صيانة 55000 في السبع واستجابه غير متوقعه تماما

الاربعاء 5-10 رحت اعمل صيانه 55000 في السبع وكنت حاجز
استلم مني استاذ خالد ودي تاني مره يستلم مني وكويس لان اسمه علي اسمي
المهم قلتله عالاتي
1- هغير تيل فرامل خلفي
2-فلتر الهوا
3- العفشه مش حلوه عاشان يكشف عالجلب والجلد في العفشه
4- البطاريه فيها شرخ وبتسرب ماء نار وبهدلت الكبوت من جوه اجزاء من المكنه
5- تزيقه في الدبرياج في اوقات الزحمه لما بعلق الدبرياج
المهم استلم وبدأ الشغل في العربيه
العامل اشتغل شويه وكشفوا عالعربيه وبعدكده استدعاني خالد ولقي كل الملاحظات زي ماقلتله
بالاضافه لكوتشت تراب يمين
المهم قلتله شغال
المفاجاه بقي انه وافق علي تغير البطاريه علي حساب الضمان علي اني ادفع الفرق بين البطاريه الجافه اللي موجوده في المركز والسائله الجديده
وقلتله ماعنديش مانع بس المشاكل اللي عملتها البطريه القديمه من تاكل في البوهيه والحوض بتاع المكنه واسفل الكبوت
ماعلينا بعد كده طلعت علي فوق عند الكافيه الجديد الغالي جدااااااا وكبون الخصم ممكن تشرب بيه كابتشينو صغير
الغريب انهم سابوا العربيه ماحدش شغال فيها
بعد شويه رحت نازل عند العربيه ياناس ماحدش شغال ليه
حاضر هانشتغل -----ياناس مستعجل -----حاضر
لحد ماجه الكبير قوي مدير الصيانه وراح مشغل 2 مش واحد في العربيه
لما الموضوع طول قلت بلاش كاوتشت التراب دلوقتي عاشان اتخرت
المهم خلصوا والعربيه راحت عالمغسله وانا رحت احاسب 750 ج
التيل حوالي 400
البطاربه 65
والفلتر 135
والضريبه 65
والباقي مصنعيات
نسيت اقلكوا انهم كانواعيزين يغيرو الطنابير وانا رفضت وقلتلهم انا هاخرطها بره علما بان الطنبوره ب450ج للواحده!!!!!!!!!!!!!!!!!!!
وفي النهايه يعتبر الانطباع جيد وتقريبا عملوا كل المطلوب
وشكرا

الف مبروك علي الصيانة

مبروك الصيانة وعقبال 10000000

الف مبروك يا خالد باشا
والحمد لله ان الصيانة عدت على خير
والحمد لله ان كل حاجة اتعملت على اكمل وجه
وكانت فرصة لو كنت جيت على نفسك وغيرت كاوتشة التراب بالمرة
وبخصوص الطنابير هما معندهمش خرط .. وكويش انك حتخرطها بره .. بس نصيحة اخرطها مرة واحدة .. بلاش كذا مرة .. يعنى بعد المرة الاولى لما تخرطها وتمشى بيها مثلا 30 الف كمان .. ولو رجعت تانى حصل منها رعشة على السرعات .. متخرطتش تانى لانك بتاكل من الطنابير فى الخرط
وتسلم على التقرير

1000 مبروووووووووووك يا ريس
بس ليه تغير تيل خلفى ومحتاج خرط للطنابير ؟!!
انت مشيت على فرامل اليد ولا ايه ؟
وعندى سؤال تانى رخم جداااااااااا
حضرتك طلعت من المعادى امتى ووصلت الشرقية امتى لأن امبارح كان يوم عالمى فى المرور خصوصا عند دايرى المعادى ونزلة الزراعى وحتى موقف العاشر لو طلعت طريق بلبيس
ده انا اتدبست فى مشوار 9 باليل من قليوب لالماظة روحت فى ساعة ورجعت فى ساعتين 12 باليل

