الموضوع: شوما ولا سيفيا

المشاركة الأصلية كتبت بواسطة asdewq

بصراحه انا ركبت الشوما كثير اوى اكثر من 3 سنين والعربيه عملت حادثه بعيد عن السامعين واتباعت حوادث بس عربيتى ولا كان فيها فتحه سقف ولا abs بس العربية كان عاجبنى اوى الثبات بتاعها فى المناورات دة على قد تمنها يعنى بالنسبة لبقية الكورى اللانوس مثلا والنوبيرا وغيرها فانا حابب العربية بس اتلسعت كثير فى قطع غيارها اصل انا موعود يعنى وكانت حاجتها غالية جدا كنت جايب اكصدام امامى قشرة بس ب 500 جنية فاضى من غير لا شاسية ولا حتى الفل بتاعه الرفرف ب 350 وبالعافية لو لقيته الكشاف الصينى الامامى 250 ومعفن والخلفى الصينة 360 والاستيراد ب 200 وكنت جايب شنطه قبل كدة بالزجاج ب 1000 جنيه والباب الشمال كنت جايبة بردو ب 400 جنية فاضى خالص رغم ان هو باب السيفيا بس مكنتش اعرف بقى قولتلو عايز باب شوما قالك مش فاهم حاجة اشتغلنى بقى انتو فاهمين ادى حكايتى مع الشوما والناس متستغربش هتقولو انا غيرت العربية كلها ولا اية والله بس دة اللى حصل معايا وقطع الغيار مولعه نار وفى الاخر ياريت بنلاقيها واللى بتبقى عندة يفضل يتنك ويبعلك الحاجه بمزاجه وانت مضطر فهل السيفيا ارحم فى قطع الغيار ونفس الثبات والسحب والتكييف كويس ولا بيأثر اوى على سحب العربية ياري الافادة من الناس اللى ركبت العربية فتة كبيرة وياريت لو فى اسعار لبعض الحاجات اللى ممكن الواحد يحتاجها فى العربيه

واسف جدا على الاطاله

تلاقى الفئه اللى انتا كنت راكبها ما فيهاش انا بكلمك على اعلى فئه فيها abs و sunroof و air bag كمان مقارنتا بالسيفيا الكامله اتوماتيك ما فيهاش الكلام ده
والكلام اللى حضرتك بتقولوا على الاسعار هو هو الكلام اللى انا قولتوا قبل كده ولو عايز تعرف اسعر قطع غيار السيفيا احنا لينا موضوع خاص بالاسعار ممكن تدخل و تبص بصه عليه ولينا بردوا رابطه خاصه بالسيفيا ممكن تعرض موضوعك فيه هتلاقى ناس كتيره زى الفل هتفيدك