فعلا انا اختى برده بقولها الكلام ده
هو اصعب موقف اتعرضتله لما سواق ميكروباص قطع عليها الطريق واتخبطت فيه وكسرت فانوس اللوجان والناس اتلموا والراجل النتن قاعد يزعق ليها واستغل انها بنت لوحدها رغم انها مش غلطانه
وقعدت تعيط يومين ورا بعض
صدقيني يامانولا
الغالبيه العظمى من الشعب اصبحت همج واللي انتي بتقابليه ده بيقابلنا بردو احنا يارجاله
وليس في ايدينا الا الدعاء ليهم ولينا الهدايه وربنا يكفيكي ويكفينا جميعا شر الطريق وشر الناس
انتي فقط قولي الاذكار اول ماتنزلي من البيت صباحا او مساءا ودعاء الركوب وتوكلي عل الله واقفلي السنتر والازاز ولاتقلقي
تحياتي للجميع
انا اتعلمت السواقة في الإمارات
وأديلي سبع سنين سقت فيهم أنواع كتيرة من العربيات عادي واتوماتيك ونقل وملاكي ونص نص وعلى جميع السرعات
لدرجة إني كنت يوميا أروح الشغل 40 كيلو متر على سرعة 160 كيلو بسيارة ربع نقل مانيوال وأنا بأشرب الشاي وأفطر وأنا بأسوق
لكن لما نزلت القاهرة ولا حتى بره القاهرة لقيت إن القانون هو عدم الإلتزام بالقانون
كل شوية أدي إشارة وانتظر حد يعدي ألاقي كل اللي ورايا حاوطوني بعربياتهم كأنهم داخلين في خناقة وواحد يقولي انت جاي تتعلم السواقة هنا وكلمة من هنا على موقف من هناك لقيتني بأتعلم اللغة وماشي وسط الزحمة زي الحلاوة
ويجعله عامر
انا اساسا ريحت دماغي وبقالي اكتر من 10 ايام مش بلمس العربية
كان زمان البنات مبتعرفش تسوق دلوقتي في بنات بتشد وتاخد غرز عادي المشكلة في الستات والدتي بتقولي أنا هأمشي ومليش دعوة باللي ورايا أقولها يا أمي ده انتي كدة هتعملي كوارث قالتلي اللي يزمرلي هأقف وأنزل أقوله عدي من ورايا يارخم هههههههههه مشكلة الحاجة ربنا يديها الصحة ويكفيكم شر سواقتها ههههه ...... بجد السواقة دلوقتي بقت حاجة ترفع الضغط أنا طول مانا ماشي ألاقي ناس عماله تنط من حارة لحارة زي الضفدع بالظبط نفسي يعملوا أختراع كدة يفجر العربية تلقائي لما تنط من حارة لحارة هبقى مبسوط أوي .
الشتيمة تلف تلف وترجع لصاحبها وهاتلزق فيه كمان
اللي مش عاجبه سواقنا يعمل مظاهرة بتفسيم الشوارع حارة حريمي وحارة رجالي
ولا اقولكم عشان تعرفوا اني كريمة خلي حارةحريمي وحارتين رجالي
وكفا المؤمنين شر القتال
حبيبتي حبيبتي حبيبتي :)
دخلتي وكر الدبابير و بتشتكي منها
و شنوري جاب سيرة الجلد :)
استقبلي بئي :)
والله طنط دي عسوله اوي :)
ما هو فعلا لو كل واحد افتكر ان الست اللي سايقه سواء ست كبيره او بنت ممكن تكون امه او اخته و الراجل الكبير ممكن يكون والده مش هنعمل كده
و نفتكر كمان لما نكبر و حكم السن يرغمنا اننا نمشي علي مهلنا و الي ورانا يكون مش طايقنا بس لو احتملناهم دلوئتي اكيد ربنا هيوقف لنا ولاد حلال بردوا لما نكبر
هههههههه اتصدقي حلوه حاره ستات و حارتين رجاله دي
و لا جلد و لا رجم و لا تعب قلب :)
ايوه صح
احنا حنسيبلكم الحواري تسوقوا فيها واحنا نسوق في الشوارع الرئيسيه
==============================
مره كانت وحده سايقه قدامي وداخلين في شارع اخره شارع رئيسي ولازم نستني شويه علشان ندخل يمين
دي وقفت مستنيه فرصه علشان تدخل يمين
شويه والسكه فتحت
ودي وطت تجيب حاجه من علي الكنبه للبيبي بتاعها
وطولت وغاااااااااابت ونااااااااامت
حسسيتني انها جايبه طشت الغسيل معاها وبتاخد فمين