الف مبارك علي الصيانة خالد بيك وعقبال صيانة ال10000000000000000000000000 ان شاء الله
هي واسعه بس ربنا كبير :))))
في حاجة محدش خد باله منها الا وهي
.
.
.
.
.
.
.
.
.
.
المشروبات السخنة في السبع ببلاااااااااااااش
ولا هما افتقروا لدرجة انهم بيجمعوا فلوس الشاي والقهوة ؟؟؟؟؟
وفرق البطارية 65 بس ؟؟؟؟؟
انا عندي برده بتنشع من الجنب .... اقولهم عليها في الصيانة ؟؟
وتزيق الدبرياج برده بحس بيه ... ده كان حله ايه كان خطر ولا لا
كل ديه تساؤلات تتطرح نفسها ... والي لقاء اخر مع
دهب دهب دهب .... ددددهب دهب :))
اقعد بالعافية :)))))

الف مبروك على الصيانة يا باشا وعقبال المليون كيلومتر

بالنسبة للطنابير كانت ايه مشكلتها ؟

والبطترية كمتن أنا عندي بتنشع ميه علي وش البطارية ... ولما سالت في صيانة ال10000 قالولي كده طبيعي .... هل ده كلام مظبوط ولا لأ ......

الف الف مبروك الصيانة يا خالد و عقبال صيانة الـ 100000 كيلو و شكرا علي التقرير

اقتباس:

---

المشاركة الأصلية كتبت بواسطة mohamedbook

الف مبروك علي الصيانة

---

الله يبارك فيك يازعيم

اقتباس:

---

المشاركة الأصلية كتبت بواسطة atefadel

مبروك الصيانة وعقبال 10000000

---

شكرا ياباشا والله يبركلك

اقتباس:

---

المشاركة الأصلية كتبت بواسطة ahmed.tv

الف مبروك يا خالد باشا
والحمد لله ان الصيانة عدت على خير
والحمد لله ان كل حاجة اتعملت على اكمل وجه
وكانت فرصة لو كنت جيت على نفسك وغيرت كاوتشة التراب بالمرة
وبخصوص الطنابير هما معندهمش خرط .. وكويش انك حتخرطها بره .. بس نصيحة اخرطها مرة واحدة .. بلاش كذا مرة .. يعنى بعد المرة الاولى لما تخرطها وتمشى بيها مثلا 30 الف كمان .. ولو رجعت تانى حصل منها رعشة على السرعات .. متخرطتش تانى لانك بتاكل من الطنابير فى الخرط
وتسلم على التقرير

---

شكرا ياعم احمد والله يبارك فيك ياريس
بالنسبه لكوتشت التراب انا كنت مستعجل جدا وبعدين كان في شويت تكاسل منهم يعني الشغل ده كله كان ممكن يخلص في وقت اقل بكتير وبعدين الكاوتشه مش هتاثر عالاداء يعني وإن شاء الله هاغيرها الصيانه الجايه
اما الطنابير فكل اللي فيها شويت خربشه ممكن امسها عند اي خراط يدوب مس وده هيحسن الاداء ويحافظ عالتيل الجديد.وماعتقدش اني ممكن اخرطها تاني لان في الوقت ده هاتكون العربيه كملت 100000كلم فكفايه عليها.هو ممكن يحصل رعشه في حالت لو الخراط مش دقيق يعني اي انحراف في الخراطه هو ده ممكن يعمل رعشه وربنايستر

اقتباس:

---

المشاركة الأصلية كتبت بواسطة y2y1500

1000 مبروووووووووووك يا ريس
بس ليه تغير تيل خلفى ومحتاج خرط للطنابير ؟!!
انت مشيت على فرامل اليد ولا ايه ؟
وعندى سؤال تانى رخم جداااااااااا
حضرتك طلعت من المعادى امتى ووصلت الشرقية امتى لأن امبارح كان يوم عالمى فى المرور خصوصا عند دايرى المعادى ونزلة الزراعى وحتى موقف العاشر لو طلعت طريق بلبيس
ده انا اتدبست فى مشوار 9 باليل من قليوب لالماظة روحت فى ساعة ورجعت فى ساعتين 12 باليل

