تسعيير السيارات المستعملة الجزء الرابع

**sherifowahba** · 13-09-2012 04:13 PM

المشاركة الأصلية كتبت بواسطة abdullah ahmed

هيونداي i30
موديل 2010
14.000 (اربعة عشر الف) كيلو متر
السيارة اعلى فئة بدون فتحة سقف - كان شاريها ب125.000 جنيه
السيارة فابريكة بالكامل

يا ريت تقولي السعر المنطقي للعربية عشان ما اظلمش الراجل .. وجزاك الله خيرا

تعمل 90 الف بالحالة والعداد المذكور بدون تجاريح او مصاريف

**sherifowahba** · 13-09-2012 04:20 PM

المشاركة الأصلية كتبت بواسطة bakkarahmed

النترا سعودي اخر 2008) عربيتي) ماشيه 58الف كيلو اوتوماتيك فابريكه من الاكصدام للاكصام الحمد لله وحاله الدهان ممتازه
فتحه سقف وايرباج وجنوط وفوجات بزينون وكشافات بماتور وشاشه مرايا بكاميرا ركن ومفتاح مشفر وجراب نضاره وفرش جلد والكاوتش ماشي 10 الاف كيلو... العربيه الحمد لله سليمه ومهتم بيها ..اتكلم في كام وانفذعند كام

اتكلم في 90 ونفذ لحد 86 الف

**sherifowahba** · 13-09-2012 04:23 PM

المشاركة الأصلية كتبت بواسطة lamada

اريد تسعير نيسان صنى 2004 عامله 105 الف كيلو مانيوال حالتها جيده سيرفس منتظم و اخده خبطه من قدام فى الشنب و متغير و ياقى كل حاجه شركه و السقف رش بلادها

49 الف

**sherifowahba** · 13-09-2012 04:25 PM

المشاركة الأصلية كتبت بواسطة deshahcoka

باشا ممكن اعرف السعر الحالي لعربية

كيا سيراتوا مصري وكيل موديل 2010 ترخيص يناير 2010

ماشية 75 الف كيلوا

فضي فئئة اس اكس فتيس 4 نقلات .. كاملة بدون فتحة سقف و بصمة و فرش جلد ... لكن جنط 17 و حساسات و عدادات رياضي الخ الخ الخ ...

رش فبريكة حتى الاكصدامات بخربيشهم و تجريحهم بس اتصلحوا تصليح طبيعي و كنت راشش اكصدام امامي مرة و لما اتخربش تاني سبته زي ما هوا بتاعها و حالة العربية و المتور و العفشة تمام و صيانات التوكيل كل 10 الف و تم تغير السيور و البكر و كل حاجة متعلقة بصيانة ال 40 و ال 60 الي هما الكبار و العربية كويسة و الكاوتش متغير من قريب برضه و الصالوان فرش قماش نضيف بدون عيوب

ياريت حضرتك ترد عليا في سعرها كام

تعمل 88 الف

**sherifowahba** · 13-09-2012 04:30 PM

المشاركة الأصلية كتبت بواسطة mohamed_selim

أ شريف ممكن تساعدنى فى سعر فيات ١٣٢ ايه اليومين دول .... موديل ٧٩ و ١٨٠٠ س س حاله متوسطه بطاريه جديده و كاوتش متوسط
لو حد يقدر يفيدنى فى متوسط سعر يبقى كتر خيره

تعمل رينج ال 12 الي 15 الف

**sherifowahba** · 13-09-2012 04:32 PM

المشاركة الأصلية كتبت بواسطة islamagdi

استاذ شريف بارك الله فيك ونفع بك
عايز اشتري عربية في حدود 24 الى 28 الف
اختار بين سكودا فلشيا و سيات ابيزا
ياريت تقولي السعر ده تكون بالنسبة للنوعين سنة كام وحالتها ايه

فيليشيا 96 او ابيزا 94 فاضية وفابريقة دواخل بالكامل للسيارتين وحالات جيدة بدون مصاريف كبيرة

