تسعيير السيارات المستعملة الجزء الرابع

**sherifowahba** · 21-06-2012 10:33 PM

المشاركة الأصلية كتبت بواسطة arakysolom

ا/ شريف لو سمحت معروض امامي صني 2008 اوتوماتيك فابريقة بالكامل عداد 30 الف كيلو

اي اكس ولا سوبر صالون

**sherifowahba** · 21-06-2012 10:36 PM

المشاركة الأصلية كتبت بواسطة mtageldeen

السلام عليكم

أ/شريف. أرجو المساعدة في تسعير هذه السيارة

أكسنت موديل 2005 - 1300 مكيفة - زجاج ومرايا ت عادية
الدهان الخارجي (ذهبي) جيد
دواخل فبريكا
أول يد
رخصة سنة أو سنتين

تحتاج كوبلن أمامي وموجود مع السيارة
تحتاج مساعد واحد أمامي
تحتاج سوستة وعلبة شكمان
تحتاج لرش الإكصدام الخلفي أو تغييره
ربما تحتاج 2فردة كاوتش

ملاحظة:
الرفارف والإكصدام الأمامي قد تم فكهم من قبل

وشكراً لحضرتك

تعمل 39 الف

**sherifowahba** · 21-06-2012 10:46 PM

المشاركة الأصلية كتبت بواسطة mohmedaboud

استاذ شريف ممكن اعرف من حضرتك سعر شيفروليه لانوس 2008 فبريكه دواخل كامله راشه خوارج بس فيها خبطه فى السلاح شمال وكمان عاوزه تغير دبرياج بس بعد فتره

واستفسار تانى هى العربيه عليها حظر بيع بنك ممكن اللى لازم يعمله صاحب العربيه فى حاله الشراء لضمان حقى
وشكر لحضرتك

تعمل 48 الف
في حالة حظر البيع حضرتك تاخذ توكيل عام في سيارات دايو وتوكيل خاص في السيارة نفسها بالادارة والتجديد والترخيص واستلام البيانات والمخالفات و تعمل عقد بيع ابتدائي عند محامي يذكر فيه طبيعة البيعة والمقدم وباقي الاقساط وانتقال الملكية الي المشتري و بعد اخر قسط حضرتك تاخذ مخالصة من البنك وتسلمها المرور وتصبح ال رخصة بعد ذلك بلا حظر و بعدها حضرتك بموجب التوكيل تبيع لنفسك
ولا تنسي طبعا شهادة المخالفات كاجراء طبيعي لاي بيعة

**sherifowahba** · 21-06-2012 10:48 PM

المشاركة الأصلية كتبت بواسطة mtageldeen

السلام عليكم

أ/شريف. أرجو المساعدة في تسعير هذه السيارة

إكسل 1998 - 1300 فاضية بدون تكييف - زجاج عادي

الدهان الخارجي (فضي) جيد
دواخل فبريكا
عمرة كاملة جديدة
عفشة كاملة جديدة

لا تحتاج مصاريف

وشكراً لحضرتك
____________

تعمل 28 الف

**sherifowahba** · 21-06-2012 10:50 PM

المشاركة الأصلية كتبت بواسطة engaass

السلام عليكم

أ/شريف. أرجو المساعدة في تسعير هذه السيارة

ماركة السيارة: هيونداى اكسنت
الموديل/السنة: 2000
عدد الكيلومترات:240000
نوع ناقل الحركة : مانيوال
لون السيارة: كحلي
الكماليات : كاسيت- سنترلوك - تكييف - زجاج كهرباء امامى - باور - انذار - أمكانية تعديل ظهر كرسى السائق -
حالة الصاج او الخوارج : راشة برة
حالة الدواخل : راشة صدر وكبوت فقط والباقى فابريكة
حالة الصالون : جيد
الحالة العامة او التقييم العام للسيارة :جيد
حالة البطارية : بطارية جافة جديدة
حالة الكاوتش : 2 كاوتش امامى جديد من شهر والخلفى متوسط
حالة الموتور: جيد
سعة المحرك اللترية و عدد السلندرات: 1500سى سى \ 4 سلندر

