مصايب العربية

**opelawy** · 09-10-2011 08:27 PM

محدش رد عليا ؟؟؟

في خوف علي الفتيس من الحوار ده ولا لأ ؟؟

**zalantaheee** · 09-10-2011 09:32 PM

و الله انا رأيي تتقل ع العربية لحد ما تبقي ميه ميه و بعد كدا عيش يا باشا ,,
تعالي علي نفسك شوية اليومين دول بس عشان ترتاح بعدين
و انا ملاحظ انك بتحب تنجز اووووووي
لازم تتقل عشان تاخد حاجة نضيفة :d:d:d:
كدا هاتتصلح و كدا تتصلح ,, و بيها أو من غيرها ,, المشاوير بتتقضي
اخوك المهندس محمد حاجي

**opelawy** · 10-10-2011 12:07 AM

طيب عندي كهربائي يشوفلي الفتيس مالوو ؟؟؟
مش بينقل و لا زرار الاس شغال

يا دوب 1-2-3 و بس

شكلها عيب ضفيرة

**zalantaheee** · 10-10-2011 01:07 AM

انزل لمحمود دا و شوف ايه الحكاية كدا زي ماقولتلك و ربنا يسهل ان شاء الله بسيطة
و طول ما هي ماشية
اخطف رجلك عند اكتر من واحد
لحد ما كله يجمع ان دا العيب الفلاني فعلا
و تشوف مين اقل سعر فيهم
و تفاصله كمان
و تأكد عليه ان لو في اي مشاكل ظهرت تاني من نفس السبب هو المتكفل بيها
عايزين نتعلم ان العربية دي متسحلناش وراها :d:d:

**opelawy** · 10-10-2011 01:27 AM

عندك حق و الله :)
ان شاء الله اتكل بكرة علي الله و اشوف فيها ايه

**opelawy** · 11-10-2011 02:17 AM

السلام عليكم
النهاردة نزلت لاحمد سعيد الساعة 2
ردوا الناس اصل الباشا مش هيجي النهاردة

قولت اشطة هيا كده جابت معاه اخرها ( بطء شديد في التعامل مع العميل )

رحت طالع علي الحرفيين
رحت لهيثم مش موجود
رحت لعلام كشف قالي عيب كنترول
رحت لعبدو اوبل كشف قالي بردو عيب كنترول

المهم رحت رايح لاسلام و حكيتلوا القصة راح مطلع الفلوس و قالي هات الكنترول
المهم حكيتلوا القصة و انها شغالة منوال زي الفل بس اتوماتك لأ
قالي ده عيب سوفت وير بس
عشان الكنترول كان مفكوك من عريبة مانوال

المهم قالي هكلم الراجل الي اشتريت منو الكنترول ( طلع محمود للي zalantahee قالي عليه )
قلتلو كده قشطة

و رحت جاييب و نش و ساحب العربية علي مدنية نصر
و ان شاء الله هروح لموحود ده قريب اشوف هعمل ايه في الكنترول ده

الخلاصة

اسلام اللي في محل اولاد عبد الشافي ناس ولاد ناس اوي في التعامل
احمد سعيد شاطر بس يعيبه غيابه عن الورشة كتير اي
العربية زي الجثة الهامده في الجراج
هصلح الكنترول او اجيب واحد من بره بدل الا4000 ملطوش في المستعمل