ايهما الافضل للكاوتش اللحام ام الخوابير؟

**omar-saad** · 08-10-2011 06:12 PM

كنت عايز اعرف من السادة الاعضاء
كان عندى مسمار فى الكاوتش ورحت عملته
وبتاع الكاوتش كان عايز يعملهولى بخابور
وانا مارضيتش على ماسمعت ان اللحام احسن وخليته يلحموه
لكن انا عايز اعرف الفرق بين الاتنين
ومين الاحسن وخهل فى كل الحالات ولا فى حاجات معينة ؟
ولكم جزيل الشكر

**م/مصطفى محمود** · 08-10-2011 06:47 PM

وانا كمان نفسي اعرف

واية نظام اللحام بتاع بردجيستون (عملتة من حوالي أيبوعين ب 25 جنية !!!! )

**Ashraf_Ibrahim** · 08-10-2011 08:26 PM

الخابور دا اخر خيار يا صديقي
اللحام السريع او اللحام العادي احسن طبعا

**Ashraf_Ibrahim** · 09-10-2011 02:59 AM

الخابور بيضرب سلك للعجلة نفسها
العجلة بيكون من ضمن هيكلها هيكل سلك موجود جواها الخابور وهو بيتعمل بيضرب الهيكل دا وبيأثر على هيكل العجلة ككل وبيقصر من عمرها الافتراضي وتماسكها هي نفسها -للأسف مكونتش اعرف فوقعت في نفس النصباية بتاعة بتوع الكاوتش -

**HeMa_LanCeR** · 11-10-2011 11:39 AM

الخابور ده اسواء حاجه في الدنيا
ولا تقولي امريكي ولا فلبيني حتي كله بيبوظ الكاوتش
لأن الكاوتش من جوه عبارة عن سلوك جنب بعضها
فلما حضرتك يدخل مسمار وتشيله بيسيب مكانه خرم صغير لكن علشان الخابور يركب بيوسع المكان
وبالتالي بيبوظ الشبكه السلك ومع الوقت تضعف
وباردو اللحام المكواه ممكت تخاف منه لو اللي بيعمله مش محترف (فاهم في شغله)
بس طبعا هو احسن مليون مره وعمره ما بيفك ابدا
انا عن نفسي بتعامل مع واحد بتاع كاوتش بقالي سنين
ولما بكون في مشوار بره والعجله نامت ولازم الحمها بضطر الحمها لحام سريع
ولما اروحله اخليه يفكه ويعملها مكواه