الموضوع: ارجو الافاده سريعااااا!!! الانترا 2011 الشكل القديم

المشاركة الأصلية كتبت بواسطة memotitoz

ان شاء الله ناوي اشتري النترا 2011 الشكل القديم..........و نفسي اعرف هل في مشاكل في العربيه من حيث الثبات علي السرعات العاليه, خصوصا ان الباور فيها كهرباء و انا الموضوع ده بالذات مقلقني جداااا!!!
هل الباور الكهرباء ده عمره طويل؟؟.....هل مشاكله كتييير؟؟؟....هو احسن ولا الهيدروليك؟؟.......احساس القياده فيه ممتع ولا مبالغ فيه لانه خفيف جدااا!!!!...........حد واجهته مشاكل بشكل عام في الموديلات اللي قبلها (نفس الشكل)...!!!!
ارجو الافاده سريعا لندرتها في السوق و ضيق الوقت!!!!

اولا متأسفين على الرد المتأخر

بالنسبه للسرعات العاليه لحضرتك كام ؟ 120 ؟ 150 ؟ 160 ؟ ولا اكتر ؟ :d
انا مره اخدت غرزه ضيقه بيها على سرعة 180 بس الثبات كان انسى. هي حلوه قوي لغاية 150

بالنسبه للباور الكهربا ماحدش لسه يعرف عمره طويل قد ايه. بس مفيش مشاكل منه لغاية دلوقتي.
والقياده فيه ممتعه جدا. انا كنت خايف منه ومتضايق عشان كان نفسي في دركسيون تقيل زي اللانسر والسيراتو بس اكتشفت ان دركسيون الالنترا بيخلي السواقه ممتعه فعلا. ومفيش مشاكل من انه خفيف على السرعات. بيسهل انك تاخد الغرز على فكره !

بالامانه هي عربيه جميله بس فيها عيبين خطيرين:
- التوكيل
- العربيه بتهبط جامد لما حد يركب في الكنبه الي ورا

بالتوفيق

المشاركة الأصلية كتبت بواسطة m_mekkawy

كلامك حكم بس انا كان معايا 2007 2.0 لتر الـ180 عليها تمام واخرها العداد بس قمة الخطر بعد 200
خد بالك ان طرق السعوديه غير يعنى لا بتلاقى بلوكات فى قلب طريق العين السخنه كنت هلبس فيها ولا حفر ولا حمار من الحمير البشريه سايق تريله وبيعمل يوتيرن من الحاره اللى فى النص على طريق اسكندريه الزراعى ولا عربيه بيجرها حمار وركبها واحد احمر من الحمار بيعدى تريله راكنه فى نص الطريق
صراحه انا مش عارف ايه اللى جرى فى مصر انا نزلت الأجازه دى شفت العجب

ال2.0 لتر في السعوديه مش بتنزل غير مانيوال ! ومتهيألي انها اتقل من ال1.6 بفارق بسيط. بس احب ابشر حضرتك ان ال1.6 بتعدي سرعة ال200 بسهوله :))
وفعلا حضرتك معاك حق الطرق هنا بقت في منتهى ال........ . انا من يومين ماشي على 120 في طريق السويس ولقيت عربيه لادا بيعمل يوتيرن وقاطع عرض الطريق !! الثبات كان حلو خلاني اعرف افاديه وافادي عربيه تانيه كانت بتفادي نفس الراجل التيييت ده والحمدلله ربنا سترها. عشان كده انا بقول ثبات العربيه حلو لغاية 150 وانا متأكد انما اكتر من كده في المواقف الصعبه بيبقى على حسب تساهيل ربنا :)