حقيقة الكلام عن موديلات الميجان !!!

**abdo_2812** · 06-10-2011 03:47 PM

السلام عليكم ورحمة الله وبركاته

أولا: تحية كبيرة لكل الوحوش والشباب الجميل اللي هنا، واللي كانت الروح الجميلة اللي شايفها ومتابعها هنا من أكبر الدوافع اللي خليتني أقرر أنضم للأسرة الجميلة دي، وأشتري الرائعة ميجان 2

ثانيا: السؤال المهم أوي، ناس كتييييير أوي قالتلي لو جبت أقل من 2008 هتندم وهتزعل على فلوسك ... وناس تاني بتقولي لأ لو اللي قالك بيفهم صح هايقولك ابعد بس عن 2005

وناس تالتة برضو المفروض إنهم بيفهموا في العربية بيقولولي مفيش الكلام ده من أساسه ... والعربية حالة والميجان من 2005 لحد ما نزلت ميجان 3 لا تختلف ولا تتمايز نهائيا وكلهم زي بعض

ايه رأيكم في الكلام ده؟؟؟

وهل لو فيه موديلات معينة فيها مشكلة ... هي ايه المشاكل دي بالظبط؟؟؟
وازاي التوكيل لم يعدلها أو يحلها؟!!

منتظر آرائكم وماتنسوناش من دعواتكم :)

**Rsarabia** · 06-10-2011 05:00 PM

من 2007 او بالتحديد من 2006 phase II النص التانى تم تغيير اجزاء ميكانيكية فى الموتور و الدوائر الكهربائية و دا كلام مؤكد 100 % و بالنسبة للفتيس معنديش معلومة اتغير اجزاء منه ولا لأ بالتالى اشترى من اول 2007 و ريح دماغك

**Ahmed Selim** · 06-10-2011 08:12 PM

الموتور فيه تغيير طفيف و الفتيس هو هو ما عدا السوفت وير بتاعه نسخة أحدث شوية.

بعض المشاكل اللى كانت بتظهر فى موديلات 2005 و أول 2006 تم حلها بقطع غيار ذات إعتمادية أعلى شوية.

**abdo_2812** · 07-10-2011 12:22 PM

المشاركة الأصلية كتبت بواسطة Rsarabia

من 2007 او بالتحديد من 2006 phase II النص التانى تم تغيير اجزاء ميكانيكية فى الموتور و الدوائر الكهربائية و دا كلام مؤكد 100 % و بالنسبة للفتيس معنديش معلومة اتغير اجزاء منه ولا لأ بالتالى اشترى من اول 2007 و ريح دماغك

أنا فعلا كانت المعلومة اللي فاهمها إنه من أول ملحق 2007 اللي هو زي ما حضرتك بتقول phase 2 2006 تم تغيير بعض الأجزاء في الدوائر الكهربائية (إنما مكنتش أعرف الموتور)
جزاك الله كل خير على المرور والرد :)

المشاركة الأصلية كتبت بواسطة Ahmed A.Maksoud

الموتور فيه تغيير طفيف و الفتيس هو هو ما عدا السوفت وير بتاعه نسخة أحدث شوية.

بعض المشاكل اللى كانت بتظهر فى موديلات 2005 و أول 2006 تم حلها بقطع غيار ذات إعتمادية أعلى شوية.

