اقتباس:
المشاركة الأصلية كتبت بواسطة profrivo
اولا انا محدش قالى انى ممكن اشترى الرشاشات من برة
2- مجال عملكم حسب الاعلان يشمل الميكانيكا ... لية بقى احد باش مهندسين السيارات قالى انا ماليش دعوة دى مش شغلى شوف ميكانيكى؟
3- انا اول مرة بس هى اللى جيت فيها متأخر و الراجل المحترم اللى على الاستقبال قالى اكشف بس النهاردة قولتلة ماشى مفيش مشكلة و لما الناس لقت ان دى بس تغيير رشاشات الناس قالت لا خلاص هنعملها النهاردة يعنى انتم اللى قلتم مش انا.
اقسم بالله العظيم انا معملتس الناس دى بإسلوب وحش و غير متحضر يمكن الا فى المرة التالتة و بس لما رفضوا يرجعولى فلوس المصنعية لكن والله العظيم انا اسلوبى مكنش وحش ولا سئ.
4- اقسم بالله و اقسم بالله مرة اخرى ان موضوع الدخان الاسود دا قالولى اول مرة اصل فى خرطوم كان مقطوع و تانى مرة اصل الشكمان معبي و امشى بية على العلم انة واحد خد العربية و مشى بية و المفروض انه فضى الشكمان المتعبى و قالى اصل الماب ضعطة عالى و غيرلى خرطوم و لما روحت بقى 3 مرة قالولى اصل الماب هو اللى بايط فا سيبلنا العربية و اقسم بالله انا قلتلهم انى عندى ترخيص بكرة للعربية و فحص بس هو مذكرش انى قلتلة كدة...
بالله عليكم ينفع بعد 3 اسابيع اكتشف ان العربية لسة عاوزة تتساب ولا دا كان المفروض يبنان من الكشف الاول...
اخيرا ارجو من المشرف كتابة الكلامات الخارجة اللى حذفها علشان الناس دماغها متروحش بعيد..
و نعتى للمركز بالفاشل ده عن قناعة شخصية و انا على اقتناع ان الحاجات دى قرف و حظوظ وانا حظى كان سئ مع هذا المركز..
وانا عرضت ما حدث معى بكل دقة و هذا من شيم الرجال
واخيرا اخى الكريم صاحب المركز بارك الله لك فى رزقك و زادة ورزقك خيرة كلة
و ما قلتة كلة لانى شعرت انى لم استطع ان اخذ حقى منكم ...
و فى النهاية ارجو منكم و من جميع العاملين فى مركزكم ان يسامحنى ان اخطأت فى حقكم و سوف اتبع نهج الاسلام الحنيف...
اللهم اغفر لى ولكل العاملين بمركز الصفا من اكبر كبير لاصغر صغير...
السلام عليكم ورحمة الل وبركاته
اولاً نشكر سيادتكم على الاعتذار الاسلامي الجميل وهذا يؤسرنا
ثانياً : في الحقيقة يا سيدي نحن لا نجبر احد على شراء قطع غيار ولو كنت سألت لماذا سعر الرشاشات غالياً كنا ذكرنا لسيادتكم انه يتم فرز هذا الرشاشات واختبار صلاحيتها على الاجهزة ومعايرتها وتنظيفها واستبعاد التالف منها وضمان الرشاشات الصالحة لمدة عام يحق لك تغييرها في اي وقت عندما تتلف وهذا هو الفرق بين بيع الرشاشات المستوردة في الخارج وعندنا والاختيار لك .
ثالثاً : بالفعل يوجد عندنا قسم ميكانيكا للطوارىء وبالحجز فقط ولكن تخصصنا الاساسي منذ زمن بعيد هو صيانة الكربراتير والانجكشن ونحن لم نعرض عليك التعامل معنا في الميكانيكا لعدم اقتناع سيادتكم بنا في نشاطنا الاساسي (الكربراتير والانجكشن) فكيف لنا ان نتعامل معك في عملية جديدة ؟؟
رابعاً : تم تحليل عادم سيارتكم امامك ووجد ان نسبة اول اكسيد الكربون 9.9 وهذه نسبة كبيرة وبعد تغيير الرشاشات من عندنا وتم اعادة تحليل العدم وكانت النسبة الجديدة 1.2 وعندما ارجعت الرشاشات المشتراة من عندنا وتم تركيب رشاشاتك القديمة بناءً على طلبك وتم قياس العادم مرة ثالثة امامك ورفعت النسبة الى 9.9 مرة اخرى على رشاشاتك القديمة التالفة واثبت لكم ذلك .
خامساً : فعلا ذكرت سيادتكم انه عندك ترخيص غداً ولن تستطيع ترك السيارة وقلت (هتدفعولي انتوا لو اتأخرت ؟؟) وذكرنا لسيادتك ان تجلب سيارتك عندم تنجز اشيائك في اي وقت فرددت سيادتك بأنك مش فاضي !!! قل لنا ماذا نفعل بالله عليك يا اخي العزيز ؟؟.
واخيراً نود ان نعلم سيادتكم اننا لا نحب ان نخسر عميلا لدينا ولو اردت ان ترجع لنتعامل مع العيب في سيارتك مرة اخرى فلتشرفنا ولكن نطلب من سيادتكم التعامل بهدوء والتروي وشكراً .