تسعيير السيارات المستعملة الجزء الرابع

**DENTAL5** · 15-10-2011 02:07 AM

اخويه عايز عربية فى حدود 20000
افضل حاجه بالسعر ده ايه
وفيه عربيه معروضه عليه ريجاتا حالة العربية ممتازة من حيث الماتور والعفشة والميكانيكا والكهربه
العربية حوضها فبريكا بس رشة قوايم وشنطة من جوه هى موديل 86 تعمل كام وهل رش الدواخل ده عيب قاتل ولا عادى بالنسبة للعمر ده

**fitoo** · 15-10-2011 06:20 AM

في عربية قدامي .. لانسر .. 2005 .. سوبر اكشن .. فابريكة دواخل بالكامل و كبوت و شنطة .. ماشية 80 الف ياريت حضرتك تقولي سعرها يبقى كام

و اسفة اني طولت علي حضرتك بس ياريت حضرتك تنصحني بعربية تكون في حدود 65 ل 70 الف

**ellemby** · 15-10-2011 12:13 PM

المشاركة الأصلية كتبت بواسطة sherifowahba

تعمل 35 الف بدون مصاريف والكماليات شغالة

شكرا وربنا يكرمك على المجهود اللى حضرتك عاملة فى المنتدى

**eiad2011** · 15-10-2011 12:23 PM

استاذ شريف بعد التحية
امامى سيارة هيونداى النترا 2005 كاملة مانيوال 1600 cc لون نبيتى فابريكة بره جوة 66000 كم على العداد صالون وفرش وعفشة ممتاذه السيارة بحالتها " توكيل غبور " بطارية جديدة وكماليات ( جراب نظارة حامل اكواب - مسند خلفى - فوانيس شبورة - جهاز انذار اصلى ) تعمل كام وفرق السعر بين التوكيل والخليجى مع العلم ان فى الصعيد الاعلى هو غبــــــــــــــور .

**mshehata500** · 15-10-2011 09:58 PM

السلام عليكم أستاذى الفاضل شريف باشا
برجاء تسعير هونداى ماتركس موديل 2008 منوال كامله كورى تقفيل تركى الشكل القديم طبعا عاملة 57000 ألف كيلوا جميع الصيانه بالتوكيل كان بيها بعض خباطات خفيفه فى الشنطه وردت على البارد ورشه اكصدامات امامى وخلفى

**hashour** · 15-10-2011 10:14 PM

جيتا 2008 بيز لاين خليجي فابريكه بره وجوه عداد 32 الف
وكمان كورولا 2010 جنوب افريقي فابريكه بره وجوه عداد 12 الف

معلش انا متقل عليك قوييييييييييييييييييييييي ييييييي....بس بحاول أعرف السعر قبل ما أتكلم في اي حاجه و انت معلمنا يا باشا ان السعر بيفرق حسب الحاله :)........تقبل تحياتي

**ابو فرح** · 16-10-2011 12:07 AM

استاذ شريف ممكن تسعرلى العربيه دى ان شاء الله
النتر اواخر 2007 كامله هاى لاين فبريكه بره وجوه فيها كام خربوش ميزكروش جنوط 16 اوريجنال تكيف تاتش عامله 26 الف كيلو صالون زيرو بس محتاج كار كير هيا محتاجه عمليه تنظيف فقط لاغير وشكرا مقدمت

**a_elbosaty** · 16-10-2011 12:27 AM

أستاذنا السلام عليكم....
فيه عربية قدامي فيرنا 2009 كسر زيرو باكياسها 1600 سي سي مانيوال كاملة كانت مرفوعة وعاملة 4000 كم. اعلى فئة. صاحبها طالب 59 الف. كم السعر العادل ليها لو سمحت؟
وجزاك الله خيرا

**mero80** · 16-10-2011 09:07 AM

استاذ شريف معلش احنا بنتعبك معانا و ربنا يجازيك خير عننا هو انا معايا عربية النترا 2007 اوتوماتيك لون احمر فابريكة جوا رشة حزام فقط نضافة يعنى و الحالة العامة ممتازة عداد 120 الف كم ولسة مغير 4 فرد كاوتش ياترى تجيب كام اليومين دول

**ahmedfathy2** · 16-10-2011 11:36 AM

معروض عليه عربيه شاهين 1400 cc موديل 1999 عامله 100000 كم (بنزين 80) الدواخل والخوارج بحاله جيده والكهرباء محتاجه شويه تظبيط معاها مفتاح ريموت بسنترلوك ومحتاجه شويه مصاريف خفيفه.ممكن لو سمحت تقولى تساوى كام؟؟؟