لا حول ولا قوة الا بالله
دا مصمم على عربيتك بقى و واضح ان هوا مادام عرف يفتحها و شايف فتحها سهل مستخسر يسيبها و هايجرب تاني بس ممكن مش انهاردة ممكن يستنى كام يوم كدا او اسبوع و يجرب تاني
عرض للطباعة
لا حول ولا قوة الا بالله
دا مصمم على عربيتك بقى و واضح ان هوا مادام عرف يفتحها و شايف فتحها سهل مستخسر يسيبها و هايجرب تاني بس ممكن مش انهاردة ممكن يستنى كام يوم كدا او اسبوع و يجرب تاني
أكتب له ورقه فيها كلمتين حلوين على شباك العربية ، وحاول تبعد عربيتك عن المكان دة فترة كبيرة ، ربنا يستر انت كدة هتبقي عايش فى قلق !! ، وياريت نعرف نعمل موضوع الموبايل دة بس للاسف مفهمش فيه ....
على فكرة هو ممكن مايجيش انهاردة او يدور على عربية تانية لانه خلاص فهم انوا لما بيفتح العربية انت بتيجي وهو جرب امبارح والمرة الاولانية افتكرها صدفة عشان كدة بنسبة كبيرة مش هيقرب من العربية تاني بس انت كن حذر وظبط كدا وكلمني عشان اقابلك واجبلك الفرش
ربنا يكرمك يا جرجاوى ودة بردة احتمال كبير وبالنسبة للفرش انا الاسبوع دة او اكتر مستنى ان شاء الله (خبر سعيد):baby25: فا انت عارف بقى القلق اللى انا فية بالاضافة الى العربية،
ربنا يسهلى فى المواضيع دى الاول واخلص منها لحسن تبقى حسرة انى اظبط لة فرش جديد فياخدها ساعدتة ( كرستالة مقشرة)
انا فاهم يابشمهندس ان فكرة الموبايل مش منتشرة ومش معروفه
ليا تعليق على مشاركة انت كتبتها بتقول انك بتجرب الموبايل وبتشغل السارينة ؟
بيحصل معاك بطريقة التوصيل المبتكرة بتاعتك بقربة السنتر وغيره
ان الموبايل احيانا بيعلق ومش بيشتغل
السؤال بطريقة تانية
احيانا شاشة الموبايل بدل ما تعمل اتصال سريع
بتكتب على الشاشه ارقام ؟
المشكلة ديه مش لاقيلها حل فى موبايل بتاعى
فمضطر انى اخلى الموبايل قدامى
علشان امسح الشاشه لما انزل من العربية
كان نفسه اخفيه تماما فى مكان صعب
بص حضرتك انا بشيك على النظام دة كل ما اجى انزل من العربية ياعنى افتح الباب واقفل السنتر بالريموت فى الحالة دى الانذار بيشتغل فلو التليفون مارنش يبقى ياما الجاك بتاع الاتصال مش متوصل كويش او اغلب الاوقات الموبايل فاصل شحن (وعالجت النقطتين دول بأنى ثبت الجاك ببلاستر ووصلت دايرة شحن موبايل دائم بالتليفون )
اما بخصوص ان ممكن يكون فية بيانات على شاشة الموبايل فامش هيتصل،
ما انا قايل انى حاطط ريلاى تانى متصل بالسنتر بمعنى لما اقفل العربية بالسنتر بيشتغل الريلاى المتصل بزرار الخروج(الاحمر) اللى فى الموبايل
وفية اخ هنا اشترى موبايل نوكيا من الرخيص وقال ان ليه ميزة ان لما تطلب اتصال سريع بيتصل على طول مهما كان اللى موجود على الشاشة ياعنى مش هتحتاج انك تمسح الشاشة
يبقى بعد تثبيت الجاك
وبعد توصيل داشرة الشحن الدائم (والسيارة شغاله طبعا بيشحن مش على طول)
بقى النظام بيشتغل على طول ؟
ولا برده بيحصل اعطال ؟
نفسى الواحد يوصله وينساه خالص
مش كل شويه يتأكد
انا ساعات ببقى نازل من العربية وشاكك انه هيشتغل
مهو انا الأخ اللى بتقول عليه
http://www.nilemotors.net/Nile/236015-a.html
الموبايل فعلا مش بتفرق معاه لو فيه رسائل جتلى عليه أو حد رن عليه برده بيعمل اتصال
المشكلة لما بفتح كذا باب وهوه بيتصل احيانا بيكتب رقم الاتصال السريع على الشاشه عندى رقم 7
وفى هذه الحالة مش بيتصل
لازم الشاشة تتمسح
لو عملت ريلاى على زرار الخروج ممكن الموبايل يتقفل خالص
لإن زرار الخروج الاحمر بيعمل اكثر من وظيفه
بيمسح الشاشه
وبيغير اوضاع النغمات
وبيطفى وبيشغل الموبايل
ههههههههههه والله كنت شاكك انك انت خصوصا لما شفت التوقيع اصل مش غريب على بس كسلت ادور بقى المهم ما قلت لك ان علشان اضمن ان الموبايل مايقفلش من زرار الخروج وصلتة على السنتر والسنتر يادوب تكة صغيرة وبيفصل مش هيلحق يقفل الموبايل الا بقى لو كان زى ما قلت ان زرار الخروج عندك بيعمل كذا وظيفة فانصحك بالموبايل القديم افضل ، وانا لو متأكد مليون فى المية ان كل شيىء عندى تمام لازم برضة اشيك وانا نازل والموضوع سهل مش صعب كل الحكاية انى بقفل السنتر وانا فاتح الباب (ياعنى وانا قاعد مكانى) وطبعا انا فاكر انك عاملها من غير انذار ودى فى حد زاتها بتصعب الموضوع شوية لان الاتصال مرتبط بسرينة الانذار مش بنور الصالون زى ما انت عاملها كدة.
