ايه احسن نوع كولر مياه

**aminibrahim** · 04-10-2011 05:58 PM

عايز احسن نوع كولر

وهل عملي وال بيبوظ بسرعه::: احسن انا زهت من القزايز والبتاع

وهل بيرطرط حواليه والا كله نمام انتو عارفين العيال

**major123** · 05-10-2011 02:29 AM

واحد صاحبي عنده كولدير وبيشكر فيه اوي وفية ثلاجة وثمنه تقريبا 900 جنيها

**الغزالى** · 05-10-2011 03:18 AM

المشاركة الأصلية كتبت بواسطة major123

واحد صاحبي عنده كولدير وبيشكر فيه اوي وفية ثلاجة وثمنه تقريبا 900 جنيها

لا يا كبير ... ب 980 كم غير ثلاجة .. وب 1200 بتلاجة وحسب اللون .. عشان كل لون بيفرق .. فى السعر .. سواء بتلاجة او من غير ... يارب اكون افدتكم

**ahmadyusuf** · 05-10-2011 10:59 AM

السلام عليكم و رحمه الله و بركاته

من وجهه نظرى السؤال ده صعب شويه و صعب حد يقول لحضرتك ايه احسن نوع لان كل واحد جرب على الاكثر نوع واحد او نوعين و فى انواع كتير مجهوله الماركه بس شغال كويس علشان كده انا رايى ان حضرتك تختار على حسب احتياجك , بالنسبه للمياه انا مشفتش قبل كده حاجه بتنزل مياه لوحدها , يعنى لو حضرتك استخدمته بحرص و موقعش منك مياه بره يبقى هو مش حيوقع لوحده , العامل التانى هو الـ Capacity كل Cooler حضرتك حتلاقى مكتوب على الكرتونه بتاعته هو بيقدر يسقع كام لتر فى الساعه و يقدر يسخن كام لتر فى الساعه و كمان سعة التانك الساقع و التنك السخن و ده عامل مهم جدا , يعنى لو حضرتك اسره كبيره و استهلاكها عالى يبقى لازم تختار نوع يكون الـ Capacity بتاعته كبيره , يعنى مثلا اللى عندى فى البيت بعد 4 كبايات تقريبا بتلاقى المياه فقدت سقوعتها و بتحتاج تسيبه فتره تانيه علشان يسقع و ده لاننا 2 بس فى البيت فمش محتاجين Capacity عاليه.

ارجو انى اكون افدت حضرتك

**أبو عبدالله** · 05-10-2011 11:24 AM

وايت وستنجهاوس عندي ممتاز ونظيف

**aif** · 05-10-2011 02:41 PM

وايت وستنج هاوس
عندي من اكتر من سنة وممتاز
كان ب 1100 جنيه وفيه تلاجة لكن مش بتستعمل
فيه منه بدون ثلاجة لكن قصير لازم يتحط على ترابيزة
وكمان الوايت ويل كوري وكويس جدا
وكمان البيرجن رائع ... ده اللي بينزل منه مع عروض نستلة
.....
روح محل اسمه ( شارع عبد العزيز ) له فرع خلف النادي الاهلي مدينة نصر عند فرحات الحاتي
وفرع في الزيتون جسر السويس قرب العزيز بالله
عنده ما لا يقل عن 20 نوع من المبردات واسعارة كويسة جدا ومحددة وبالفاتورة الرسمية وناس محترمة
...
حكياة انه بيدلدق مياة حوله دي سببها الاستخدام مش نوع المبرد .... لآن المبردات دي ماهلش صرف ... لها حوض بلاستك صغير لما يتملي لازم يتم تفريغه والا المياه ح تتسرب لجسم الكولر
المشكلة ان العيال بيدلقو باقي المياة فيه على اساس انها زي الحوض بتاع الحمام ..... الحل ان اللي يعمل كدة من العيال .... إجلده 80 جلدة بالكرباج الاسطمبولي اكيد مش ح يعملها تاني ( وش واحد حنين )
عاوز المنظومة تكمل ؟؟؟؟؟
هات كمان فلتر مياه محترم وعدد 2 قارورة
تملأ القوارير من الفلتر وتعيش حياتك بدون زجاجات مياة ومشاكلها
انا عندي فلتر بريتش بروكفيلد اللي قلبه فخار وممتاز والدنيا وردي

