المشاركة الأصلية كتبت بواسطة tutankhamoun
كل لما الشعب يكون نفسه عنده وعي المدة الزمنية للأصلاح تقل
لكن الشعب المصري معندوش الوعي و لا الرغبة في التغيير
الناس بتركن صف تالت و رابع و تسد على غيرها الطريق مع وجودة أماكن للركن في مكان أبعد شوية بس البيه مش عايز يمشي . :_alshmokh08[1]:
الناس لسة مازالت بترمي زبالة من شبابيك عربياتها :_alshmokh08[1]:
الناس لسة بتكسر على بعض في الشوارع و يكلكسلك و الطريق أصلا ممكن يكون واقف .
الناس مش بتحب تقف طابور و مش بتحترم دور حد و لو أتكلمت يقولك هو أحنا واقفين في طابونة (الكلمة دي بسمعها على طول كل لما أقول حد أنا جاي أقبلك أحترم الدور .
الناس مازالت بتكتب على حوائط الشوارع و المدارس و بتنتهك حريتي في أني أشوف مناظر حلوة .
التخريب المتعمد للمتلكات العامة و الخاصة منتشر بشدة عند الناس .
نظرة الأستعلاء اللي عند ناس كتير و كره الناس لبعض بقى شئ فظيع .
السير عكس الأتجاه و تفشي هذه الظاهرة مع غياب الشرطة التام و غياب تطبيق القانون.
البجاحة و قلة الادب هو الشئ العادي و المعتاد و طبعا أغلب السلبيات دي موجودة لعدم وجود ضمير عند ناس كتير
و لكن أيضا لعدم وجود قانون يجبر عديمي الضمير و المتخلفين على الأنصياع للقانون .
و دي مشكلة تانية
لأن مين هاطيبق القانون ؟
إذا كان اللي أحنا عايزينه يطبق القانون بينطبق عليه كل اللي فات .
أحنا عايزين رقابة أجنبية على الشرطة أو رقابة مصرية تكون تابعة لهيئة مستقلة