الموضوع: شراء سيارة جديدة - لوجان أو نبيسان صني

المشاركة الأصلية كتبت بواسطة moustafa_saad

ياحسين انا مقدرشى على زعلك وانا شكرت فى الصنى لانها تستحق بس انا من اول يوم ليا فى المنتدى وباسمع عن مشكله استهلاك البنزين فى الصنى
وانا قولت انها تتفوق على اللوجان فى كل حاجه ماعدا
السعر لان اللوجان طبعا ارخص ب20000 زى مانت بتقول
استهلاك البنزين اللوجان افضل بمراحل وهى اقل عربيه استهلاكا للبنزين فى فئتها ولو النقطه دى تفرق معاك يبقى خد بالك منها
العلو وان كانت الصنى مش واطيه
المساحه الداخليه وحجم الشنطه وخصوصا الكنبه الخلفيه اللوجان تتفوق فيها بشده

انا بتكلم على استهلاك بنزين اللوجان عن تجربه ومليش دعوه بحكاية ماتور كام وبيطلع اد ايه
اللوجان بتعدى 250 كيلو فى الصفيحه مع الشد والقرص والتكييف خارج المدينه
ولو مفول بنتزين 80 بتعدى 320 كيلو

ما هو يا درش مش معقوله الناس اللي معاها الصني واستهلاكاتها بتعدي ال240 و 280 في الصفيحة هاتخش وتقول العربيةعندي زي الفل ومش بشتكي من حاجة
انت قريت لينك استهلاكات الصني؟؟؟؟ .... وايه رايك ؟؟؟
الناس ديه بتفتي ؟.... وانا مش معايا الصني اهو وجوه البلد في وسط الاشارات وسواقتي كلها حرق وبعمل 210 كم / الصفيحة ومحمل ومشغل التكييف من ان لأخر فما بالك علي الطوالي.
ومفيش حاجة اسمها ماليش دعوة ماتور كام وبيخرج ايه ... طيب ما كده يجيبله عربية 1000 سي سي لو علي التوفير وسواقته كلها 80-90 كم /الساعه لو عايز عربية بتمشي وخلاص
احنا نقوله الماتور ده بكمية البنزين ديه بيطلع قوة قد كده .... والماتور ده بضعف كمية البنزين يطلع قوة قد كده ... يشوف هو محتاج ايه ويختار
وانا عارف ان اللوجان واسعه جداااااا ماشاء الله مفيش اختلاف
بس قصاد كده لا صاج ولا تقفيل .... وال20000 دول بيشتري عربية تعيش ولا انا غلطان
اللوجان ملحقتش تكمل 5 سنين علي بعض
ومش عايز اقولك مفيش لوجان شفتها ولسه بكيسها الا وشكلها لكنها بقالها سنين بتلف في الشوارع
قصاد كده هات صني 2004 ولا 2001 وشوف حالتها عاملة ازاي
زي ماقلتلك انت بال20000 انت بتشتري عربية
ومتساش الاستخارة

المشاركة الأصلية كتبت بواسطة dr.m.mowafy

يا بشمهندس حسين معلشي انا واحد من كلاك الصني
وسيبك من شهاتي المهندسين هناك في التوكيل واحب اذكر اسمهم للشهاده بس
مهندس هاني مبارك : مدير خدمه ما بعد البيع
مهندس محمد حمزاوي : مدير الصيانه
مهندس اسماعيل : احد المدربين للفنين في ابو رواش
دول قالوا ان العربيه تعمل في الصفيحه مش اكتر من 150 ده لو علي سرعه 90 وقافل التكيف وطوالي وبيقل مع عدم توافر الامكانيات دي
وانا انصح صاحب الموضوع ابعد عن الصني وهات لوجان مادام متقدرشي تزود عن 20 الف
صدقني حرام نجيب نيسان وتدفع فيها ال 100 الف لان ماتورها علي قد ما هو قوي علي قد ما هو بقي قديم
وصدقني التوكيل وحش ومهواش حلو وخش وشوف القسم واتفرج علي كميه المشاكل
ويكفي مشكله الضفيره الي مش هتتحل دي
وربنا يثبتك علي اختيارك
ع فكره انا معايا نيسان صني 2010
وبحاول ابيعها حاليا وهجيب يا تيوتا كرولا 2007 او هجيب رينو لوجان جديده
بسبب موضوع البنزين ده