يبقى الافضل استبدال الموبايل بواحد تاني فيه زرار الخروج للخروج بس وده متوفر في نوكيااقتباس:
لو عملت ريلاى على زرار الخروج ممكن الموبايل يتقفل خالص
لإن زرار الخروج الاحمر بيعمل اكثر من وظيفه
بيمسح الشاشه
وبيغير اوضاع النغمات
وبيطفى وبيشغل الموبايل
طب انا عندي سؤال هي العربيات اللي بتتسرق ليه ديما بتكون موديلات قديمة نسبيا يعني مثلا من 1990 لحد 1999 تقريباً , يعني مسمعتش ان عربية موديل 2011 مثلاً اتسرقت قبل كدة عن طريق فتح العربية وملامسة الاسلاك والشغل ده ؟؟؟؟ هل يا تري نظام الحماية في العربيات الجديدة متطور ولا أيه والله أعلم
أنا من رأيي يعني الواحد يأمن نفسة عن طريق قفل الدركسيون زي ما الأعضاء قالوا والركنه تبقى في مكان مكشوف نسبياً مش وقريبه منك , وربنا يحفظنا جميعا ويبعد عننا شر الناس والطريق
الموضوع اتحول عن الموبيلات
عاوزين نعرف فى جديد عن ابن ال........ ولا اية الاخبار
ايه رايكم يا جماعه فى فكره جهاز التتبع دى
هل تقلق على سيارتك الجديدة من السرقات ؟
هل تخاف أن يعترضك قطاع طرق بهدف سرقة سيارتك ؟
هل ركنت سيارتك في مكان ملئ بالسيارات و أخذت وقت طويل في البحث على مكان سيارتك ؟
هل تريد معرفة مكان سيارتك ومعرفه ما يحدث داخلها ؟
الأن أحدث جهاز تتبع فى العالم جهاز(Car Gps)
-: حارسك الخاص إطمئن على سيارتك بميزات أمان متعددة و مبتكرة جد ا
- إمكانية تتبع السيارة عن بعد من أى مكان فى العالم عن طريق موبيلك أو من خلال الانترنت
- في حالة سرقة السيارة تستطيع إيقاف سيارتك عن طريق ارسال رسالة من موبيلك
إمكانية الاتصال بالسيارة و سماع الصوت داخل السيارة وحولها على بعد 5 أمتار
GPSمشاهدة سيارتك أون لاين عن طريق نظام خرائط جوجل أو نظام ال
- للشركات يمكن تركيبها للتأكد من سيارتها تصل لأماكن التوزيع
- - يمكن أستخدام الجهاز للأطمئنان على أسرتك وسماع ما يحدث
الجهاز يعمل بخاصية الرقم السرى لمنع أى شخص أستخدام الجهاز غيرك
يمكنك فى حالة التعرض لقطاع الطرق الأستغاثة الفورية لأربعة أشخاص تتم أضافتهم بمعرفتك
يمكنك تحديد سرعة السيارة و أعطائك أنذار فى حالة تخطى السرعه المقررة وبذلك تكون مطمئن على أسرتك وعلى سيارتك و هذة الخاصية يمكن لمكاتب تأجير السيارات تفادى الوقوع فى مشكلات مع المستأجرين حول غرامات الرادار
امكانية التحكم في خصائص عديدة في السيارة من خلال موبيلك .
يعمل على بطارية السيارة و أيضا يعمل بدون بطارية السيارة لمدة أكثر من 9 ساعات
التركيب فى جميع أنحاء الجمهورية
الجهاز أستيراد شركة الفتح للأستيراد والتصدير
عرض الشركة على الجهاز فقط 1500 جنية+ 150 جنية تركيب
- عند شرائك الجهاز سيتم شرح أمكانيات أكثر عن الجهاز وكيفية أستخدامها .
انا بفكر جديا فى الموضوع دة
احمد الله
وربنا يسترها مع الكل
الناس تتعب سنين تشتري عربيه وفلحظه ولاد الحرام يسرقوا عمرنا
لابد من جزاء رادع لهم