فكرتيني بشارع الهرم...كان بيبقي يوم مش طالعله شمس لو نزلت النفق ورا بنت....او طلعت الكوبري ورا ست
فكرتيني بشارع الهرم...كان بيبقي يوم مش طالعله شمس لو نزلت النفق ورا بنت....او طلعت الكوبري ورا ست
والله مش حكاية اعصاب جامدة ولا حاجة بس مبحبش احساس قلة الحيلة و ان انا عشان بنت يبقى الناس تستعبطني و تاكل حقي و في احيانا تانية كتير لما حد بيحكلي العربية و لا يخبطهالي و يقول بس انا اسف ولا سوري بقوله حصل خير و بمشي
بس في الموقف دا بالذااااااات السواق حرق دمي اوي انه خبطني و مكمل عادي جدا ولا كأنه عمل حاجة و دا استفزني
خلو بالكو بقى اللي يلاقي ريو حمرا عليها استيكر المنتدى مايحولش يستفزها ، انا حذرتكم اهو
أنا جيــــــــــــــــــت
بس والله الرجاله إلى قالوا عليا مش بعرف أسوق كويس على فكرة أنا ساعات أنا و قرايبى الرجاله لما بنكون مع بعض فى الشارع ولا حاجة أنا أسرع واحدة والله بركن و بدخل فى الجراج بسرعة جدا كل واحد بيفضل ييجى يمين و شمال بالرغم من أنهم كلهم والله العظيم بيسوقوا جامد جدا
و بالنسبه لقوة القلب متقلقوش ساعات بخمس ههههههههههههههههههههههههه هههه و ساعات بنغلس على بعض و بديهم غرز
بس ملحوظة : أحنا عندنا أماكن فاضية كتير جدااااا بيكون مفيهاش ناس بتعدى أو عربيات يعنى محدش يفكرنى هبله للدرجة دى و كل إلى بنعمله دة تسالى و متقلقوش برضة أنا دافعه جزء كبير جدا فى العربيه عشان محدش يقولى مش تاعبه فى سعرها و الكلام دة كله
بس إلى عايزة أفهمه للناس أو إلى مش بحبه أصلا أن طلاما أحنا فى طريق يبقى نحترم بعض لأن الغلطة فى الحالات دى مهما كان راجل او ست ممكن يضيع أرواح و ممكن واحد يكون بيستظرف على أساس أننا بنت و مش هكلمه مش أكتر بس إلى بحس أنه بجد أفور معايا لو الدنيا فاضية مفيش الا أنا و هوا يا أما فى الأغلب بجرى بسرعة أدام يا أما لو ملاكى و مش معاه حد بستلمه بقى مزاولة و بخليه يخاف أصلا بس بزعل فى الأخر برضة لأن أنا للأسف مش دة أسلوبى فى الطرق
عجبني رد لخالد ابن الوليد رضي الله عنه عندما سبه احد الناس فكان رده بكل بساطة
"هي صحيفتك املاها بما تشاء"
يريت نخلي ده مبدا عندنا لان المبادىء انتهت وللاسف عندنا في اسكندرية سواقين التكسيات متنقيين ما شاء الله
وانتي عارفة كويس فئة سواقين التكسيات في اسكندرية لما يحصل معاكي كده ولا تبصيلو اساسا
وربنا يهدي الناس
فكرتوني بواحد زميلي معاه ميجان ومره ماشي في شارع الأقبال تقريبا قام تاكسي ريح عليه من ورا ونازل برده يزعق قام زميلي راكب عربيته والعربيتين اصلا مكنش فيهم حاجه بس بعد ماسواق التاكسي قل ادبه قام زميلي راكب العربيه وطالع قدام وراجع تاني مدمرله وش العربيه وكمل راح شغله
انا عن نفسى لما الاقى بنت او ست سايقة ببعد عنها خالص ..... ومرة بنت كانت ماشية فى الشمال وقفت مرة واحدة و انا طبعا اخدت بالى الحمدللة كنت جاى بسرعة وكذا عربية بردة جايين وراية روحت مدى ويتينج وقفت كل الناس و طلعت انا معا نفسى بقا وسيبتها تعيش الدنيا معا نفسها :majd(4):
طب حصل معايا العكس من كام يوم والله
كاني انا البنت لول وهي الولد
انا ماشي في حارتي وعربيات عايزة تخش الحارة بتاعتي علشان الحارة بتاعتها واقفة
انا سبت عربية تخش وانا داخل بعدها مش معقولة هسيب كل الناس تعدي وانا واقف
المهم العربية التانية دي كانت بنت ,, بس شكلها من البنات الي مش محترمة :) ((حكمت عليها بحكم شكلها كدا وطريقتها في السواقة بقي والله اعلم ))
بصيتلي بصة كدا قمت مدور وشي وفضلت باصة عليا علشان ماسبتهاش تخش ومش عارف هيا بتقول اية انا قافل الشباك راحت كابسة وجت جمبي تاني وباصه عليا تاني قمت مدور وشي تاني هههههههههههه ( كنت مقلق اني ابص عليها ) lol لحسن تشتم شتيمة كدا ولا حاجة واسمعها ونمسك في بعض بقي والطريق كان واقف كمان