الموضوع: تسعيير السيارات المستعملة الجزء الرابع

المشاركة الأصلية كتبت بواسطة hamel_almsk

السلام عليكم
شكرا لمجهود حضرتك الرائع
واريد من حضرتك ان تسعر لى سيارة 128 مو 1990
1300 سى سى فابريكا دواخل ما عدا القوائم والعتب لأنه غير اللون وفى شرخ صغير جدا فى الحوض والشنطة فيها اثار رد على البارد بسيطة جدا
فيها سمكرة ودوكو ميتاليك جديد
جنوط اسبور واربع فرد كاوتش جداد
صالون حالته جيدة وفرش جلد
كاسيت وسماعات
موتور 80%
يعنى ممكن تحتاج مصاريف بسيطة جدا

وفى عربية تانية 128 موديل 1991
1300 سىسى
فابريكا دواخل بالكامل
سمكرة ودوكو من اسبوع
وكاوتش وجنوط اسبور
من غير كاسيت ولا سماعات
الصالون والفرش الداخلى 50%
الموتور 80%

وفى عربية ثالثة
مازدا 323
مو 82 (يابانى قوات مسلحة)
فابريكا دواخل بالكامل (دواخل شركة)
الموتور 70%
مش محتاجة سمكرة او دوكو
الصالون نضيف
العفشة سليمة
تحتاج مصاريف بسيطة

ومعلش فى عربة رابعة
323 مو 82 يابانى
فابريكا دواخل بالكامل
الموتو 70%
الصالون ممتاز
دوكو جديد
كاوتش جديد
بطارية جديدة
لا تحتاج مصاربف

واخيرا ارجو نصيحة حضرتك لأن دى هتكون اول عربية ليا ان شاء الله عز وجل
وهل ابعد عن ال128 وايه افضل عربية هتكون مناسبة معايا
وانا اقصى مبلغ هقدر ادبره 23 الف
وجزاك الله خيرا

ال 128 ال 90 تعمل 17 الف
ال 128 ال 91 تعمل 21 الف
ال 323 الاولي تعمل 20 الف
ال 323 الثانية تعمل 21 الف باعتبارها لا تحتاج لمصاريف
ورايي لحضرتك اذا قدرت تحصل علي 323 بحالة متازة ودواخل شركة توكل علي الله فيها عربية ناعمة ومريحة وقطع غيارها موجودة وفي نفس الوقت ال 128 من موديلات 89 الي 92 عربياتن لما بتكون حالتها جيدة ودواخل شركة ممتازة وموتور 1300 و5 غيار لكن خليها اختيار تاني بعد ال 323

المشاركة الأصلية كتبت بواسطة yanassirohi

السلام عليكم

السوناتا 2009 الشكل القديم
اعطالها اية؟
وقطع غيارها متوفرة واسعارها معقولة ولا؟
واعادة البيع ظروفها اية؟
ورأى حضرتك بشكل عام فيها؟
جزاكم الله خيرا

السوناتا ال2009 من السيارات المحترمة و الجميلة وادائها ممتاز
قطع غيارها اغلبها غير متواجد الا بالتوكيل فقط واسعارها عالية
اعادة البيع غير جيد
ورايي لحضرتك لو حضرتك مهتم بقطع الغيار واعادة البيع يبقة بلاش منها و لو حضرتك مهمتم بالااء والرفاهية ومتعة القيادة بغض النظر عن موضوع اعادة البيع وقطع الغيار يبقة توكل علي الله

المشاركة الأصلية كتبت بواسطة satamony007

ماركة السيارة : مستوبيشى
طراز السيارة : لانسر
موديل السيارة : 2005
سعة المحرك ال سي سي: 1300
حالة الدهان الداخلي والاساسيات والدواخل فابريقة ام رشة اي اجزاء من الدواخل ام تم استعدال اي جزء من الدواخل او السدر او الشنب علي البارد وهل الكابوت والشنطة والابواب اصلية ام لا: فابريكه بالكامل
حالة الدهان الخارجي هل فابريقة بالكامل ام رشة اجزاء مع تحديدها وحالة الدهان سواء فابريقة ام رشة هل بها تجاريح او خرابيش ام لا وهل هذه الخرابيش تستدعي الدهان ام لا:فابريكه بالكامل و خرابيش بالاكصدمين و الكابوت و لا تستدعى الرش
عداد الكيلومتر : 155 الف
كماليات السيارة مع تحديد فئتها ان وجدت بيز لاين او هاف او هاي لاين او سبورت وهكذا: سوبر اكشن (جنوط و فتحه سقف و فوانيس بيضاء)
حالة الموتور والميكانيكا: ممتاز
حالة الكهرباء : ممتاز
حالة الصالون: ممتاز
حالة الكاوتش و الزجاج : جيد
الحالة العامة للسيارة وهل محتاجة مصاريف ام لا : الحاله العامه جيده جدا ولا تحتاج مصاريف غير العاديه
الرخصه صالحه حتى 1 ابريل2014

تعمل 70 الف لانها مش سوبر اكشن هي اسبورت 1300

المشاركة الأصلية كتبت بواسطة mmmero

السلام عليكم يا بشمهندس شريف
ربنا يجازيك خير ان شاء الله ويجعلة فى ميزان حسناتك
قصادى عربية اكسينت 1999 والماتور 1500 فابريكة جوة ورشة برة وفيها بعض الخرابيش ومحتاجة اكصدام خلفى وفيها خبطة فى الكرتيرة الشمال بس مردودة على البارد والزجاج الامامى فى شرخ بسيط وكنت عاوز ارفعها علشان اشوفها بوضوح والعربية عاملة كيلومتر عالى 230 كيلو فكنت عاوز اعرف دى تسوى كام ولك جزيل الشكر

بالنسبة بقة للموتور والعفشة والصالون والكماليات بتاعتها كله تمام ولا بحالة سيئة
ارجو التوضيح للحالة العامة

المشاركة الأصلية كتبت بواسطة mmmero

السلام عليكم يا بشمهندس شريف
ربنا يجازيك خير ان شاء الله ويجعلة فى ميزان حسناتك
قصادى عربية اكسينت 1999 والماتور 1500 فابريكة جوة ورشة برة وفيها بعض الخرابيش ومحتاجة اكصدام خلفى وفيها خبطة فى الكرتيرة الشمال بس مردودة على البارد والزجاج الامامى فى شرخ بسيط وكنت عاوز ارفعها علشان اشوفها بوضوح والعربية عاملة كيلومتر عالى 230 كيلو فكنت عاوز اعرف دى تسوى كام ولك جزيل الشكر

المشاركة الأصلية كتبت بواسطة mmmero

اولا شكرا للرد والاهتمام
بالنسبة للماتور فهو بحالة جيدة انا العفشة فهى متوسطة يعنى اعتقد محتاجة شغل والصالون مقبول اما الكماليات فتعمل بحالة جيدة التكييف والباور و2 زجاج كهرباء واعتقد محتاجة فردتين كاوتش
الحالة العامة للسيارة مقبولة وللعلم انا عاوز اجيبها لزوجتى تتعلم عليها السواقة وتمشى بيها مشاوير البيت فقط

تعمل 33 الف