مش كنت قايل انك كلمت بولس الجوهري ؟ عموما الساكس الألماني ناشفين علشان دول بيبقوا مساعدين رياضية ودول افضل في الثبات من المساعدين الطرية بس فرق السعر كبير ويرجح كفة المساعدين التركي.
عرض للطباعة
انا فعلا كلمتة و روحت عنده في المخباء بتاعة في مدينة نصر انا مش عارف انت جبتة منين ده هههههههههه
و شوفت المساعد عنده و معجبنيش و شكلة تقفيل فقير جدا مقارنتا بالساكس فيه خبطة في اخر طلعتة محسساني انه هايخلص بعد اسبوع
و للعلم الراجل مش مستورد قطع فورد هو شغال في حاجات اوبل و بيجيب بس مساعدين لفورد
بس عموما هما عاملين ايه عندك كويسين و لا فيه اصوات و يا ترا ناشفين ولا كويسين
خلاص بقى خليها عليك و هات لانوس .........بس انت كده يا جو هتوقع منتدى فورد كله .........ياراجل دا انا كنت هجيب فورد وهعتمد عليك كليا
انا اتكعبلت فيه بالصدفة من حوالي سنة كده ولما اتصلت بيه وعرفت السعر وكان حوالي 550 جنيه مقابل 750 جنيه للجوز عند الصيرفي قلت لكم عليه علشان لو حد عاوز يجربه وهو قاللي ان المساعدين اللي عنده الماني وانا مجربتهاش فعلا الحقيقة. انما طبعا اثق في حكمك على جودة اللي عنده. ولو كده يبقى كويس انك مجبتش من عنده.
ومش فاكر من سنة المساعدين اللي عند الصيرفي كانوا ساكس ولا بلاشتاين.
بص انا مشوفتش بلايشتاين عند حد غيرة
و السعر كان 690 مقابل 720 عند يافا الساكس
يا جماعة انا مشتكيتش من العربية
و كنت متحمل اسعار قطع الغيار مقابل عمرها
بس دلوقتي انا شايف ان الموضوع ده مش موجود
فحد يقولى على سبب اني احتفظ بيها
ماشي ممكن ماتحتفظش بيها هي ، انما ده مش معناه انك تغير الركوبة وتركب حاجة تانية غير الفورد وانت عارف بلاوي الماركات التانية ، مش عاوز اذكرهم علشان محدش يعتبره تجريح في عربياته.
ا / جوزيف بصراحة لو انت حابب تغير الفورد يبقى لازم تدور على حاجة تكون أوروبى ويليه اليابانى غير كده بجد هتحس بفرق شاسع بالذات فى موضوع الثبات وموضوع قطع الغيار وده عن تجربة لأنى فى مصر زى ما حضرتك عارف معايا أسكورت 1600 موديل 1999 وهنا معايا أوبترا 2009 الأسكورت غيرت مساعدين بعد 9 سنين ودا طبعاً فى شوارع مصر :) ولحد الأن لسة بطنابيرها الأصلى والعربية بتجمع معايا لحد 180 , الأوبترا غيرت مساعدين بعد سنة ونص ودلوقتى بيقلولى عايزة تتغير تانى وده فى شوارع جدة :( غير التيل والسيور وطرمبة مية وكوعة وكومبريسو التكيف وترس السرعة وشوية حاجات كدة تانية , كل ده فى سنتين وكام شهر والعربية أخرها 180, بجد افتكرد الأسكورت وقولت فعلا الفرق شاسع ولا يمكن المقارنة ويمكن تابعت معايا موضوع الموتور ودة انا عارف ان السبب هو سفرى وأن الى بيركب العربية مش يخلى بالو ومفيش أهتمام زيى لما كنت موجود .
أسف على الأطاله واتمنى ان ربنا يوفقك للرآى الصواب
بص يا جو
اولا ازيك
ثانيا انا معاك في قرار البيع
بس موش معاك انك تركب حاجه تانيه غير الفورد
انا ما كنتش اعرف حاجه عن الفورد قبل ما اشتري عربيتي بس بعد ما ركبت الفورد فعلا موش عارف لو بعتها هاركب ايه
طب انا عندي اقتراح
ايه رائيك تشد نفسك شويه في المبلغ ونجيب مونديو
وانا ها ساعدك فيها قوي لأني اعتقد اني بفهم فيها كويس
وممكن تلاقي واحده معقوله وعاوزه مصاريف في الهايف وتبقا تعمل اللي فيها علي مهلك
بس والله العربيه دي ملهاش حل من جميع النواحي
فكر وانا معاك في كل خطوه
ولو عاوز تكلمني انا تحت امرك ندردش شويه يمكن افيدك في بعض الأفكار