تعمل 36 الف

**sherifowahba** · 21-06-2012 10:56 PM

المشاركة الأصلية كتبت بواسطة mohamedmti

نوبيرا 2001 اوتوماتيك فول اوبشن
لانوس 1 اوتوماتيك فول اوبشن برضو
او بمعني اصح ممكن حضرتك تقولي علي عربية تكون اوتوماتيك و كويسة في حدود 35-40 الف و اهم حاجه اني اعرف اقفل بيها العداد

المشاركة الأصلية كتبت بواسطة mohamedmti

حضرتك انا محتاج نصيحتك و الرينج بتاعهم مش شرط بالظبط و ياريت لو في بدائل

لو اعتبرنا الحالات فبريقة دواخل و بدون مصاريف :
تكون الانوس رينج ال 40 الف
والنوبيرا رينج ال 40 الي 42 الف
و النصيحة ما بينهم خليك في الانوس مادام الاختيارين اوتوماتيك

**sherifowahba** · 21-06-2012 10:58 PM

المشاركة الأصلية كتبت بواسطة nomel3aeb2

السلام عليكم عايز من حضراتكم نصيحة شفت النهاردة عربية مو 90 1500cc العربية نظيفة السمكرة والدوكو مش وحشين بس فيها معجون كتير والدواخل فابريكة روحت بيها للميكانيكي بتاعي قللي في صوت بلية دبرياش وصاحب العربية بيحطلها بنزين 80 فصوت الماتور كويس بس تحس ان التاكيهات عايزة ظبط والكربراتير عايز تنظيف لان العربية بتتاخر في الدوارة ولما حطيت ايدي على الشكمان لقيت رزاز اسود في نص ايدي وطلعنا على الدائري العربية سرعتها كويسة بس حسيت بهزة تحت رجلي بس الركسيون ثابت قالي الكوبلن اليمين عايز يتغير والحالة العامة محترمة عايز حضراتكم تقوللي ايه رايكم وسعرها يعمل كام

كل البيانات تمام و ناقصة بس نوع السيارة ؟

**sherifowahba** · 21-06-2012 11:03 PM

المشاركة الأصلية كتبت بواسطة magdyosman

عايز اشترى السياره بالمواصفات دى تعمل فى حدود كام استاذ شريف ؟!

ماركة السيارة : بيجو

طراز السيارة : 406

موديل السيارة : 2006 : 2007

سعة المحرك ال سي سي 2000

عداد الكيلومتر 100.000 كم

ناقل الحركه : اوتوماتيك

حالة الدهان : دهان اجزاء من الخارج

كماليات السيارة : جميع الكمليات

الحالة العامة للسيارة : جيد جدا

رينج ال 70 الف

**sherifowahba** · 21-06-2012 11:08 PM

المشاركة الأصلية كتبت بواسطة lyly

السلام عليكم ورحمه الله وبركاته

ارجو المساعده في تسعير هذه السيارة

اودي a1 موديل 2011 اتوماتيك
اعلي فئه في a1
1400 سي سي تربو - 120 حصان
وفيها (سي دي - سنتر لوك - تكييف - زجاج كهرباء - فتحه سقف - led - بلوتوث - جنوط 16 )
وهي عامله 30 الف كيلو
ومافيهاش اي حاجه وميش محتاجه اي مصاريف بالفابريكه

تعمل 185 الف

**sherifowahba** · 21-06-2012 11:11 PM

المشاركة الأصلية كتبت بواسطة gasco

نيسان صنى 2011 اوتوماتيك بدون abs
عداد: 10.000 كم لسه عامل صيانه ال 10.000 كم بالتوكيل
اللون: موف بدون رش خارجى نهائى او خرابيش
الصالون فابريكه لوجود فرش و ارضيه جلد من اليوم الاول لاستخدام
الاستبن لم يستخدم و السياره بحاله المصنع
البيع لدواعى السفر فقط

تعمل 80 الف بالحاة المذكورة بدون خدش

الموضوع: تسعيير السيارات المستعملة الجزء الرابع

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

تسعيير السيارات المستعملة هدية لاعضاء نايل موتورز (الجزء الثالث)

::: النظام الهجين فى السيارات - الجزء الرابع :::

الجزء الرابع: انا والسفنتينا ... والفرامل

أقبـــــح 100 سيـاره على مدار التاريخ - الجزء الرابع

عملوها الوحوش ( الجزء الرابع )

الكلمات الدلالية لهذا الموضوع

المفضلات

المفضلات

ضوابط المشاركة