مرحب أحمد باشا عبدالمقصود، نورت الموضوع وشرفته :)

وألف شكر على الرد والإهتمام

المشاركة الأصلية كتبت بواسطة Megane

السلام عليكم
كلام حضرتك مضبوط تماما و أنا موافق علية

طيب تمام، كده الواحد قدر يحدد هو هيبدأ منين، وبكرر شكري تاني ليكم كلكم :)

**midohits** · 07-10-2011 04:22 PM

والله بص بعيد عن اي حاجة هيا بمجرد فكره انك تشتري عربيه احدث في السنه دل لوحدها حاجة كفايه مش هتكون اتهانت كتير ولا مشت كيلوات كتير وهيكون حالتها اكيد احسن وانته الكسبان وبعدين كفايه التعديلات النازله الجديده في الـ من اول 2006 و 2007 ( شكل نور التابلوه ابيض - كاسيت ام بي ثري - فتحتة سقف لو جبتها بانوراما - الفانويس الخلفية والأمامية - مثبت السرعه وداه لوحده كفايه وحاجات انا مش فاكرها كلها )

**matrix3030** · 17-10-2011 11:43 PM

بصراحة انا معايا اخر 2006 phase II اللي هيه ملحق 2007 هاتلاقيها نفس شكل الفوانيس بتاعت 2006 وكمان الشكل الامامي
عربية اكثر من رائعه لو لقيتها ابتدأ من phase II g وانت طالع بس بشرط تكون مش متهانه هاتبقى محظوظ
فعلا تم بعض التعديلات وظهرت ابتدأ من Phase II

**amr_elbazz** · 18-10-2011 02:22 PM

تحياتى للجميع اولا ....
الشكل القديم phase I الموتور 115 حصان
الشكل الجديد phase II الموتور 110 حصان
والله اعلم

**Megane** · 18-10-2011 11:54 PM

المشاركة الأصلية كتبت بواسطة amr_elbazz

تحياتى للجميع اولا ....
الشكل القديم phase i الموتور 115 حصان
الشكل الجديد phase ii الموتور 110 حصان
والله اعلم

السلام عليكم
كلام حضرتك يمكن يكون صح أنا لا أعلم لكن لو إفترضنا إنة صح الفكرة مش فى عدد الأحصنة الفكرة فى إنة كل ما الواحد يشترى احدث أكيد هيكون أحسن على الأقل مش هتكون ماشية كتير و هتكون مش متهانة و بعدين 5 حصان مش حكاية يعنى.
و لك جزيل الشكر

**amr_elbazz** · 19-10-2011 10:35 PM

المشاركة الأصلية كتبت بواسطة megane

السلام عليكم
كلام حضرتك يمكن يكون صح أنا لا أعلم لكن لو إفترضنا إنة صح الفكرة مش فى عدد الأحصنة الفكرة فى إنة كل ما الواحد يشترى احدث أكيد هيكون أحسن على الأقل مش هتكون ماشية كتير و هتكون مش متهانة و بعدين 5 حصان مش حكاية يعنى.
و لك جزيل الشكر

وعليكم السلام اخى الفاضل
كلامى عن عدد الاحصنة لمجرد المعلومة وليس للتفضيل مع العلم ان فى ناس بتصرف كتير فى تعديلات لزيادة ال 5 حصان دول ...
انا اتفق معك فى ان الموديل الجديد بيكون احسن لو فعلا ماشية اقل ومش متهانة ولكن لكل قاعدة استثنا يوجد ما هو اقدم وماشى اقل بدون لعب فى العداد طبعا وحالة افضل فى هذة الحالة ايهما احسن ؟ ... تحياتى لك

-

الموضوع: حقيقة الكلام عن موديلات الميجان !!!

LinkBack

أدوات الموضوع

عرض

-

-

-

-

-

المواضيع المتشابهه

فروق بين موديلات اللانوس من 2001 الى 2005 و موديلات 2009 الى 2008

قراءات الميجان حقيقة أم خيال !

استطلاع لمالكى الميجان هل اعطال موديلات 2007 ومافوق اقل بكتير من اعطال 2005 و2006

إخواني بدور على العربية تويوتا كراون من موديلات 1987 ولغاية موديلات الألفينات

نزول موديلات 2010 إلى السوق المصرية !!! فما هو حال موديلات 2008 و 2009

الكلمات الدلالية لهذا الموضوع

المفضلات

المفضلات

ضوابط المشاركة