سكودا فانتازيا 2011 - مواصفات أردني

**Mostafa** · 04-10-2011 06:37 PM

يا رجاله لو سمحتوا انا كنت عاوز اعرف لو حد يقدر يقوللى سعر الفانتازيا 2011 مواصفات اردني (هاي لاين+gps) فى مصر سعرها كام ؟؟ انا اعرف ان الوكيل سعرها 214 ألف بس للأسف مش عارف الأردني بكام (اعتقد بيقولوا عليها فى مصر خليجي مواصفات اردني)

لأن انا بشتغل فى الأردن و بفكر اجيبها من هنا و انزل بيها مصر .. فعاوز أعرف الموضوع يستاهل و لا لأ عشان هيبقى عندي ميت حوار فى الجمارك و الورق و كده .... و لو حد يعرف جمرك العربيه فى مصر كام يبقى زى الفل :)

اللى خلاني افكر فى الموضوع ان وكيل سكودا هنا فاضل عنده 12 عربيه 2011 بيدلل عليهم عشان يبيعهم (سكودا محدش بيحبها فى الأردن) و عامل خصومات حلوه قوى فعاوز احسبها

**safyyyyy** · 04-10-2011 06:48 PM

ارجع الموضوع ده بالنسبه للجمرك على سيارتك
طµط§ظ„ط© ط§ظ„ط¬ظ…ط±ظƒ

**Mostafa** · 05-10-2011 12:34 AM

تسلم ايدك يا باشا الف شكر

**safyyyyy** · 05-10-2011 06:08 PM

المشاركة الأصلية كتبت بواسطة Mostafa

تسلم ايدك يا باشا الف شكر

تحت امرك

**RedBull_30** · 05-10-2011 11:08 PM

انصحك ما تجيبهاش من الاردن وتيجي بيها
هاتها من مصر علطول , انا والدي جابها معاه من الدوحة وكمان كانت معاه هناك سنتين وبعد ما جمركها محسناش بفرق سعر كبير بينها وبين موديل السنة في المواصفات المصرية
انت لو اشتريتها من هنا من مصر مواصفات خليجية هتبقى ارخص من عندك
في واحد صاحبي عنده معرض سيارات قالي انهم بياخدو خصومات من الجمارك على العدد الكبير من السيارات وده بيبقى لصالح المشتري ده غير انك هتيجي بيها مشوار ما بين 1000- 1500 كيلو

**Mostafa** · 08-10-2011 03:55 PM

عندك حق ياباشا هيا سعرها عندي هنا حوالي 130 ألف و جمرها 82 ألف = 212 ألف و هوا سبحان الله نفس سعر الوكيل :) كمان مش هيبقى فيه ضمان و كده هتبقى أغلي من الخليجي فى مصر

التجار بياخدوا خصومات من الجمارك عشان بيجيبها برخصه استيراديه و دي بتكون جماركها اقل 10% من الجمارك للأفراد

وكيل سكودا هنا بيقوللى احنا بنبيع عربيات للتجار المصريين اكتر ما بنبيع هنا فى الأردن :)