تشترى عربيه ب 100000و لا ب 150000

**aliabutaleb** · 17-05-2008 08:47 AM

المشاركة الأصلية كتبت بواسطة أبو عبدالله

الله عليك والله

إحنا فين يابو عبد الله من الناس دي
كتير مننا الدنيا بمادياتها الدنيا واخداه إلا من رحم الله
ومن دول واحد زميلي لم يتجاوز عمره الـ 35
اكتشف فجأة ان الدنيا واخداه زيه زينا بالظبط
وانه مشغول بعربيته وناسي انه لم يؤدي فريضة الحج حتى الآن فقرر يبيع العربية ويؤدي الفريضة
ماشاء الله لا قوة الا بالله عليه
ربنا يبارك له ويثبته
ويرزقه أحسن منها

أنا بعد الموقف ده اكتشفت اني في الطراوة خااااالص

**جندى مجند** · 17-05-2008 09:44 PM

أنا مش من هواة التعديلات فى العربية لكن وجهة نظرى الشخصية ان بالـ 100 ألف ممكن تجيب عربية سيدان معقولة جداً و كمالياتها كويسة جداً انما لو حاطط ميزانية 150 ألف للعربية يبقى تطلع من فئة السيدان أساساً و تجيب تيريوس 4ْ×4 أو فيتارا.

**Yarisawy** · 17-05-2008 11:38 PM

لو هاقدر اصرف على عربية ب 150 بعد كده من صيانه وقطع غيار هاجيب عربية طبعا ب 150

لكن لو معايا 150 عشان عربية والله اعلم بعد كده بالسيوله يبقى عمرى ماهخاطر بدل ما اضطر انى ابيعها واجيب عربية ارخص

**Ramy.Gamal** · 19-05-2008 08:19 PM

لو معايا 150 الف اجيب مثلا مازدا او لانسر اسبورت الشكل الجديد وهلاقى فيها معظم الكماليات اللى انت عاوز تحطها فى السيارة اللى تمنها 100 الف. زى الجنوط 16 والزينون وفتحة السقف والعفشة الرياضية واللانسر الكويتى زيادة كراسى جلد طبيعى و الsub woofer بس هتستفيد ان الكماليات دة طالعة من المصنع يعنى بلبلدى كدة حاجة فبريكة انما لو حبيت تضيف الكماليات دة حتى عند احسن مركز مش هتطلع زى حاجة المصنع وممكن تأثر على العربية زى الجنوط ممكن تأثر على العفشة وفتحة السقف ممكن تأثر على العزل سواء فى الصوت الخارجى او المياة اثناء الغسيل والمطره وكمان ممكن تقلل من تمنها عند اعادة البيع وكمان فى المازدا واللانسر هتستفيد بفرق قوة الموتور والوسع والرفاهيه

**eng/muhamad** · 19-05-2008 08:58 PM

بصراجه انا افضل التعدييييييييييييل
علشان هحس ان انا راكب عربيه مميزه
مش راكب عربيه عاديه زى كل الناس
و هقدر اركب ابواب طياره
تيربو و ....و..... الخ
و هعملها على مزاجى