إقتراح بخصوص قسم اللوجان

**mostafamndy** · 04-10-2011 08:33 PM

مساء الفل على أحلى واجمل اعضاء ...

أنا لسه لوجانوى جديد أوووووووى يعنى فريش خالص ... وبصراحة استفدت كتييييييييييييير جدا من موضوعات القسم ... ربنا يبارك فى الجميع ويبارك فى سيارتهم ، فحقا المنتدى يحوى ثروة معلوماتية وفنية من الخبرات والتجارب عن اللوجان ... وصحيح كما قال العلماء فإن نصف العلم يأتى استعراضا ، بمعنى إن الواحد وهو بيدور على معلومة تلاقيه يستفاد بعشرات المعلومات فى رحلة بحثه تلك ... لكن أنا عندى إقتراح لإدارة المنتدى ( بعد موافقتكم ) هو تقسيم منتدى اللوجان نفسه لعدة أقسام داخلية وذلك بهدف عمل أرشيف منظم يسهل الوصول للمعلومة حيث أن البعض يصيبه الملل من طول البحث ، والمستجدون مثلى قد يصعب عليهم الوصول للمعلومة فى وسط الزحام لقلة الخبرة ... ولذا أقترح بأن يقسم المنتدى للأقسام التالية :

1- تقارير الأعضاء عن السيارة وأهم الموضوعات ، والموضوعات التى تشرح صالون اللوجى وكابينتها .
2- اكسسوارات العربية وأماكن قطع الغيار بأسعارها ، ويمكن عمل ذلك فى شكل قاعدة بيانات يقوم كل عضو بتحميلها على جهازه .
3- العيوب الفنية وطرق معالجتها .
4- دليل الصيانات الدورية والتعامل مع التوكيل .
5- المرشد الفنى ويضم الموضوعات الخاصة بالاطارات وطرق امحافظة على السيارة .
6- احنا معاك ، ويضم الموضوعات المتعلقة بالحوادث - لا قدر الله - وكيفية معالجتها واماكن الورش والاسعار كل ما يندرج تحت هذا الباب الواسع .
7- اجتاعيات لوجى : وذلك للتعارف بين ملاكى العربية وذلك بقصد ترتيب اجتماعات وروابط متفاعلة مما يسهل انتقال الخبرات ...

وأرجوا دراسة هذا الإقتراح ودمتم جميعا بود ...

**MOUSTAFA_SAAD** · 04-10-2011 11:39 PM

اهلا بيك معانا

صعب الموضوع ده
احنا نحمد ربنا ان لينا قسم لوحده وتقريبا دى العربيه الوحيده اللى ليها قيم لوحده

بص فى الموضوعات المثبته حتلاقى معظم اللى انت طالبه

**Egyzizo** · 05-10-2011 04:17 AM

يا راجل يا طيب .. احنا كنا فين وبقينا فين .. ده كده رضا قوى ..

**amriar** · 05-10-2011 11:17 AM

اقتراح جميل جدا بس عشان يتنفذ ها يحتاج لمجهود شويه و ليا شويه نقط يمكن تساعد

1- ممكن ناس تتطوع بانها تجمع نوع او كتر من المقالات اللي بالفعل اتنشرت زي ادمين داخلي لكل قسم من الاقسام المقترحه زي أحنا معك مثلا ..

2- الناس اللي ها تتطوع ها تجمع في البدايه 5 مواضيع فقط لو قدر يجيب اكتر يكون افضل

3- يكون في مكان لوضع الروابط بطريقه منظمه و دي مش عارف ها تكون فين للأمانه

4 - لازم نكون عارفين انه ها يأخد وقت ومش يدخل الملل

5- اللاتصال باداره المنتدى لمساعدتنا لان في افتكارحلوه ممكن تطور المنتدى كتبر جدا زي تجارب ملاك اللوجان للسيارات التانيه و مقارنها عشان بعد كدا يكون عند كل الناس اللوجان هي الاستاندارد اللي الناس بتقيم علي اساسه ( دا علي سبيل الاقتراح )

6- إنتظار النتيجه بعد فتره زمنيه كبيره عشان الفكره تطلع فعلا و ما يقتلهاش الملل

7- قسم لسماع طلبات واحتياجات اللوجاناوين الجدد عشان هم دول سبب الفكره

شكرا ليكم و اسف علي الاطاله

**Moustafa.yonis** · 05-10-2011 12:16 PM

ممكن ننظم يوم او ميعاد نتقابل فيه كلنا
كلنا ده اللي هو مالكي اللوجان القدامي والجدد واللي لسه بيفكر
وتبقي قعده تبادل خبرات رهيبة فيما يخص الصيانة والاكسسوارات وعلاج المشاكل او لا قدر الله حادثة او خلافة عند حد
وممكن نرشح بعض الاعضاء القدامي ان كل واحد يمسك جزء معين في العربية ويعمل له ملخص سريع ويعرضه قدامنا في كلمة مثلا لمدة 10 دقايق ونفتح باب للاسئلة
الموضوع هيبقي مفيد جدا
وتفريغ اللقاء ده ينزل علي المنتدي

انا اشرف اني اقابلكم

**Donzi** · 05-10-2011 12:24 PM

اهلا بيك في قسم اللوجان و في المنتدى ككل

ثانيا اقتراحك جميل و ممكن يكون مفيد و ممكن يكون متعب في نفس الوقت لأن بكدا كل قسم هايبقى مستقل بذاته و هايبقى عدد المواضيع فيه قليل دا غير ان المواضيع في المنتدى بتتعمل بشمولية اكبر من التقسيم دا بكتير

بمعنى ان اللي بيستلم عربية مثلا بيعمل تقرير عن الاستلام من المعرض او الوكيل و معاه صور للعربية و تقييم مبدئي و كمان عمل ايه في الترخيص يعني تقريبا تلات موضوعات في موضوع

و كمان اللي عمل صيانة و بيعمل تقريرها بيبقى مذكور فيه كل المشاكل اللي قابلتوا في العربية و لو قسمناها هايبقى محتاج يعمل اكتر من موضوع

دا غير ان المواضيع الكبيرة و الشاملة بتبقى مثبتة في هيدر القسم و دي بيبقى فيها الزبد كله و لو في حاجة مش لاقيها بتعمل بحث و بيطلعلك كل المواضيع المتعلقة باللي انت بتدور عليه

مرحبا بك في نايل موتورز :b4_388: