Cerato vs Shark vs Cruze vs City

**SAMEH_FOUAD** · 06-10-2011 05:46 PM

المشاركة الأصلية كتبت بواسطة AutoTycoon

ازاي تحط هوندا سيتي مع دول يا راجل ؟؟ دا الكواتش بتاعها عرضه 175 مم زي الفيرنا و يدوب تتقارن بالياريس و الأكسنت يعني

لانسر شارك احسنهم في رأيي بس اغلاهم برضه

ياباشا هوندا سيتى اية اللى ماتتحطش مع الفئة دية معلش ياباشا اركب العربية وحضرتك تعرف

المحرك : السيتى اقوى

المساحة الداخلية : اوسع من ثلاث عربيات فى المقارنة دية وبتتعادل مع السيراتو وممكن الشارك

الكماليات : احسن واحد فيهم على الاقل بتنزل ب ABS , EBD وسعرها معداش ال135 الف جنية واللى يغلبها فى الكماليات السيراتو

الشكل : جامد جدا

الاعتمادية : اعلى من كل دول بفرق محترم فى كل حاجة

الامان : ماتلقش عنهم فى حاجة بس لما تيجى تتكلم عليهم لازم هتيجب الفئة اللى فيها ال aBS وال AIR BAG

الثبات : اثبت واحدة فيهم ولا واحدة كلهم متقاربين جدا

التكييف : السيتى اقواهم

يبقى ازاى ماتتدخلش معاهم فى المقارنة معلش السعر هية اغلى من السيراتو واقل من اللانسر ب25 الف , واقل من الكروز ب14 الف
ومع احترامى الكامل للياريس لا وجة للمقارنة

ومش هتكلم عن الفيرنا اللى حضرتك ذكرت اسمها لانك تقريبا ممكن تكون كتبتها غلط سهوا يعنى لان السيتى تجيب عربيتين فيرنا اعلى فئة , وبالنسبة للاكسنت RB ماينفعش بردة تتقارن لان ال RB فاضيييييييييييييييييييية اوبشن وسيبكوا من اللى بيضحكوا عليكما بية دة العربية مافيهاش IMMOPLAIZER , AIR BAG , ABS و سعرها 106 الف دة , وضيقة , وخفيفة على السرعات وبتاكل بنزين وعفشتها ناشفة , وفراملها التعبانى اللى شوية شوية هتتحايل عليها عشان تقف

ياريت تفرقوا بين كلام عن عربية فى موضوع عادى و بين واحد عايز يستشيركوا عشان يشترى عربية كويسة وتلبى متطلباتة

**Hosam_Optrawy** · 06-10-2011 11:20 PM

المشاركة الأصلية كتبت بواسطة mi5a412

متشكر علي كل الردود دى بس ياريت حد يقولى سعر كل عربيه كام فى الفئه دى دلوقتى و الف شكر ليكم كلكم

السيتى 2011 اول فئه 126 الكامله 137

الشارك 2011 اوتوماتيك 138 اوتوماتيك 1 يرباج 141 اوتوماتيك 2 ايرباج 157 الكامله 162

الكروز 2011 اوتوماتيك 125 الهاى لاين Abs AirBags جنوط 135

السيراتو 2012 Lx ب 113 Ex ب 123 Sx ب Abs AirBags ب 128

المشاركة الأصلية كتبت بواسطة semsem kane

* الهوندا سيتى : مش هقولك غير اقل عربية طولا وعرضا فى المجموعة دية بس اوسع واحدة فيهم وتعتبر بنفس مقاسات السيراتو بس السيراتو اعرض حاجة بسيطة

المشاركة الأصلية كتبت بواسطة semsem kane

ياباشا هوندا سيتى اية اللى ماتتحطش مع الفئة دية معلش ياباشا اركب العربية وحضرتك تعرف

المساحة الداخلية : اوسع من ثلاث عربيات فى المقارنة دية وبتتعادل مع السيراتو وممكن الشارك

سمسم باشا عامل ايه

اسمح لى بس ازاى السيتى اوسع منهم وبتتعادل مع السيراتو وممكن الشارك

دا فى فرق فى قاعدة العجلات بين السيتى والسيراتو 10 سم ودا فرق مش صغير خالص

وفى الطول 12 سم وفى العرض 8 سم

الكماليات : احسن واحد فيهم على الاقل بتنزل ب ABS , EBD وسعرها معداش ال135 الف جنية واللى يغلبها فى الكماليات السيراتو

الكروز كمان ب 135 وفيها Abs AirBags وجنوط سبور 16 عرض الكاوتش 205 , مش 175 زى السيتى :S

التكييف : السيتى اقواهم

تكييف السيراتو تلاجه

يبقى ازاى ماتتدخلش معاهم فى المقارنة معلش السعر هية اغلى من السيراتو واقل من اللانسر ب25 الف , واقل من الكروز ب14 الف
ومع احترامى الكامل للياريس لا وجة للمقارنة

ماتدخلش عشان هى فعلا فئه أصغر وسعرها مبالغ فيه

السيفيك هى اللى فئتهم

**SAMEH_FOUAD** · 07-10-2011 03:44 AM

المشاركة الأصلية كتبت بواسطة autotycoon

و الله يا باشا انا شايف انها مش مشكلتي ولا حاجة ..حضرتك اللي دايماً طالع بالهوندا السما احنا عندنا هوندا و هيونداي و عارف الفرق بينهم كويس بس عمري ما اتكلمت عن هوندا بمبالغة كدا :(

معلش لو انت شايف حاجة غلط فى كلامى او بقولها مش صح قولى عليها , يبقى مهما اتكلمت فانا بتكلم فى الصح واللى اى حد بيركب العربية دية بيعرف انها جامدة جدا واشد من اى عربية تانية فى فئتها وبيقول نفس كلامى ويمكن اكتر يبقى كدة ماتبقاش مبالغة دية حقيقة