التكييف ضعيف جدا في الحر تقريبا مش شغال

**tefa33** · 08-10-2011 01:23 AM

العربيه لانسر 2010 و التكييف ضعيف جدا في الحر يعني لازم على 4 عشان الناس اللي ورا تقول التكييف بقى معقول
و بالليل بيبقى كويس!!!
رايكم اه؟؟؟؟؟؟

**sonystar** · 08-10-2011 02:23 AM

ممكن يكون الشحنة وحشة روح لواحد بتاع تكيف يشوف الضغط عندك كام على السلانسية

انا مثلا عندى الضغط على السلانسية 25 بار

دا طبعا حلو جدا ومع الضغط على دواسة البنزين سواء اقف او ماشى بيقل بس يكون حلو على السلانسية 25 او 30

لو مثلا40 بار يبقى حاجة من الاثنين يا اما السلانسية واطى او الكباس ضعيف

وممكن تكون الشحنة مش حلوة

طريقة قياس الضغط

يحط الكور بتاع العداد فى المسورة والعربية شغالة ومشغل التكيف وبيشوف العداد قراء كام

**bassem_sams** · 08-10-2011 10:24 AM

انا لانسر 2009 و كان عندى نفس مشكله و اتحلت لما فكت فلتر تكييف و نظفته كويس بالهواء و علشان تكييف يبرد بسرعه شغل زرار اللى بيخلى هواء يدور بداخل عربيه مش يسحب هواء من خارج علشان صبح هيكون هواء سخن فهيأخذ فترة اكبر فى تبريد خصوصا لو عربيه كانت واقفه فى شمس فترة فهمتنى جرب و فرحنى يبقى نظف فلتر تكييف و شغل زرار اللى مبيدخلش هواء من خارج و لو عربيه من جوة فيها شمس كتير يبقى شغل تكييف خمس دقائق و شبابيك مفتوحه علشان يطرد سخونيه بسرعه و تحس بتبريد على فكرة انا الحمد لله بشغله على واحد و بعد خمس دقائق بسقع ده صبح و ممكن كمان تركب عازل حرارى على زجاج هيفرق معاك فى صيف سلام

**prisoner** · 08-10-2011 11:22 AM

وبرضوا نظف السربنتينة من الاتربة بتاثر على البرودة

**M.Al-Hefnawy** · 08-10-2011 08:12 PM

بص ياباشا العربية ما شاء الله جديدة وان شاء الله ما فيش أي عيب في الكباس ولا حاجة.

أول حاجة فك فلتر التكييف من تحت درج التابلوة ونضفه بالهوا كويس.

السربنتينة من قدام من عند شبكة الاكصدام ومن جوة من عند المراوح نضفها بميه بس بخرطوم ميه عادي وبلاش ضغط ميه عشان ما تبوظش الريش بتاعت السربنتينة وان شاء الله هيشتغل معاك كويس.

**tefa33** · 08-10-2011 08:14 PM

باسم انت اونلاين دلوقتي عايز اكلمك بس اسالك على كذا حاجه بقى في التكييف ده ؟؟

**bassem_sams** · 09-10-2011 02:22 PM

المشاركة الأصلية كتبت بواسطة tefa33

باسم انت اونلاين دلوقتي عايز اكلمك بس اسالك على كذا حاجه بقى في التكييف ده ؟؟

انا اسف جدا انى مش كنت موجود و قتها على عموم لو فى اى حاجه انا تحت امرك ممكن تسأل على منتدى او ابعتلى على خاص اللى يريحك و متقلقش على تكييف لو انت استخدامك حلو و مهتم بالعربيه هتبقى مشاكل تكييف فتر فقط