---

الله يبارك فيك ياباشا
تغير الطنابير او خرطها مع تغير التيل كويس لان التيل القديم بيترك اثر عالطنبوره زي الخطوط كده بسبب الاحتكاك طبعا ومش شرط اكون ميشيت علي فرامل اليد
بالنسبه للطريق البهدله كلها كانت الصبح
انا كنت في السلام الساعه 8 الصبح ورحت علي مؤسسة الزكاه علشان ابدل اتجاه المعادي وقعدت تحت الكوبري حوالي ساعه الا ربع والعربيه اتردمت تراب ولما طلعت الدائري ووصلت السلام تاني كان الزحام بدأ يفك والحمد الله وصلت المركز حوالي 9 ونص كده

اقتباس:

---

المشاركة الأصلية كتبت بواسطة sonasteel

الف مبارك علي الصيانة خالد بيك وعقبال صيانة ال10000000000000000000000000 ان شاء الله
هي واسعه بس ربنا كبير :))))
في حاجة محدش خد باله منها الا وهي
.
.
.
.
.
.
.
.
.
.
المشروبات السخنة في السبع ببلاااااااااااااش
ولا هما افتقروا لدرجة انهم بيجمعوا فلوس الشاي والقهوة ؟؟؟؟؟
وفرق البطارية 65 بس ؟؟؟؟؟
انا عندي برده بتنشع من الجنب .... اقولهم عليها في الصيانة ؟؟
وتزيق الدبرياج برده بحس بيه ... ده كان حله ايه كان خطر ولا لا
كل ديه تساؤلات تتطرح نفسها ... والي لقاء اخر مع
دهب دهب دهب .... ددددهب دهب :))
اقعد بالعافية :)))))

---

لالالالالالالالالا ياباشا مهم اجروا الدور التاني لكافيه ماركه كده مش فاكر اسمه وانت داخل تحجز بيدولك كبون خصم ب15ج وارخص مشروب الشاي ب7ج وبالهنا ههههه
بالنسبه للبطاريه بصراحه انا دخلت فيهم شمال لانك لو فتحت الكبوت هتلاقي المنظر مش عاطفي من ميت النار.فالمهم هو حب يعوضهالي ببطاريه جافه مع دفع فرق الجاافه من السائله وكمان خلي بالك البطاريه القديمه شغاله زي الفل مش بس كده ده كمان مدير الصيانه عرض عليه انو يفك الاجزاء المتاكله بسبب ميت النار ويدهنها دوكو علي حساب المركز بس انا قلتله انا مش فاضي (بصراحه في تغير رهيب)
تزيقت الدبرياج مش خطر بس مزعجه وبتفكرني بالمرحومه 504 وحلها بيزيت السوسته بس

اقتباس:

---

المشاركة الأصلية كتبت بواسطة goudamahdy

الف مبروك على الصيانة يا باشا وعقبال المليون كيلومتر

بالنسبة للطنابير كانت ايه مشكلتها ؟

والبطترية كمتن أنا عندي بتنشع ميه علي وش البطارية ... ولما سالت في صيانة ال10000 قالولي كده طبيعي .... هل ده كلام مظبوط ولا لأ ......

---

الله يبركلك ياريس
الطنابير انا رديت فوق
اما البطاريه فواضح انها وباء منتشر فخلوا بالكوا لانها بتشوه حوض المكنه بطريقه بشعه
واضح ان المصنع مستخسر بطاريه جافه في العربيه وكمان البطاريه من المكونات المصريه

اقتباس:

---

المشاركة الأصلية كتبت بواسطة peaceman

الف الف مبروك الصيانة يا خالد و عقبال صيانة الـ 100000 كيلو و شكرا علي التقرير

---

الله يباركلك ياباشا وتحت امركوا جميعا

اقتباس:

---

المشاركة الأصلية كتبت بواسطة sonasteel

وفرق البطارية 65 بس ؟؟؟؟؟
انا عندي برده بتنشع من الجنب .... اقولهم عليها في الصيانة ؟؟

---

اقتباس:

---

المشاركة الأصلية كتبت بواسطة goudamahdy

والبطترية كمتن أنا عندي بتنشع ميه علي وش البطارية ... ولما سالت في صيانة ال10000 قالولي كده طبيعي .... هل ده كلام مظبوط ولا لأ ......

