عندى جيتا موديل 2008 خليجى وعاملة 67500 كيلو بتمشى معايا زى الفل والفتيس كمان وكل النقلات تمام وفاجاة وبدون مقدمات لما اقف ف مكان زحمة القييها مدية على الغيار ال 3 مش الاول ف ابطل العربية واقف دقيقة ترجع لحالتها روحت لحد قالى ممكن تكون المشكلة ف ال valve بتاع الفتيس سالتة بكام الرقم صعقنى جديد ب 9000 واستيراد ب 6000 بصراحة الرقمين كتير اوى وناس تقولى ممكن يتصلح وناس تقولى لاء ياريت اللى يعرف حاجة عن القصى دى يقولى او يدلنى على حد متخصص ف الفتيس ولا ال valve مع الشكر
بص فولكس ماسبيتش مجال للتخمينات بتاعت الصنايعيه
عربية حضرتك محتاجه تتحط على جهاز كشف الأعطال ومنها هيتحدد العيب منين بالظبط وبناء عليه هيبان هل المشكله فى حساس ومحتاج يتغير وتتحل المشكله ولا فى مشكله فعلا فى الفالف وبكدا اقول لحضرتك الأحسن هو تغيير الفتيس بأخر استيراد لأن الفتيس الأوتو او الأستب ترونيك عمتا الأصلاح فيه هنا فى مصر فاشل فاتشترى دماغك وتاخدها من قصيرها وتجيب واحد استيراد
بس طبعا الأول تحط العربيه على جهاز كشف الأعطال ويدخل على الفتيس يشوف المشكله فين لأنها هتبقى متسجله على كنترول العربيه
ومع حضرتك فى اى استفسار
يعنى حضرتك ممكن يكون فية مشكلة ف حساس تبع الفالف ويتغير؟
ممكن جدا ومينفعش نقول في ايه وايه اللى ممكن يتعمل قبل ما العربيه تتحط على جهاز ويكون اللى بيشتغل على الجهاز فاهم لأن كتير صنايعيه عندهم اجهزه لكن مش فاهمين فا يفضل حد متخصص فى فولكس
السؤال الاهم انت غيرت الزيت بتاع الفتيس على 60000 ؟؟؟
غير زيت الفتيس الاول بزيت اصلى من الوكيل وبعد كده جرب وشوف
لاء انا روحت لكذا مركز قالى لاء المشكلة مش زيت لانك ممكن تغيرو ف ال 70000 او ال75000 كمان ف لسة هشوف موضوع الفالف دا خاصتن ان سعر الفتيس استيرا ب 15000 رقم كبير وربنا يستر
باشا الزيت بياغير على 60000 مش 70000 ولا 75000 غير الزيت
انشاء اللة هغير زيت الفتيس الاصلى والفلتر ويارب الموضوع يتحل والف الف شكر يا جماعة على اهتممكم
ان شاء الله خير, و طمنا عملت ايه