+1111111111111111111111111111111111111
عرض للطباعة
شوف حضرتك الاسقاط على المثل غير صحيح ولا يقاس على مثال الاب
انا كنت بره مصر بحنلها وبشتقالها لكن جيت مصر قرفت من حياتي وكرهت نفسي
بقالي حوالي سنة كاملة ندمان اني سبت الامارات والاحترام اللي هناك
المعاملة الوسخة والناس الخبيثة والسلوكيات اللي زي الزفت وقلة الادب من الناس والزبالة اللي مغرقة كل مصر وانعدام الامن والامان الفظيع والسرقة اللي بقت اكتر من الهم على القلب
كل يوم بخرج من بيتي متوكل على الله وشايل كفني عارف اني لو عملت حادثة مش هاخد حقي الا بالبلطجة او الرشوة
ولا سواقين الميكروباص البلطجية
والله واحد هددني انه يكسر عربيتي وانا معايا مراتي وابني عشان ماشي بالراحة
نفس القرف والرشاوي والمعاملة الزفت اللي في مصر
ازاى تعرف المصرى من بين 1000 واحد
- لو سألت سواق تاكس على عنوان وبدل ما يدلك قا...لك امشي ورايا.. يبقى مصري.
وعلى فكرة ساعات بيغير اتجاهه عشان عنده رغبة صادقة يوصلك وخايف تتوه
- لو صليت في مكان وبعد الصلاة اللي جنبك مد ايده وقالك تقبل الله.. يبقى مصري
- إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري ...
- لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري
- لما تقابل واحد وتسأله وعمره مايقول "ما أعرفش!" جينيوس مصري
- لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا
- لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات
-. و لما ركبه تخبط فى بعضها من الرعب و هو داخل القسم يعمل بطاقة الرقم القومى ........................ هو ده المصرى
-و لما عربية تعمل حادثة فى الطريق الصحراوى أو الزراعى , و فى ثوانى تقف
لها خمسين عربية ينقذوا المصابين و يعدلوا العربيات و لو اضطروا يشيلوهم من
على الأرض .. هم دول المصريين
- لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر
- لما تلاقي سيدة في الرايحة والجاية عمالة تدعي لأولادها وتخلى الدنيا
تدعيلهم... تبقى دي أم مصرية وطموحاتها وأحلامها الشخصية فى الحياة إن
ولادها يبقوا مبسوطين
- لو شفت واحد وقف فجأة و هو ماشى فى الشارع
و مد ايده على حتة عيش مرمية على الأرض وقام رافعها لراسه قبل مايحطها جنب
الرصيف... يبقى الواحد (او الواحدة) ده مصرى.
- لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.
-لو اديت لواحد فلوس وبدأ يعدها بصوت عالي وبدأ بقوله الله واحد .. ومع
الورقة الثانية : مالوش تاني، ومع الورقة الثالثة: العدد ثلاثة .. يبقي
أكيد مصري ابن مصري
- لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري
- لما تيجي تدفع الأجرة لواحد أول مرة تعرفه، يحلف عليك تخلي بأه
- لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة
-. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية
- لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصرين صميمين
- لما تلاقى اننا شايلين اكياس من جميع الاشكال والالوان تحت المرتبه نبقى مصريين
- ولما تلاقى شعب فى اكبر ازمه بيمر بيها ... مابينساش يضحك ويطلع افيهات
ويضحك اللى حواليه
وكل العالم يتكلم عليه وعلى خفته
يبقى انت اكيد تقصد اعظم شعب موجود على الكرة الارضيه... شعب مصر
ياريت نبص لنصف الكباية المليان لو البلد 95% زفت ودي استحالة تكون النسبة الحقيقية كان ربنا خسف بيها الارض.....الخير موجود في البلد والناس الطيبة لسة موجودة وبأذن الله هتفضل موجودة
abogogo
لافض الله فوك
مصر مش مجرد اسم او تاريخ او جغرافيا
مصر بناسها وحاضرها ومستقبلها
انا عيشت في الامارات وبحبها ومبهورة بيها
لكن بحب بلدي اكتر ولكن مش فخورة بيها
عشان عيوبها حاليا اكتر من مميزاتها
والعيوب دي في الاشخاص اولاد البلد
و لما كل واحد مننا يصلح عيوبه حال البلد هايتصلح وساعتها هانبقى فخورين بيها
لكن عشان نقول ان تغيير مبارك وكبار المسئولين هايحول مصر بقدرة قادر لاحسن بلد نبقى غلطانين
سؤال واحد : لو مصر اختفت من على الخريطة هل العالم هيتهز و لا هيتأثر يعنى؟
لا بحب ولا فخور و مستنى الوقت المناسب.