---

السلام عليكم و رحمة الله و بركاته
بالنسبة لموضوع البطارية الظاهر انه موضوع عام...
خدوا بالكم البطاريه لما تنشع مياه لازم تتغير.... فى الضمان
بس كل ما الفترة تطول كل ما الضمان يقل؟؟؟
بمعنى كل ما التوكيل يأخرك حتدفع أكتر من ثمن البطارية الجديدة

اقتباس:

---

المشاركة الأصلية كتبت بواسطة osama_i

السلام عليكم و رحمة الله و بركاته
بالنسبة لموضوع البطارية الظاهر انه موضوع عام...
خدوا بالكم البطاريه لما تنشع مياه لازم تتغير.... فى الضمان
بس كل ما الفترة تطول كل ما الضمان يقل؟؟؟
بمعنى كل ما التوكيل يأخرك حتدفع أكتر من ثمن البطارية الجديدة

---

انا عندى بتجيب مية من فوق من غطاء العيون وحاجة بسيطة تقريبا من السخونية
انما الجوانب مفيش حاجة خالص الحمد لله وانا كل شهر تقريبا باروح اكشف على مستوى المية برة بين الصيانات وبجوز جنيهات بس

امبارح رحت مسحت الطنابير والراجل خد منها اقل من ملي واحد
والحمد الله جربت العربيه وكله تمام وحاسس ان الفرامل بقت انعم سويه من الاول
الموضوع كلف 20 للخراط و10 للواد اللي حل الفردتين وده كله اخد ساعه واحد
وبكده تقدر تحافظ عالتيل مده اطول مع ملاحظة ان الخراط قلي ماينفعش تخرط تاني الا في حالت انك غيرت تيل 5 ملم بدل ال4 ملم الاصلي لان كل مابتاخد من الطنبوره لازم تعوض الفرق ده بسماكت التيل يعني لو خدت ملي من الطنبوره تزود ملي في التيل اوتوماتك والا الفرامل هاتعمل طقه معاك
ودمتم

اقتباس:

---

المشاركة الأصلية كتبت بواسطة zeznia

امبارح رحت مسحت الطنابير والراجل خد منها اقل من ملي واحد
والحمد الله جربت العربيه وكله تمام وحاسس ان الفرامل بقت انعم سويه من الاول
الموضوع كلف 20 للخراط و10 للواد اللي حل الفردتين وده كله اخد ساعه واحد
وبكده تقدر تحافظ عالتيل مده اطول مع ملاحظة ان الخراط قلي ماينفعش تخرط تاني الا في حالت انك غيرت تيل 5 ملم بدل ال4 ملم الاصلي لان كل مابتاخد من الطنبوره لازم تعوض الفرق ده بسماكت التيل يعني لو خدت ملي من الطنبوره تزود ملي في التيل اوتوماتك والا الفرامل هاتعمل طقه معاك
ودمتم

---

شكرا يا باشا ع المعلومات دى
بس انا عاوز اعرف الكلام ده كان فى الطنابير القدام ولا اللى ورا
وكمان لو انا باغير التيل قبل ما ياكل فى الطنابير ايه لازمته الخرط ولا لازم فى اى تغيير للتيل
مع العلم انى لسه ماشى بتيل الزيرو ما اتغيرش وعامل 52000 كم لحد دلوقت
وكل صيانة بابقى رايح وعامل حسابى اغيره يقولولى لأ لسه فيه وشغال كويس

اقتباس:

---

المشاركة الأصلية كتبت بواسطة y2y1500

شكرا يا باشا ع المعلومات دى
بس انا عاوز اعرف الكلام ده كان فى الطنابير القدام ولا اللى ورا
وكمان لو انا باغير التيل قبل ما ياكل فى الطنابير ايه لازمته الخرط ولا لازم فى اى تغيير للتيل
مع العلم انى لسه ماشى بتيل الزيرو ما اتغيرش وعامل 52000 كم لحد دلوقت
وكل صيانة بابقى رايح وعامل حسابى اغيره يقولولى لأ لسه فيه وشغال كويس

---

يافندم لا شكر علي واجب
الكلام ده كله علي الطنابير اللي ورا
اوعي تعمل الكلام ده في الليقدام
الللي قدام عمرهم من عمر العربيه ان شاء الله مش تحتاج تغيرهم ولا تخرطهم
وبعدين ملاحوظه كده لو عربيتك absالكلام ده لالالالالالا ينطبق عليك تماما
الكلام ده يمشي مع اللي الطنابير عنده درام drum اما الدسكات discs سواء ورا او قدام فلالالالالالالالالا
خلوا بالكوا ياجماعه ماحدش يفهم غلط والا الدنيا هتبوظظ
ودمتم

