الموضوع: تسعيير السيارات المستعملة الجزء الرابع

الف شكر يا استاذ شريف وشكرا جزيلا علي الافادة
ومعلش في حاجة بالنسبة للعربية الفيرنا هي مغيرة زجاج خلفي والرفارف المامية متجرحة بسيط من اثار حكات والزجاج الامامي يوجد به شعرة بسيطة من الاعلي عند المراية العلوية حجمها حوالي 15 : 20 سم فيرجي الافادة واسفين علي الازعاج

كل عام و انتم بخير
استاذ شريف عايز سعر كيا بيكانتو 2009
تكييف - باور - سنترلوك - زجاج كهرباء امامي فقط اما الخلفي فعادي بالاكره - بدون كاسيت
60 الف كم
حالة ممتازة جوه و بره و دهان الفابريقة بالكامل
صيانات دورية بالتوكيل

السلام عليكم

ايه رأيكم فى سعر بيكاسو c4 موديل 2008 العداد 51000 الكماليات كاملة.

معروضة امامى ب 100000 جنيه مانيوال ديزل 1600

مع العلم ان سيارتى بروتون واجا أوتوماتيك, هابيعها كى أستطيع شراء السيتروين

الحالة, شكلها ممتازة, فابريكا جوه وبرة, وعموما هرفعها فى التوكيل لو أخدت القرار

وياريت لو تقدر حضرتك تفيدنى فى رأيك فيها بشكل عام (توافر وغلو قطع الغيار ,توافر أماكن الصيانة, مدى اعتمادية السيارة ...)

السلام عليكم يا استاذ شريف
كل سنه وحضرتك طيب اولا
انا مشترك جديد في المنتدى وده اول مشاركة ليه، ده حتى بصراحة انا اشتركت علشان استفسر من سعاتك عن شئ محيرني
انا بشتري عربية ومحتار جدا بين النيسان صنى واللانسر بومة في حدود من 80000 الى 90000
زهقت من كتر السؤال طبعا اللي راكب دي بيشعر واللي راكب التانية برضه بيشعر وكل واحد يقولي انا ركبتن الاتنين بس دي احسن المهم ، والمشكله مش فلوس او ان النيسان ارخص فعايز اجبها:
1- اهم شئ اعادة البيع طبعا اللانسر اعتقد افضل بس السؤال لأي مدى يعني هخسر كتير لو جبت نيسان مستعملة وجيت ابيعها بعدها بسنه او اتنين والخسارة قد ايه بالمقرنه باللنسر
وبعدين 2- والوقت اللي تاخده في اعادة البيع شهور مثلا علشان مش مطلوبة قوي
3-ولو معرفتش اغير بعد كده هل العمر الافتراضي للانسر اعلى من النيسان اقصد كمطور وقطع غيار
4-ورأيك الشخصي كركوب وقيادة مين فيهم افضل، انا سقت النيسان وحاسس ان المطور والفرامل اقوى بس الصالون ضعيف شويه واضيق
5-وصيانه النيسان اي حد بيعمل فيها صيانه زي البومة ولا لازم توكيل
6- هل التقفيل المصري مشكله قوي زي ما الناس عاملاه مشكله يعني مثلا متقفلة مصري يبقى فيه مشاكل في كهرباء احيانا او غيره ولا التقفيل مقصود بيه شكل الفرش وا لطابوه وغيره
7- شكل الفانوس القديم عاجبني اكتر ، آخر موديل شكل قديم هوه 2007 ولا و 2008
8- وهل الموديلات الحديثة افضل من الياباني اللي هوه لحد 2005 ولا الياباني افضل
9- آخر سؤال سعر آخر موديل منها شكل قديم 2007 ولا 2008 ex salon كام والسوبر صالون كام بشرط انها بحالة الزيرو وعداد من ة20000 الي 40000 طبعا اوتوماتك ، و 2005 ياباني عداد 50000 تعمال كام فبريكة سوبر صالون اوتوماتك
10- سؤال اخير الشارك عربية حلو وسوقتها حسيت انها افضل من الاتنين بس لاحظت انك مسعرها من 85 ال 92000 على اقصى حد ليه بتنزل كتير هيه قطع غيارها قليلة اوي كده ولا مشكلتها ايه وقبولها في السوق قليل مش عارف ليه مع انها اقوى في كل شئ من البومة ولا ايه رأيك؟
انا آسف جداجدا جدا على الاطالة وسامحني بس الموضوع محيرني جدا وتعبت من كتر التفكير
ارجوك جاوبلي عل ال عشر نقاط وبعتذر تاني على الاطالة انا مقدر مجهود الرد على كل الاعضاء ربنا يكون في عونك

السلام عليكم
عايز اعرف عربيتى تجيب كام دلوقتى هى: جيتز 2010 كاملة مانيوال فتحة سقف و كل حاجة عامله 50000 كم فبريكة بالكامل فرش جلد تفصيل جميع الصانات فى التوكيل طبعا لسة فى الضمان و الرخصة فيها سنة و شوية و شكرا.

أستاذ شريف,
إيه رأي حضرتك في ميجان 2006 مانيوال عاملة 55ألف فابريقة برة و جوة فرنساوي بها مرايات ضم و بلوتوث كيت (صاحبها بيقول بتوع الفابريقة) 6ايرباج-2كارت-ستائر خلفية و جانبية اصلية-وحدات رفع اصلية-حساسات نور و مطر-كاوتش زيرو ... العربية كانت جمرك و انتقت ملاكي.

جزاكم الله خيراً