فيه شوية أضافات
تعرف المصري بشوية طرق كمان
إذا كسر عليك في الشارع بعربيته علشان يعمل غرزة و بكل بجاحة يحشر وش عربيته علشان يجبرك تتحرك أو تفرمل
إذا لقيته خلص شرب كانز البيبسي و رماه من شباك عربيته طار عليك و نزل على زجاج سيارتك و طبعا ترك آثاره الجميلة في الشارع علشان يكون نظيف !!!
إذا لقيته خبطك ..و كان غلطان ...... و نازل كمان يزعقلك (خدوهوم بالصوت )
إذا لقي الاشارة ضربت أحمر يروح الباشا دايس بنزين بكل ما يملك من قوة علشان يكسر الاشارة
إذا شاف طابور من الناس واقف ... و راح تجاهل الطابور ووقف جنب أول واحد في الطابور عند الشباك .
إذا كنت واقف بتتكلم مع واحد .... و ده ييجي يقاطع الكلام بدون أسئذان و لو أعترضت تسمع ما لا ترضى .
إذا ركن صف تاني أو تالت في وسط الصحرا و قفل عليك علشان مش عايز يمشي 50 متر (بتحصلي على طول في أكتوبر)
إذا أحتل رصيف المشاه علشان يفرش عليه كراسي للقهوة و أنت أخبط دماغك في الحائط .
إذا لقيت جارك مشغل الكاسيت بأعلى صوت ... و تقوله يا فندم وطي عايز أنام يقولك دي حرية شخصية و أنا جوه بيتي !!!
إذا لقيت واحد حاشر نفسه في كل حاجتك
إذا لقيت واحد ماشي يبحلق فيك و في مراتك و لو بصيتله يبحلق أكتر أو يقولك بكل بجاحة هي فيه حاجة ؟
فأنا مش عارف كوباية أيه اللي نصها مليان ؟؟؟؟؟؟؟؟؟؟؟؟؟؟؟؟؟ :_Alshmokh08[1]:
الكوباية فضيت و نشفت و مبقاش فيها أي سوائل
بصراحة مش شايف أي مميزات فينا كشعب غير أننا بنحب نشكر في نفسنا بالكذب ؟؟؟؟ ما شوفتش حاجة حلوة في البلد دي (معاملات زي الزفت و قلة أدب و كله عامل فيها ناصح )
نظافة عامة ....مفيش
نظام ....... منعدم تماما
جدعنة خلاص مبقاش موجود (هي أصلا حاجة كنا مكبرنها و نافخين فيها قوي ) :majd(4):
مش عارف أيه المميزات اللي تميزنا عن غيرنا غير أننا متخلفين حضاريا و صناعيا و أخلاقيا ؟
معلش يا جماعة الواحد بيتعامل مع الناس كل يوم و مش بيشوف حاجة حلوة منهم
باختصار: الشعب المصري مش متربي للأسف الشديد، و محتاج يعاد تربيته، و ده مش هيحصل إلا إذا كانت القيادة نضيفة و قوية و حازمة.
وأنا بصراحة متفائل لأن في ناس كتير مش عاجبها وضع البلد الحالي و عايزين ينهضوا بيها و يخلوها في المقدمة.
الشعب المصري بتاع كلام جميل معسول و بس و عمره ما يفيدك بنكلة.
أنت مش عايش في مصر؟
في كام مقلب زبالة كبيييييييييييييير في نص الشارع؟
في كام واحد بيكسر عليك و يقطع عليك طريقك كل يوم؟
لو قولت أركب مواصلات: بتلاقيها و لا بتلاقي السواقين بيحمل لنص الطريق عشان يلم أجرة أكتر؟
لو موباليلك اتسرق بيرجع لك و لا بتسمع جملة "ربنا يعوض عليك" من ناس شغلتهم يقبضوا على اللصوص و يرجعوا الحاجة لأصحابها؟
لو عربيتك اتسرقت بترجع و لا بتروح تدور عليها بنفسك؟
لو بتخلص ورق ليك بتبقى المعاملة عاملة إزاي؟
لما بتروح تجدد رخصة عربيتك بيتعمل فيك إيه؟
.
.
.
.
.
من الآخر إحنا أحسن ناس تتكلم و ماتعملش حاجة.
لا مش فخور لان حاضرنا مفهوش حاجة تخلينى افتخر بالعكس