الموضوع: كاوتش 17 لل 525

المشاركة الأصلية كتبت بواسطة zegna

dah f tawkeel bridgstone 2aloly el kawitsh y300d l 100 alf kaman bshart t3mlo rotation kol 10 alaf ,tab3an law fat 3alih 6 years ybka entaha 7ata law ma3mltsh wala kilo +blnisba llil kawitshat el korre hya 7elwa f el ma2assat el so3'ayra enma m2as 225 dah law gibto korre hat3ish m3 el balayn ele hatitlelk mnn el mitabat w es2aal btoo3 el cerato y3ny hatwafr w tla2eek

مفيش اى كاوتش يعيش حتى 100 الف كم مهما كان !!
انا فى حالتى البريدجستون مكملش 32 الف كم فى 5 سنوات !!

ezzay dah 2olail awe 32 alf 3ala el bridgstone momkn ykoon 7adrtk btimshy f shawr3 fiha masamir w mkasara ana m3'ayr el ta2m el 3andy 3ala 65000 bta3 el fabrika w makontsh ba3ml rotation kman w nazl zay el fool kan momkn y300d 10 alaf kaman wa 3ala fekra hwa kan bridgstone trunza runflat

المشاركة الأصلية كتبت بواسطة zegna

ezzay dah 2olail awe 32 alf 3ala el bridgstone momkn ykoon 7adrtk btimshy f shawr3 fiha masamir w mkasara ana m3'ayr el ta2m el 3andy 3ala 65000 bta3 el fabrika w makontsh ba3ml rotation kman w nazl zay el fool kan momkn y300d 10 alaf kaman wa 3ala fekra hwa kan bridgstone trunza runflat

شكرا على مشاركتك
بالعكس انا من اسكندريه و اغلب مشاويرى من طريق الكورنيش :)
يمكن علشان فات 5 سنوات ؟؟
لكن انا بتكلم عاما على السيرفيس بوك service book بتاع اى كاوتش مهما كان اسمه >> انه ينصح و يفضل بالتغيير عند 45/55 الف كم او 5/6 سنوات ايهما اقرب.
تحياتى ...

المشاركة الأصلية كتبت بواسطة Batman372

مفيش اى كاوتش يعيش حتى 100 الف كم مهما كان !!
انا فى حالتى البريدجستون مكملش 32 الف كم فى 5 سنوات !!

على فكره ياكبير....انا اخر طقم بريدجستون ركبته فى الكورولا من 3 سنين قبل ما ابيعها الصيف الى فات عملت بيه 87 الف بدون اى مشاكل ولا بلونه ولا خرم وكان بتاع الكاوتش بيكشف عليه كل 20 الف ولما غيرته الراجل ماكانش مصدق ان ده ماشى 87 الف!! يمكن لان كل سواقتى على السريع

تانى حاجه... بص كده على الموقع ده بتاع اشهر محل فى كندا عشان انا عشت هناك 11 سنه.. ركز كده فى الاعمار المضمونه للكاوتش

http://tires.canadiantire.ca/view/.....nfo?isoCode=en

لو عملت بحث على مقاس 225-55-17 هايطلعلك 50 نوع كاوتش.. اسعارهم من 140 الى 376 دولار...اغلى واحد ده البيريللى p6.... اما بخصوص الكيلومتر المضمون ف من 60 الف لاقل كاوتش الى 140 الف لاعلى نوع

على فكره الطرق والجو والتلج فى كندا افظع من مصر 100 مره... يعنى فى الصيف الحراره 30 مئويه وفى الشتاء -20 تحت الصفر.... ظروف منتهى القسوه.... يعنى الكاوتش اللى يعيش هناك 60 الف يعمل هنا 100 الف مرتاح....انا موضوع ال 45-55 الف ده مش داخل دماغى الصراحه

kol 7aga btmanha You pay for what you get

المشاركة الأصلية كتبت بواسطة maskeen

لو عملت بحث على مقاس 225-55-17 هايطلعلك 50 نوع كاوتش.. اسعارهم من 140 الى 376 دولار...اغلى واحد ده البيريللى p6.... اما بخصوص الكيلومتر المضمون ف من 60 الف لاقل كاوتش الى 140 الف لاعلى نوع

على فكره الطرق والجو والتلج فى كندا افظع من مصر 100 مره... يعنى فى الصيف الحراره 30 مئويه وفى الشتاء -20 تحت الصفر.... ظروف منتهى القسوه.... يعنى الكاوتش اللى يعيش هناك 60 الف يعمل هنا 100 الف مرتاح....انا موضوع ال 45-55 الف ده مش داخل دماغى الصراحه

أنا برده مش مقتنع بال 100 الف كم دى :)
المعلومه المؤكده فقط للتغيير هو مدى تأكل الكاوتش
و موضوع عدد الكم ده تقريبا - يعنى مش قانون او ملزم !!
سؤال بسيط : هل حاله الكاوتش العامه و هو زيرو. زى. حالته عند 60 الف كم او 100 الف كم ؟؟؟؟ طبعا بكل تأكيد لا - لان اقله حيكون فيه عالى و واطى و ده حيأثر على الثبات و الاتزان فى السرعات العاليه و كذلك عدم الإحساس بالراحه.
أنا عن نفسى ( و اصدقاء كثيرين ) نحب القياده السريعه على الطرق السريعه حتى 180/190 كم/ساعه و بالتالى يهمنا الامان للكاوتش و تغيير عند ال 55 الف كم فى المتوسط مهما كانت حالته .
طبعا كل واحد حر - لكن فى الاول و الاخر الكاوتش مثله مثل اى قطعه غيار يجب التغيير فى وقت مناسب خصوصا انه عنصر أمان زى ما وضحت و التغيير يكون فى المتوسط كل 3/4 سنوات يعنى مش مكلف آوى .
و اقترح للإفادة فتح توبيك احصاءي: عند كم عدد الكم تم تغيير الكاوتش و نوعه و مقاسه و حالته وقتها . . .
تحياتى