مشكلة ظهرت الصبح

**egy_3assy** · 05-10-2011 10:47 AM

نزلت كالعادة و سخنت العربية وانا بشرب السيجارة الصبح و رحت اجيب واحد صاحبي عشان اوصلو معايا وانا رايح الشغل .. وقفت استناة شوية بتاع 10 دقايق كدة .. اول ما جة جيت ادور العربية لقيتها مبتلقتش خالص كأن مفيش بطارية .. و لقيت المروحة دايرة و مش بتفصل علما بان حرارة العربية كانت هديت خالص .. حاولت مثلا 5 مرات افصل واحاول ادور مفيش فايدة ... رحت نازل و فاتح الكبوت .. و فاصل فيشة المروحة اللي عرفت مكانها حديثا فالمروحة وقفت و دورت العربية دارت وزي الفل حطيت الفيشة تاني و مشيت وفضل الموضوع تمام......
السؤال بقا لية حصل كدة و اعمل اية عشان اضمن العربية متعملش كدة تاني. مش ناقصة مشاكل اصلها .. ياريت حد يجيبلي من الاخر هل البطارية فيها مشاكل كدة ولا الدينامو مهيس ولا اية؟؟؟

**aYaBooY** · 05-10-2011 11:29 AM

ممكن تكون البطارية ضعيفة و لما المروحة اشتغلت اخدت الشحنة كلها و بالتالى المارش ملقاش
شحنة ليه
طيب عدي على حد بتاع بطاريات و خليه يقيس الشحن و البطارية
و عموما انت محتاج كهربائي بيفهم و يفضل يكون عارف العربية يراجعلك على الضفيرة
هاحاول اوصل لرقم حد من الناس بتوع التوكيل ان شاء الله

**egy_3assy** · 11-10-2011 01:39 PM

متشكرين يا باشا .. انا عامل موضوع تاني مجمع فية المأساة اللي انا عايشها بسبب المشكلة دي واللي زادت جدا الفترة الاخيرة

**MohamedSotohy** · 11-10-2011 01:47 PM

اعتقد ان فيه مشكله في البطاريه

**egy_3assy** · 18-10-2011 01:53 PM

الحرارة في النص بالظبط ...
دلوقتي انا في كهربائي قاللي ان الاوتوماتك بتاع المارش تعبان , السؤال بقي هل الاوتوماتك دة جزء من المارش ولا دي قطعة منفصلة عشان المارش القديم (معايا) مكانش بيعمل كدة خالص .. فلو كدة اركبة واخلص من المشكلة دي بقي. ياريت حد يفيدني عشان انا هفرقع خلاص