تسعيير السيارات المستعملة الجزء الرابع

**myself112** · 08-08-2012 06:10 AM

معروض عليا انى ابدل عربيتى بعربية ماتريكس 2006 . مش عارف اخد قرار فمحتاج النصيحة .

انا عربيتى تويتا ياريس 2007 عاملة 200 الف كيلو رشه حزام نضافة , الحمد لله عاملها كل الصيانات و مغير فيها كل حاجة محتاجة تتغير بقطع الغيار الاصلية , جنط 17 , بالنسبة للماتريكس انا ما شوفتهاش بس الى جايبهالى بيقولى انها حالة نضيفة و صاحبها مهتم بيها .
انا محتاج اغير لانى زهقت من عربيتى , فالميزة الوحيدة للماتريكس انها عربية بتتباع اسرع من عربيتى , يعنى انا لو ربنا قدر انى اخد الماتريكس مش هتقعد معايا كتير شوية و هشوفلها بيعه و اشوف حاجة اعلى .

بفرض ان الماتريكس طلعت كويسة , الدنيا هتمشى ازاى , هو ليه فلوس و لا انا ليا فلوس ولا محدش له حاجة ولا ايه لانى ماليش فى اسعار العربيات و الكلام ده , يا ريت حد يقدر يفيدنى .
ممكن حد يثمنى عربيتى بعيدا عن البدل لو هبيع بس ...
شكرا للجميع مقدما ....

**mode_dode90** · 08-08-2012 07:02 AM

ماركة السيارة: فيات
طراز السيارة: ماريا
موديل السيارة:2002
سعة المحرك ال سي سي:1300 سي سي كمبروسر
حالة الدهان الداخلي : فربيكا دواخل
حالة الدهان الخارجي : رشة حزام نضافة
عداد الكيلومتر 180000
كماليات السيارة : كامله منوال (( زجاج كهرباء - مالتي فنكشن - تكسف بوار ))
حالة الموتور والميكانيكا: صوتة نااااااعم جدااااااااااا
حالة الكهرباء: محتاجة فوانيس ورا و قدام
حالة الصالون: نضيف
حالة الكاوتش و الزجاج: كوتش جديد من 2000 كيلو
الحالة العامة للسيارة : خبطة خفيفة في الرفرف اليمين في الخلف تكلفه 100 جنية تقريبا - كشاف امامي مكسور و اخر معتم طقم الكشافات الاميمي 600 جنية
كشاف خلفي الاتنين مكسورين طقم كشافات خلفي 800 جنية
زجاج امامي 350 جنية

يبقي مصاريف تقريبا : 1500 جنية دا غير الصيانة العادية في حاله شراء السيارة
المطلوب 30000 بعد الفصال

**newboy2005** · 08-08-2012 12:17 PM

السلام عليكم
برجاء تسعير لانسر 2007 فابريكة بره وجوه 1300 cc
لاتحتاج مصاريف

**behman** · 08-08-2012 01:21 PM

ماركة السيارة: هيونداي
طراز السيارة: فيرنا
موديل السيارة:2004
سعة المحرك ال سي سي:1600 سي سي
حالة الدهان الداخلي : فربيكا دواخل
حالة الدهان الخارجي : فابريكه -بس فيها تجاريح و السقف مكشف
عداد الكيلومتر 190000
كماليات السيارة : كامله اوتوماتيك
حالة الموتور والميكانيكا: جيده جدا موتور و فتيس و عفشه
حالة الكهرباء: جيده جدا
حالة الصالون: الفرش الاصلي جيد جدا
حالة الكاوتش و الزجاج: عايزه فردتين
الحالة العامة للسيارة : الحاله العامه جيده جدا و مافيهاش مصاريف غير السيرفيس العادي و فرديتن كاوتش و فانوسين عشان اللي فيها مطوسين و ترش بره للنضافه - بس ممكن يتمشي بيها زي ماهي - و شغل قليل في العفشه - جلبتين مقص و بيضتين طرف - العربيه اول مالك و فيها رخصه سنه و لونها فضي

رينج كام بالحاله دي ... و هل الاوتوماتيك في الفيرنا في مشاكل ولا لا ؟؟ شكرا يا شريف باشا

**mahmoud85** · 08-08-2012 01:25 PM

انا محتار وعاوز اجيب عربيه في حدود 50000 الاوبل داخله دماغي خصوصا الاسترا موديل اول 2000 وناس قالتلي علي العربيه لبيجو 405 بس مش عارف حاجه عنها
ايه راي حضرتك في ال 405 ايراني موديل 2007 وتعمل كام ؟ وهل فعلا فيه منها نوعين واحد منهم سئ جدا ؟ ياريت لو تفيدني الله يكرمك