تسلم يا غالى

اقتباس:

---

المشاركة الأصلية كتبت بواسطة zeznia

يافندم لا شكر علي واجب
الكلام ده كله علي الطنابير اللي ورا
اوعي تعمل الكلام ده في الليقدام
الللي قدام عمرهم من عمر العربيه ان شاء الله مش تحتاج تغيرهم ولا تخرطهم
وبعدين ملاحوظه كده لو عربيتك absالكلام ده لالالالالالا ينطبق عليك تماما
الكلام ده يمشي مع اللي الطنابير عنده درام drum اما الدسكات discs سواء ورا او قدام فلالالالالالالالالا
خلوا بالكوا ياجماعه ماحدش يفهم غلط والا الدنيا هتبوظظ
ودمتم

---

لالالا اشرف بيك
براحة عليا كده علشان لسة مفطرتش ومش عارف اركز
تاني الحتة ديه يا استاذ
انا عربيتي abs
-----------------------
ويوسف قال ان التيل عامل ماشاء الله 52000 .... ده راجع لنوع سواقة معين ؟؟
انا سواقتي جوه البلد وغبية حبتين .... ده ياخدله قد ايه في وشه كده بالصلاة علي النبي
عليه الصلاة والسلام
اقعد بالعافية يا كبيرنا :))

الف مبروك عالصيانة و ربنا يباركلك في العربية و عقبال كل صيانة و انت العربية طيبين

اقتباس:

---

المشاركة الأصلية كتبت بواسطة sonasteel

لالالا اشرف بيك
براحة عليا كده علشان لسة مفطرتش ومش عارف اركز
تاني الحتة ديه يا استاذ
انا عربيتي abs
-----------------------
ويوسف قال ان التيل عامل ماشاء الله 52000 .... ده راجع لنوع سواقة معين ؟؟
انا سواقتي جوه البلد وغبية حبتين .... ده ياخدله قد ايه في وشه كده بالصلاة علي النبي
عليه الصلاة والسلام
اقعد بالعافية يا كبيرنا :))

---

فعلا يا سحس هى سواقة ع الطرق السريعة وقليل اوى ما باقضيها جوة البلد الا لو نزلت القاهرة واتزنقت فى الزحمة
وكمان اكتر حاجة تاكل التيل الجرى والوقوف مرة واحدة
انا باخفف رجلى ع الفرامل الا لو فيه حاجة قدامى
ليا زمايلى فى القاهرة غيروه على 30 او 40 الف كم

اقتباس:

---

المشاركة الأصلية كتبت بواسطة y2y1500

تسلم يا غالى

---

الله يسلمك يابرنس

اقتباس:

---

المشاركة الأصلية كتبت بواسطة SonaSteel

لالالا اشرف بيك
براحة عليا كده علشان لسة مفطرتش ومش عارف اركز
تاني الحتة ديه يا استاذ
انا عربيتي abs
-----------------------
ويوسف قال ان التيل عامل ماشاء الله 52000 .... ده راجع لنوع سواقة معين ؟؟
انا سواقتي جوه البلد وغبية حبتين .... ده ياخدله قد ايه في وشه كده بالصلاة علي النبي
عليه الصلاة والسلام
اقعد بالعافية يا كبيرنا :))

---

ياعم حسين لو عربيتك abs تبقي الفرامل اللي ورا زي اللي قدام دسكات disc يبقي انت برا الالكلام ده خالص وبعدين مانا مغير علي 55000 برضو والتيل كان لسه فيه

اقتباس:

---

المشاركة الأصلية كتبت بواسطة Donzi

الف مبروك عالصيانة و ربنا يباركلك في العربية و عقبال كل صيانة و انت العربية طيبين

---

الله يبارك في حضرتك وكل صيانه وحضرتك والعربيه والمنتدي كله بخير

اقتباس:

