عندى مشكلة فى فتيس الجيتا وياريت اللى يفهم فيها يساعدنى

**teko0000** · 03-10-2011 04:00 PM

عندى جيتا موديل 2008 خليجى وعاملة 67500 كيلو بتمشى معايا زى الفل والفتيس كمان وكل النقلات تمام وفاجاة وبدون مقدمات لما اقف ف مكان زحمة القييها مدية على الغيار ال 3 مش الاول ف ابطل العربية واقف دقيقة ترجع لحالتها روحت لحد قالى ممكن تكون المشكلة ف ال valve بتاع الفتيس سالتة بكام الرقم صعقنى جديد ب 9000 واستيراد ب 6000 بصراحة الرقمين كتير اوى وناس تقولى ممكن يتصلح وناس تقولى لاء ياريت اللى يعرف حاجة عن القصى دى يقولى او يدلنى على حد متخصص ف الفتيس ولا ال valve مع الشكر

**M.Mostafa80** · 03-10-2011 04:43 PM

بص فولكس ماسبيتش مجال للتخمينات بتاعت الصنايعيه
عربية حضرتك محتاجه تتحط على جهاز كشف الأعطال ومنها هيتحدد العيب منين بالظبط وبناء عليه هيبان هل المشكله فى حساس ومحتاج يتغير وتتحل المشكله ولا فى مشكله فعلا فى الفالف وبكدا اقول لحضرتك الأحسن هو تغيير الفتيس بأخر استيراد لأن الفتيس الأوتو او الأستب ترونيك عمتا الأصلاح فيه هنا فى مصر فاشل فاتشترى دماغك وتاخدها من قصيرها وتجيب واحد استيراد
بس طبعا الأول تحط العربيه على جهاز كشف الأعطال ويدخل على الفتيس يشوف المشكله فين لأنها هتبقى متسجله على كنترول العربيه
ومع حضرتك فى اى استفسار

**teko0000** · 03-10-2011 05:03 PM

يعنى حضرتك ممكن يكون فية مشكلة ف حساس تبع الفالف ويتغير؟

**M.Mostafa80** · 03-10-2011 05:13 PM

ممكن جدا ومينفعش نقول في ايه وايه اللى ممكن يتعمل قبل ما العربيه تتحط على جهاز ويكون اللى بيشتغل على الجهاز فاهم لأن كتير صنايعيه عندهم اجهزه لكن مش فاهمين فا يفضل حد متخصص فى فولكس

**tameraast** · 03-10-2011 05:30 PM

السؤال الاهم انت غيرت الزيت بتاع الفتيس على 60000 ؟؟؟

**adel_2346** · 03-10-2011 05:35 PM

غير زيت الفتيس الاول بزيت اصلى من الوكيل وبعد كده جرب وشوف

**teko0000** · 03-10-2011 05:38 PM

لاء انا روحت لكذا مركز قالى لاء المشكلة مش زيت لانك ممكن تغيرو ف ال 70000 او ال75000 كمان ف لسة هشوف موضوع الفالف دا خاصتن ان سعر الفتيس استيرا ب 15000 رقم كبير وربنا يستر

**tameraast** · 03-10-2011 11:57 PM

باشا الزيت بياغير على 60000 مش 70000 ولا 75000 غير الزيت

**teko0000** · 04-10-2011 01:24 AM

انشاء اللة هغير زيت الفتيس الاصلى والفلتر ويارب الموضوع يتحل والف الف شكر يا جماعة على اهتممكم

**TOOLA** · 04-10-2011 05:31 PM

ان شاء الله خير, و طمنا عملت ايه

الموضوع: عندى مشكلة فى فتيس الجيتا وياريت اللى يفهم فيها يساعدنى

LinkBack

أدوات الموضوع

عرض

-

-

-

المواضيع المتشابهه

اية مشكلة فتيس الجيتا ال 6 سرعات

عربيتى الجديدة فيها مشكلة plz حد يساعدنى

يا جماعة حد يساعدنى عندى مشكلة بخصوص اللوجان

يا جماعة عندى مشكلة وياريت اهل الخبرة يدلونى

الكلمات الدلالية لهذا الموضوع

المفضلات

المفضلات

ضوابط المشاركة