معلش يا دوك .... ماتور الصني اللي قديم واللوجان اللي gdi يعني ؟؟؟ (مع احترامي لملاك اللوجان)
ماتور اللوجان هو ماتور الميجان ال99 ..... وكامة واحده يعني لا اداء ولا استهلاك الصني اللي ماتورها 2 كامة و2004
ديه حاجة
وكلام المهندسين دول ... ولا يخش ذمتي ولا ارضي بيه .... انا بعرف احسب والناس اللي عملت بالاوتوماتيك 260كم /الصفيحة ديه ايه خيال؟؟ وزي ما قلت محدش العربية مريحاه هايخش يقول العربية انا مبسوط منها و100 فل و14
اكيد اللي بيخش بيحكي عن مشكله ليه زي مشكلتك
والناس بيحلوها ... حظك بقي جن في عربية مش قد كده ده يبقي ابتلاء وربنا يصبرك عليه
لكن مش عربية تقريبا مفيش منها بيقف في معارض بتتباع بالحجز وتيجي تقلي الكلام ده
وانت اكتر واحد عارف اننا بنشتري بالسمعه والتجربة
ومشكلة الضفيرة وانت اكتر واحد عارف انها بتتحل لما بتروح التوكيل ومش بتدفع مليــــــــــــــم
مش احسن من شركات وتوكيلات تاني ... الماتور بيفوت والعربية زيرو وبدل ما يغيروه يعملوا له نص عمرة وعلي حسابك
وانا اعرف انك مخنوق منها كده ومع ذلك شحنتها علي دبي علشات تقضي بيها مشاويرك ... كنت بعتها وشوفتلك حاجة هناك ترحمك منها شويه بدل ما تبهدلك في الغربة
وقصاد مشكلة واحده في التوكيل قصادها مواضيع بتشكر في لاتوكيلات .... بس هي فكرة التعامل ازاي و ازاي تجيب حقك

المشاركة الأصلية كتبت بواسطة moustafa_saad

ياحسين انا ماقدرشى على زعلك
انا بسحب كلمة استهلاك البنزين زياده دية طالما زعلتك اوى كده وانت معاك الصنى وادرى بيها
عموما حاتيجى مقابلة الاسكندريه علشان اشوفك هناك ولالا

حبيبي يادرش ..... انت بالذات والله بحترمك وبحب اتكلم معاك
ربنا يديم المعروف يارب العالمين
والله احتمال ...... 14-10 ده كتب كتاب ابن عمي
لو عرفت اخلع منه واقله انا مسافر يبقي خير
معرفتش
يبقي انت بقي اللي تنورنا في اي مقابلة ان شاء الله
لاني نفسي اقعد معاك والله
--------------------
بالنسبة للاستهلاك ... انا فعلت سالت طوب الارض علي العربية ديه علي 3 حاجات
1- استهلاك البنزين
2-العفشة الناشفة
3- الكنبة الضيقة
بعد ما سالت حوالي 30 نفر من ملاكها في الشارع وناس كبيرة وشباب حتي جيرانا قي العمارة
مفيش واحد منهم قالي ديه غول .. ديه بتشرب .. الخ
والله الكلمة اللي بيقولها (ممتــــــــاز)
وفي الاخر بتفرق من طريقة السواقة ... انا مجيبتش الاوتوماتيك علشان (سمعت) ان استهلاكها عالي
صدمت والله لما اعضاء معانا جابوا 2011 وبيقولولي بيعملوا 256 في الصفيحة ماشاء الله
بالنسبة للعربيات ال1600 اللي معروفة ممتاز جدا ماشاء الله
العفشة اكنت فعلا ناشفة جدا ول ما جيبتها .... فرق السما من العما دلوقتي
وعلي الطريق ولااااا اروع ماشاء الله
3- الكنبة ... ضيقة فعلا بالنسبة للوجان مثلا و الاوبترا والالنترا
بس كنبه وبقعد اعمامي وخلاني ورا ماشاء الله ... ومحدش بيضايق يعني
ولمابيشوي عمل الفرش عند جينز ... الكنبة بقت زي الاوبترا بالظببببط .... لماالكنبة اتلمت والكراسي اتلمت في الفرش الجديد فعلا عربية تانية ..... مختلفة تماما
--------------------
وفي الاول والاخر راحة نفسية
وربنا ييسرله الخير

المشاركة الأصلية كتبت بواسطة MOUSTAFA_SAAD

عموما ياريت ظروفك تسمح وتقدر تيجى
ولو مكنشى كده يبقى تتعوض المره الجايه ان شاء الله

ان شاء الله يا درش ......... تسلم يا حبيبي
ربنا يديم المعروف يارب العالمين

المشاركة الأصلية كتبت بواسطة nightrider2012

ما هو احسن وأضمن موزع اشتري نيسان صني منه.
شكرا

الموزعين المعتمدين هما اضمن ناس بصراحة
وهتلاقي في اللينك ده اسماء واماكن وارقام تليفونات الموزعين المعتمدين
واماكن مراكز الخدمة
واماكن وارقام المحلات قطع الغيار المعتمده برده
واسعار الصيانات ان شاء الله
وربنا ييسرلك كل خير يارب العالمين
http://www.nilemotors.net/Nile/216963-a.html
اقعد بالعافية :))