---

المشاركة الأصلية كتبت بواسطة y2y1500

فعلا يا سحس هى سواقة ع الطرق السريعة وقليل اوى ما باقضيها جوة البلد الا لو نزلت القاهرة واتزنقت فى الزحمة
وكمان اكتر حاجة تاكل التيل الجرى والوقوف مرة واحدة
انا باخفف رجلى ع الفرامل الا لو فيه حاجة قدامى
ليا زمايلى فى القاهرة غيروه على 30 او 40 الف كم

---

بس انت ماقلتليش هي عربيتك abs ولا عاديه

اقتباس:

---

المشاركة الأصلية كتبت بواسطة zeznia

يافندم لا شكر علي واجب
الكلام ده كله علي الطنابير اللي ورا
اوعي تعمل الكلام ده في الليقدام
الللي قدام عمرهم من عمر العربيه ان شاء الله مش تحتاج تغيرهم ولا تخرطهم
وبعدين ملاحوظه كده لو عربيتك absالكلام ده لالالالالالا ينطبق عليك تماما
الكلام ده يمشي مع اللي الطنابير عنده درام drum اما الدسكات discs سواء ورا او قدام فلالالالالالالالالا
خلوا بالكوا ياجماعه ماحدش يفهم غلط والا الدنيا هتبوظظ
ودمتم

---

انا عربيتي سوبرصالون مزودة ب abs
والطنابير الخلفية درمز
مش دسكات
يعني شكلها مختلف عن الطنابير الامامية
ودي شكل الطنابير الخلفية عندي
http://0.tqn.com/d/cars/1/G/h/T/1/ag_drumbrake1.jpg

ودي شكل الطنابير الامامية
http://0.tqn.com/d/cars/1/G/i/T/1/ag_diskbrake2.jpg
ارجو التوضيح

بصراحه مش عارف
بس دي مفاجأه بالنسبالي
هو مش المفروض ياجماعه ان abs بيكون راكب علي دسكات عشان يدي النتيجه المرجوه منه
وكلنا عرفين هو وظيفته ايه (مانع انزلاق علشان العربيه ماتنحرفش عن مسارها)(او مانع انغلاق للكوابح)
حضرتك متاكد ان العربيه abs
وعالعموم طالما درم يبق الكلام يمشي عليها
بس حد يأكد لنا ياجماعه ان العربيات الabs بتنزل بدرمااات برضو
ودمتم

اقتباس:

---

المشاركة الأصلية كتبت بواسطة zeznia

بس انت ماقلتليش هي عربيتك abs ولا عاديه

---

انا معايا صنى ex saloon مو2010 بدون abs مانيوال

اقتباس:

---

المشاركة الأصلية كتبت بواسطة zeznia

بصراحه مش عارف
بس دي مفاجأه بالنسبالي
هو مش المفروض ياجماعه ان abs بيكون راكب علي دسكات عشان يدي النتيجه المرجوه منه
وكلنا عرفين هو وظيفته ايه (مانع انزلاق علشان العربيه ماتنحرفش عن مسارها)(او مانع انغلاق للكوابح)
حضرتك متاكد ان العربيه abs
وعالعموم طالما درم يبق الكلام يمشي عليها
بس حد يأكد لنا ياجماعه ان العربيات الabs بتنزل بدرمااات برضو
ودمتم

---

كل الصني بلا استثناء الفرامل الخلفيه درمز

اقتباس:

---

المشاركة الأصلية كتبت بواسطة Elshennawy

كل الصني بلا استثناء الفرامل الخلفيه درمز

---

بس معروف ان الطنابير الدسكات اقوي بكتير من الدرامز
وانا بشوفها في معظم العربيات الحديثة ديسكات في الخلفي
فيا تري اشمعني النيسان اللي درامز؟؟؟
طب علي الاقل اللي فيها abs تكون ديسكات ولا ايه!!!

بس انا متاكد اني شوفت فرامل دسكات في الصني ومش شرط سوبر او اكس صالون
وطبعا الدسكات في الفرامل اقوي واحسن بمراحل عن الدرمات وطبيعي يكون abs راكب علي دسكات
لازلت غير مقتنع ان abs يشتغل علي درم والا يبقوا بيضحكوا علينا

عاوزين حد يأكد لنا المعلومة