**Di2** · 08-08-2012 04:58 PM

ماركة السيارة: سوبارو امبيريزا
طراز السيارة: سيدان
موديل السيارة: 2009
سعة المحرك ال سي سي: 1500
حالة الدهان الداخلي والاساسيات والدواخل فابريقة ام رشة اي اجزاء من الدواخل ام تم استعدال اي جزء من الدواخل او السدر او الشنب علي البارد وهل الكابوت والشنطة والابواب اصلية ام لا : حاله جيدا لم ترش
حالة الدهان الخارجي هل فابريقة بالكامل ام رشة اجزاء مع تحديدها وحالة الدهان سواء فابريقة ام رشة هل بها تجاريح او خرابيش ام لا وهل هذه الخرابيش تستدعي الدهان ام لا :حاله جيدا لم ترش بها تجاريح بسيطه
عداد الكيلومتر 95000
كماليات السيارة مع تحديد فئتها ان وجدت بيز لاين او هاف او هاي لاين او سبورت وهكذا: هاي لاين ستبترونيك
حالة الموتور والميكانيكا: جيد
حالة الكهرباء : جيده
حالة الصالون : جيد
حالة الكاوتش و الزجاج: الزجاج الامامى تم تغيرة الباقى جيد الكاوتش لا اعلم الصراحة
الحالة العامة للسيارة وهل محتاجة مصاريف ام لا: لا تحتاج سوى صيانة دورية

**د.أبونضال** · 10-08-2012 12:31 AM

تحياتي يا استاذ شريف وكل عام وحضرتك بخير
رأي حضرتك ايه في سعر عربية اوكتافيا 2003 كاملة مانيوال راشة حزام وعامله 145 الف كم

**amrrashed** · 10-08-2012 02:51 AM

السلام عليكم ورحمة الله

كنت عايز اسعر هيونداى ماتريكس موديل 2007 وماشية 80 الف كم اوتوماتيك ورشة حزام وجزاك الله كل خير

**sherifowahba** · 11-08-2012 01:29 AM

المشاركة الأصلية كتبت بواسطة fmesiha

ا/ شريف
كل سنة و حضرتك طيب بعد اذنك محتاج تسعير سيارتي لاني بفكر ابيعها و مش عارف اعرضها بكام
لانوس 2 موديل 2000 كامله 164 الف كم
فابريكة بارة و جوه بس في تقشير على الكبوت في طبقة الورنيش (و ده سبب البيع الاساسي لاني مش عارف اعمل فيه ايه) و الرفرفين القدمانين فيهم خبطتين و مردودين على البارد
و العربية حالتها جيده

و رأي حضرتك احتفظ بيها ولا ابيعاها و لو رايك حضرتك البيع ايه اقدر اجيبه من غير ما ازود اكتر من 8-10 الاف جنيه.

اسف على الاطالة و شاكر جدا على مجهودك الرائع.

تعمل 43 الف بالحالة المذكورة
اعرض علي 44 علشان الفصال
راييي لو هي مش علااملة لحضرتك مشكلة خليها و متبعهاش
اما بالنسبة للبديل ممكن حضرتك تقللي نتائج البحث و تقولي متطلبات حضرتك من السيارة البديلو واي صناعة تفضل وهاتش باك ولا سيدان و اوتوماتيك ولا مانيوال و موديا قديم ام حديث
ارجو التوضيح لامكانية المساعدة

**sherifowahba** · 11-08-2012 01:32 AM

المشاركة الأصلية كتبت بواسطة rafe3_dent

شكرا استاذ شريف على الرد بخصوص السويفت
بس للاسف انا كشف على العربية وطلعت حالتها وحشة اوي

في عربية تانية معروضة قدامي نوبيرا i موديل 97
موتور 1500 - اوتوماتك - فبريكة جوة ورشة كله بره .. الاكصدام الامامي في تجريح
تكييف و4 ازاز كهربا وفيها رخصة 5 شهور

سعرها كام ؟
انا خايف من الاوتوماتك في الكوري القديم :( ولا ايه رأي حضرتك ؟؟

تعمل 39 الف
بالنسبة للاوتوماتيك في النوبيرا 1 اقل في الاعطال من النوبيرا 2
وبعدين متقلقش منه جامد لان سعره النهاردة استيراد في رينج ال 1700 ده لا قدر الله لو عطل نهائي لكن مع الكشف الجيد له و التاكد انه يعمل بكفاءة ان شاء الله مش هتلاقي منه مشاكل

الموضوع: تسعيير السيارات المستعملة الجزء الرابع

LinkBack

أدوات الموضوع

عرض

-

-

-

-

المواضيع المتشابهه

تسعيير السيارات المستعملة هدية لاعضاء نايل موتورز (الجزء الثالث)

::: النظام الهجين فى السيارات - الجزء الرابع :::

الجزء الرابع: انا والسفنتينا ... والفرامل

أقبـــــح 100 سيـاره على مدار التاريخ - الجزء الرابع

عملوها الوحوش ( الجزء الرابع )

الكلمات الدلالية لهذا الموضوع

المفضلات

المفضلات

ضوابط المشاركة