**aif** · 05-10-2011 04:01 PM

المشاركة الأصلية كتبت بواسطة aminibrahim

كلام جميل يا باشا

كام استفسار
في الشتا بتعمل ايه والا شغال عادي والا بتلمه

ممكن صوره للفلتر

ممكن اعرف هل ممكن ااقل سوقعية الميه شويه من خلال الترموستات والا ايه النظام
اصلي بخاف ع العيا ل لا يجيب ليهم احتقان

في الشتا شغال برده زي ما هو
لكن الاستخدام بيختلف
بنستخدم الحنفية الوسطى ... دي ميا عادية غير مبردة
ولو عاوز المياه ساقعة شوية ممكن تخلطها بالبارد

وكمان الاستغناء عن زجاجات المياة له مزايا كتيييير
- التقليل من فتح الثلاجة عمال على بطال وده بيطول عمر الثلاجة ويقلل استهلاك الكهرباء جدا
- زجاجات المياة البلاستك اللي بنستعملها في الثلاجة غير صحية وينصح باستعمالها مرة واحدة فقط ثم رميها ...والبديل زجاجات مصنوعة من الزجاج وغالبها اصلا زجاجات خمره وبتتباع بعد تنظيفها .... او زجاجات تانية مصنوعة خصيصا للمياه وبتكون غالية واقصاها 1 او 1.5 لتر ..... يعني انا ف الصيف عاوز 2-4 زجاجة لوحدي يوميا

- الشرب من الزجاجة مباشرة عادة غير صحية خاصة للاطفال وطبعا استحالة تقنع طفل انه يشرب من زجاجة خاصة به .... ح تلاقيه بالفطرة عاوز يشرب من الزجاجة التانية بتاعتك او بتاعة أمه وبيكره الشرب من زجاجته ..... رخامة عيال بقى
- شرب المياه من الزجاجة بيسبب احتقان الحلق لو المياه ساقعة جدا .... بينما الكولر بيتيح لك تخليطها لتحديد البرودة اللي انت عاوزها
- شرب المياه من الكوب افضل لأنك غالبا ح تشرب الكوب كله عشان ما تبقيش مياه في الكوب وده بيزود كمية المياه اللي انت بتشربها وده صحي اكتر
- ملو القارورة او القارورتين من الفلتلر مرة واحدة بيبقى اسهل كتير من ملو الزجاجات كل شوية ( القارورة الواحدة 18.9 لتر )
- المياه الساخنة في الكولر بتحل مشكلة جامة لو عندك ناس في عزومة ..... انت بس حط شوية كبايات وبرطمان سكر وبرطمان نسكافية وبرطمان شاي جنب الكولر .... وهلب يور سلف يا جماعة
- تخيل ان عندك عزومة و في بيتك 10 او 15 شخص عاوزين يشربو .... ويا سلام لو في رمضان ع الفطار في الصيف اللذيذ ده ..... وريني بقى الثلاجة ح تستحمل ازاي ..... حتى لو كولمان .... لازم يخلص في النص .... مع الكولر انت بس املى القارورتين قبلها و الدنيا بمبي ع الآخر
- ميزة اخرى ان لو المياه انقطعت ح يبقى عندك كمية مياه محترمة للشرب
.....
انا اكتر حاجة اشتريتها وندمت اني ما اشتريتهاش من زمان هي الكولر والفلتر
على فكرة اللي عندي مافيش فيه ثرموستات
ووجود الحنفية الوسطي بيخلي مش محتاج ثرموستات

-

-

-

الموضوع: ايه احسن نوع كولر مياه

LinkBack

أدوات الموضوع

عرض

ايه احسن نوع كولر مياه - انشر الموضوع فى :

-

-

-

-

المواضيع المتشابهه

محتار بين فلتر مياه تانك وفلتر مياه باناسونك

كيفية تغير مياه الرادتير من مياه عاديه الى خضراء ؟؟

عايز اشترى كولر ماء معدنى

تجاربك مع محطات البنزين و احسن زيت و احسن بنزين كان منين

مياه الرادياتير ايه احسن لون

الكلمات الدلالية لهذا الموضوع

المفضلات

المفضلات

ضوابط المشاركة