تفتكروا لو قررت ابيع الفيستا اركب ايه بعدها

**aYaBooY** · 09-10-2011 12:58 AM

طبعا انا عارف ان الاكترية هاتستغرب اني اكتب الكلام ده
بس احكيلكوا على اسوء شهرين للعربية و هيا معايا
اول شهر 9
الريدياتير ( الي كنت جايبة جديد من التوكيل من سنتين بـ 1100 جنية ) اتخرم و فضي المياه و طبعا مفيش عداد حرارة شغال و سخنت لدرجة ان الموتور سقف و وقفت و حاولت اسايس بس واضح ان الموضوع اشتغل هبل و منفعش امشي بيها و كنت عند ميدان الساعة
المهم جبت ونش و طلعت على الضاهر اتفك الريدياتير و طبعا واضح جدا انه في عيب صناعة بس للاسف انا كنت عديت السنة الضمان و رميت الفتورة و لقيت فيه اربع تخرام و اتلحموا و الدنيا كويسة
الاسبوع الاخير من الشهر
قدام شركة الكهرباء قطعت مارش و طرمبة بنزين
يهديكي يرضيكي ابدا
اتصلت بنفس الونش (هههههههه) و روحت نفس المشوار
جبت طرمبة بنزين تركي بـ 300 جنيه و اخدت المارش خليت كهربائي فورة و ركبت له شربون
اليوم ماشي في امان الله لقيت المحروسة بتسخن وقفت و اشوف في ايه مفيش حاجة يمين شمال مفيش مشكلة طيب من هنا لهنا لقيت القربة بتسرب هواء فضلت وراه لقيته خرم
طيب كنت اصلا رايح اشتري مساعدين المهم شديت على يافا بكام القربة الاصلى 180 جنية
ماشي هاتها يابا و جبت مساعدين و شديت على الضاهر و الدنيا كويسة و الحرارة في المعقول
وصلت ركبت القربة و قولت اخلي المساعدين يوم الاتنين ماشي بعد ما خلصت القربة و دورت و عملت لسة هامشي هوب الريدياتير تاني
و طبعا النهاردة السبت يعني الهانم اعدة في الشارع لحد الاتنين
و دلوقتي انا هاتنقط بجد حاسس بغيظ شديد
و اخدت قرار اني ابيعها علشان واضح انه معدش لينا عيش مع بعض
تفتكروا بقي ايه العربية الي ممكن تكون بديل

**meda2711** · 09-10-2011 01:06 AM

تقريبا الشهر اللى فات وده واخد توكيل اعطال الفورد :)

انت عايز فى حدود كام كده ؟؟
وبعدين صعب عليك وعلى اى حد ركب فورد ويركب حاجة تانية

**aYaBooY** · 09-10-2011 01:12 AM

عاوز في حدود 32 -33

**aYaBooY** · 09-10-2011 01:16 AM

المشاركة الأصلية كتبت بواسطة meda2711

تقريبا الشهر اللى فات وده واخد توكيل اعطال الفورد :)

انت عايز فى حدود كام كده ؟؟
[gdwl]وبعدين صعب عليك وعلى اى حد ركب فورد ويركب حاجة تانية[/gdwl]

هيا ميزة الفورد ان قطع غيارها معمرة بغباء طيب لما تفقد هذه الميزة يبقي فيه ايه تاني يخليك تركبها ؟؟؟
بقولك الريدياتير بـ 1100 من التوكيل يعني مش ممكن يكون فيه شبهة الغش

**meda2711** · 09-10-2011 01:19 AM

السعر ده يجيب برايد او اونو او تمبرا او موديلات قديمة

يعنى انا شايف ان الفيستا احسن كعربية

**meda2711** · 09-10-2011 01:21 AM

المشاركة الأصلية كتبت بواسطة ayabooy

هيا ميزة الفورد ان قطع غيارها معمرة بغباء طيب لما تفقد هذه الميزة يبقي فيه ايه تاني يخليك تركبها ؟؟؟
بقولك الريدياتير بـ 1100 من التوكيل يعني مش ممكن يكون فيه شبهة الغش

هى غريبة جدا
اول مرة اشوف حاجة فورد اصلى تقعد سنتين بس
انا برضوا شارى من 8 شهور ريداتير اصلى بس لحد دلوقتى زى الفل معايا الحمد لله

**meda2711** · 09-10-2011 01:27 AM

بص من رأيى طالما هتجيب مستعمل يبقى خليك فى اللى معاك بس تتصلح كويس
لان المستعمل مستعمل مهما كان حالتوه وبيبقى ليه مشاكله
فا الحالة الوحيدة اللى تخلى واحد راكب فورد " صحيح فيها مشاكل " ويبيع ويركب حاجة تانية انها تكون زيرو

صحيح انت جبت المساعدين بكام ومنين علشان انا برضوا عايز جوز مساعدين امامى

**mido51eg** · 09-10-2011 10:30 AM

اوعى تركب حاجة تانية غير فورد ياجوزيف ... هتزعلنا كلنا لو عملت كده. المبلغ اللي بتتكلم فيه ده مينفعش يزيد شوية وتجيب اسكورت 1600 زيتيك بحالة نضيفة؟

**aYaBooY** · 09-10-2011 10:35 AM

المشاركة الأصلية كتبت بواسطة mido51eg

اوعى تركب حاجة تانية غير فورد ياجوزيف ... هتزعلنا كلنا لو عملت كده. المبلغ اللي بتتكلم فيه ده مينفعش يزيد شوية وتجيب اسكورت 1600 زيتيك بحالة نضيفة؟

متقوليش فورد تاني انا اصلا متغاظ جدا منها و متغاظ اكتر انها متعملهاش غير السبت باليل يعني بدل ما تعد يوم من غير عربية لا لازم تعد يومين

**aYaBooY** · 09-10-2011 10:38 AM

المشاركة الأصلية كتبت بواسطة meda2711

صحيح انت جبت المساعدين بكام ومنين علشان انا برضوا عايز جوز مساعدين امامى

جبتهم ساكس الماني ب 720 من يافا
و كان عنده جوز تركي بـ 500 بفكر اجربهم علشان كانوا اطرى
و قطب لما شاف الساكس قالى ناشفين بس مش عارف اركبهم و خلاص ولا اعمل ايه
و لما شوفت البلاشتين حسيت انهم صيني صيني يعني بس هو موضوع الريدياتير ده يخلص و افوق بقى لموضوع البيع

الموضوع: تفتكروا لو قررت ابيع الفيستا اركب ايه بعدها

LinkBack

أدوات الموضوع

عرض

تفتكروا لو قررت ابيع الفيستا اركب ايه بعدها - انشر الموضوع فى :

-

-

-

-

-

-

-

-

-

المواضيع المتشابهه

انا قررت ابيع

قررت ابيع الكروز

قررت اركب عداد الفيستا اللى فيه ار بى ام ,,, ايه الخطوات اللى المفروض اعملها ؟؟

انا قررت ابيع الكوبيه

تفتكروا ابيع عربيتي ولا أكبر؟؟؟؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة