الموضوع: كمين المحبين ....... لأعز الغاليين

بسم الله الرحمن الرحيم
السلام عليكم ورحمة الله
ازيكم يا احلي صقور وااوفي اعضاء واقرب اخوات .... بل أهل البيت
النهارده يوم مش عادي .... ليه ؟؟؟
علشان اجازة والناس كلها نايمة وانا جاي الشغل بدري .... هههههههههههههه
نتكلم بجد شويه ... بعد اذنكم يعني
منذ ايام قليلة و قد تحركت فئة قليلة مندسة وسط الصقور لترتيب ثورة اقصد مقابلة من مقابلات نيسان ولكن ...........!!!!!
ايون ولكــــــــــــن ...... !!!
لانكم زي ما انتوا عارفين ... لا تخلوا مقابلة من القابلات الروعه بدون لمسات الســـــــــــــاحر Ahmed.tv
وتجهيزات وتحضيرات لكم ان تتخيلوا .
فإني الأن أكشف الستار عن اول ثورة (مقابلة) جمااااااعية بدون لمسات المخرج المبدع ahmed . tv
ملابسات الثورة
أحس بعض من الصقور الأحرار ان ما يلقونه من عمدة الصقور Ahmed.tv من مقابلات و اصرار علي المقابلات لتربيط الوحده والالفة بين اعضاء هذا المنتدي العريق وخدماته اللامتناهية و مجهوده فوق الرائع لخدمة اي عضو من اعضاء نيسان حتي بدون سابق معرفه .... ومعظمنا متأكدين من ده ... واللي مجربهوش اكيد عارف الكلام ده.
التجهيز للإنقلاب الثوري
اسبوع من الجلسات السرية جداااااا و دخول اطراف من بعييييد جدا لاحكام القبضة علي الريس (احمد يعني لنتمسك)
للقيام بالثورة في يوم الجمعه الموافق 7-10-2011
واجب ان أشيد بمجهود الصقور لقيام كل بدوره .. سواء اللي كان بيغطس ولا اللي بيطير ههههههههههه
وبدأ يوم الجمعه وكان علي احمد ليس بظريف ... كله عايز يشوفه وعايز يربطه علشان ميطرش هنا ولا هنا .
وعند الساعه ال19:00 بتوقيت مساكن شيراتون
عبرت قواتنا الصقورية الرصيف علشان نقابل الريس وكانت المفاجأة
نكمل بالبلدي بقي .... علشان تعبت هههههههههههههههههه
احنا بقي يابرنجيات عملنا الموضوع ده لتكريم الراجل الفوق المحترم اللي كان من حظنا انه يبقي من حظنا
Ahmed . tv حبيبي



وطبعا مهما عملنا علشان نوفي للراجل ده جزء من حقه مكناش هانقدر ... وهو يستاهل اكتر من كده مليون مرة واكتر كمان.
انا عن نفسي مكنتش اتخيل ان في حد كده في الزمن ده بالاخوة والطيبه وجدعنة ولااااد البلد الصح و يفديك برقبته ومن غير ما تطلب
واحب أكد ان التكريم ده جزء صغير جدا لتعبك معانا يا أحمد و انك بتبذل كل مجهودك علشان تجمعنا مع بعض سواء في المنتدي او برده المنتدي في حياتنا الشخصية.
التجهيز للتكريم
اتفقنا ان الناس كلها هاتروح تقعد في كفاتيريا في مساكن شيراتون وطبعا كان كل واحد قايل لاحمد عنده مشوار شكل
وكان من رابع المستحيلات ان أحمد يفكر اننا نكون قاعدين مع بعض
ووليد وبسام حافظ يعملوا فلم هندي صغنون كده ان الجنوط لبسام واحمد اللي يختارله (الحركة ديه طلعت من نفوخي هههههه ) وبعد كده يطلعوا ياكلوا لقمة صغنونة ..... فين بقي؟؟؟؟؟؟
ماشاء الله مصحصحين معايا ..... في نفس الكافيتريتا اللي كنا مستنين فيها ... وطبعا لما قربوا من الكافيتريا بسام اتصل علينا واستخبينا ورا الشجر ... واحمد ماشي براحة بقي علشان الارض متربة وهببببببببببببببببببببببب ب
كله بيزعق يا أحمد وتصوير و تسقيف ..... بالظبط احمد السقا في فيلم كابتن زيزو حبيبي
هو ياعيني من الصدمة بقي باصصلي ومش عارف ده مين ... وجنبي بيشوي واحمد ازار وكمااااااان أ/اسامة كان جاي من دهب ... واسامة من اليكس
خد حوالي دقيقة في العربية كده يستوعب الموقف ... بعد كده رجع تاني الحمد لله هههههههههههه
كده خد المفاجأة .... كان فاضل الهدية .... وديه اللي جبته لمس أكتاف والحمد لله
وقف بالعربية في نص الساحه لما وقفنا كلنا قدامه ..... واذ ببسام يفتح شنطته وبيطلع الهدية ......!!!!!!!
ايه الهدية بقي؟؟؟؟؟؟
اسيب لخيالكم الواسع ولا اقولهالكم واكسب فيكم ثـــــــــــــــواب
فكرة الهدية
احمد ماشاء الله كان عامل شغل كسحات وعتب في العربية والعربية كانت محتاجة حاجة بسيطة علشان شكلها يبقي جميل جدا .... الأ وهي ........!!!! (مش هاقول برده )
صاحب الفكرة من البداية (وليد عادل) .... وتعب جدا علشان يظبط اليوم ده ... مع انه نفضلي في اخر االايام بس مش مشكلة تتعوض بإذن الله هههههههه
وماشاء الله .. انا مشفتش بجد والله قمة النشاط ده والمساعده بين الاعضاء علشان نجيب ....(الهدية).... او حتي نجهز لليوم ده .
الف الف شكر يا حبايبي يا صقور علي اليوم ده وعلي النشاط والاحساس اننا فعلا اخوات بره صفحات المنتدي.
اسيبكم بقي مع الصور ...... تقريبا مش فاضل حاجة كده مقلتهاش
ارجعلكوا بعد الفاصل ...... كوكـــــــــــب نيسان
اول ما وصلنا القهوة



من اليمين (احمد السيد – بيشوي – اسامة – احمد ازار)

http://www.nileup.com//uploads/image...6c14d1dbde.jpg

http://www.nileup.com//uploads/image...16878e666d.jpg

من اليمين (محمد الشناوي – احمد ابراهيم الموسوس)

لحظاااااات وصول العريــــــــــــــــــس





اوريكم بقي الهدية وأمري لله ...... كله يقول ما شاء الله







وتتوالي الصور بقي والاحتفال وهارجعلكم تاني علشان ناكلول (الوليمة يعني )













الحمد لله خلصنا تصوير و اتصورنا مع العريس والهدية وروحنا ايه بقي علشان نااااااااااكل (الجزء المفضل عندي ههههههه )
هو الوكل كانت تورتة ..... بس في الاول والاخر اسمها اكل برده يعني
واللي جابها أ/اسامة ......... Osama _i
وماشاء الله عليها جميلة جدا وطعمها راااااائع والصورة اللي عليها ولا أروع

وديه صورتها قبل الحرب







وديه صور المعركة الضارية ... ربنا يرزقنا الشهادة

بسم الله الله أكبر ..... يا مضحيييييييييين









واخيرا صورة المرحومة ... ربنا يرحمنا برحمته



وبعد كده قعدنا مع بعض بقي نكمل كلامنا عن الدنيا وعن العربيات وعن الزيوت واللي جرب عربية جربها واللي جرب حاجة جديدة في الكام يوم اللي فاتوا قلنا عليها
واكيـــــــــــــد أكيـــــــــــــد كل واحد طلع بمعلومة او مكان جديد مكناش نعرفه والحمد لله ده اللي اتعودنا عليه في المقابلات اللي احمد عودنا عليها........ ربنا يجزيه عنا خيرا
واسف جدا علي الاطالة ...... بس لو قعدنا نتكلم علي احمد من هنا لكمان ساعه مش هانوفيه حقه هههههههههه
جزاك الله خيرا يبو حميد
----------------------------------
سيبولي المايك شوية بقي
حبيبي حبيبي .... الف الف مبارك عليك ياعريس ... ووالله مفيش حاجة تغلي عليك يا اغلي اخ ربنا رزقني بيه
وكان نفسي اقوم باليوم ده لوحدي .... انا كده بقي زي الفريك (وياسلام لو بالكبد والكلاوي هههههههه)
و متحطش في دماغك ان ده حاجة كبيرة .... ديه اقل اقل حاجة ممكن نعملها ليك يا عســـــــــــــــــل
ربنا يباركلك فيهم وتدوبهم في عرق الكاوتش و يرزقك خيرهم ويكفيك شرهم
والف الف شكر يا أحلي أعضاء انكم وافقتم اني اكتب انا الموضوع
أخوكم / حسين جمال
Sonasteeeeeeel
واقعدواااا بألف عافيــــة
The End