركة الأصلية كتبت بواسطة stay_away

جرب تحط على الكاوتش بودره تلج كانت علقت وواحد قلي على الحوار دا فكرته بيهزر بس نفعت

تصدق فكره ... هيا الجوان بتاعها كان حاسس انه ناشف شويه وطبعا فيه حته منه اتقطعت ... بس انا كنت نضفت الجوان ده بالمنظف بتاع التابلوه ورجعت الفتحة اشتغلت تمام الحمدلله .. بس بودرة التلج دي فكره مفتكسة ... حتى عشان التسلخات ههههههههههههه ... هجربها بردو ان شاء الله لو رجعت زرجنت تاني

**ahmed_bq** · 10-10-2011 10:33 AM

المشاركة الأصلية كتبت بواسطة mitsukero

اعملها في التوكيل الجديد لان فتحة السقف لو باظت هتكلفك حوالي من 1500 الي 3000 جنية فلازم لما تعمل اي حاجة تبقي ضامن مين اللي هيشتغل فيها

تاني حاجة اي قطعة غيار فيها كاوتش يستحسن تجيبها جديدة مش استيراد لان الكاوتش له عمر افتراضي سواء تم استخدامه ام لا

منا اساسي لو عايزه ظبط هعملها في التوكيل عشان ابقى ضامن بس الفكره كلها انها الحمدلله مفيهاش عطل كهرباء ولا ميكانيكا بتاعتها ... كل الحكايه من تقديري في الجوان المنيل ده ... انا كنت روحت مركز خدمة مصرية اللي في قليوب اللي هيا التوكيل سابقا ... قاللي لازم العربيه تبات لان فك السقف حوار وبتاع واكيد السقف فيه تعويج لانها دقيقة جدا وبتاع ... قولتلو يعم الشر بره وبعيد ... قولتلو هيا مفيهاش مشكله كشغل والسقف ماشاء الله مفيهوشش اي تعويج ولا تعريج.. هيا عايزه تحبيك بس ... وقولتلو طب متخلي حد يبص عليها بصه مبدأيه لحد مبقى اجيلك تاني بدري عشان متبتش ... شافها وقاللي مشكلتك كلها في الجوان فعلا والعمليه بسيطه والجوان بيتباع لواحده شوفو كده في المخزن موجود ولا لأ ... سألت قلولي القطعه مش متوفرة حاليا وتمنها حوالي 270 جنيه ... حسبتها كده قولت وحط عليهم مصنعية قول 100 تبقى الليله 370 جنيه وفي المضمون ...

عموما هيا اليومين دول شغال فله ماشاء الله ... بس طبعا الجوان فيه حته اتقطعت وهبقى اغيرها بقى فيي اي وقت ان شاء الله من التوكيل الجديد او الرواس او مصريه

الموضوع: خبراء البوما سوبر اكشن- فتحة السقف

LinkBack

أدوات الموضوع

عرض

المواضيع المتشابهه

فتحة السقف

فتحة السقف...!!!

سؤال لخبراء البوما السوبر اكشن

الكلمات الدلالية لهذا الموضوع

المفضلات

المفضلات

ضوابط المشاركة