**sherifowahba** · 13-09-2012 04:35 PM

المشاركة الأصلية كتبت بواسطة maxman

أوبل كورسا 2004
كاملة مانيوال فابريقة 1600 سي سي حالة ممتازة
الصالون من الداخل حالة شاذة تكيف وباور و4 زجاج كهرباء و 4 وحدة رفع الاصلي ومرايات كهرباء جميع الكماليات تعمل بكفاءة الحالة عامة ممتازة عداد كليو متر 72000
كم ثاني يد من الزيرو

تعمل كام دى يا هندسه

تعمل 52 الف بالحالة والعداد المذكطورين وبرة وجوة كلها بدون تجاريح

**sherifowahba** · 13-09-2012 04:36 PM

المشاركة الأصلية كتبت بواسطة mohsalah

تويوتا كوروﻻ 2007 كاملة بالجنوط الأصلي والسبولير. عاملة 116000 كم. فابريكة برة وجوة بس شوية خرابيش فى الجسم الخارجي. الصالون الداخلى جيد جحا. راكب فيها جهاز. Dvd &gps. الكاوتش لسه جديد مركبه من أسبوع.1600 سي سي . كل الصيانة فى توكيل تويوتا أبو رواش.

فيها abs يا أستاذ شريف
مع الشكر

تعمل 112 الف بالحالة المذكورة

**sherifowahba** · 13-09-2012 04:40 PM

المشاركة الأصلية كتبت بواسطة mido elsakkar

بعد اذنك ياأستاذ شريف انا عايز اعرف العربية دى تعمل كام لانى شوفتها
العربية النترا 2007 عامله 37500 كم
فابريكة برا وجوا ما شاء الله
بس صاحبها كان جايبها من واحدة وتقريبا كانت مش بتعرف تسوق كويس وهوا كان جايبها قريب ومعملش فيها حاجة
العربية فيها خبطة بسيطة فى الرفرف اليمين الامامى وخرابيش وتجاريح فى الجنبين اليمين والشمال وفيها زى نقرة فى الكابوت فوق الشنب بشوية وهيا بصراحة فى مكان رخم
وفى شرخ بسيط عند الزجاج الامامى قريب من التابلوه من جوه العربية
بس بصراحة العربية ما شاء الله عليها
العربية من جوه فابريقة بجد
تعمل فى حدود كام ولو جبتها الحاجات دى لو هعملها هتكلفنى كام

هي مانيوال ولا اوتوماتيك واي فئة يا فندم

**sherifowahba** · 13-09-2012 04:45 PM

المشاركة الأصلية كتبت بواسطة arakysolom

الافيو يا استاذ شريف برة و جوه و مغيرة باب نتيجة حكة و التوكيل غيره لأنه كان فيه تأمين العداد 28000 كم و مغيرة راديتير اصلي من التوكيل و هي نص كماليات تعمل كام
وفيه سؤال تاني بعد اذن حضرتك صني 2008 اول فئة اوتوماتيك عداد 33000 كم و فابريقة بالكامل تعمل كام و ايهما تفضل في الاعتمادية و سعر اعادة البيع و قطع الغيار

الصني تعمل 74 الف بالحالة والعداد المذكورة
وافضلهم الصني في سعر اعادة البيع و قطع الغيار و انتشارها

الموضوع: تسعيير السيارات المستعملة الجزء الرابع

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

تسعيير السيارات المستعملة هدية لاعضاء نايل موتورز (الجزء الثالث)

::: النظام الهجين فى السيارات - الجزء الرابع :::

الجزء الرابع: انا والسفنتينا ... والفرامل

أقبـــــح 100 سيـاره على مدار التاريخ - الجزء الرابع

عملوها الوحوش ( الجزء الرابع )

الكلمات الدلالية لهذا الموضوع

المفضلات

المفضلات

ضوابط المشاركة