العبوة السحرية !!

**best2010** · 09-10-2011 04:38 AM

كنت عند رابعة العدوية فى مدينة نصر ودخلت امون ، فجانى العامل بتاع البنزينة ومعاه عبوة وقالى العبوة دية هترفع رقم الاكتان بتاع العربية وهيبقى زى ال 95 وكمان هينضف طلمبة البنزين ومفعولها هيستمر معاك 5000 كم .. انا بصيت على العبوة وكان مكتوب عليها بالأنجليزى وماكانش فيه وقت للقراءة بس كان مكتوب من تحت usa وسعرها 20 ج
المهم قولت اجرب فحط العبوة وكمل تفويل عادى .. وكانت المفاجأة ..
حسيت بعدها مباشرة انى سايق عربية غير عربيتى .. حاجات كتير اتغيرت
1- السحب بقى تحفة
2- صوت الموتور مش مسموع
3- الرجة اللى كانت بتحصل عند الطلعة اختفت تماماً حتى من غير ما ادوس بنزين خالص
مع العلم انى مش بحط غير 92 من ساعة ما جبتها
بس مش عارف يا ترى الأحساس ده هيستمر 5000 كم زى ما قال واللا مع التفويلة دية بس ؟
ومش عارف هل ده له اضرار على حاجة فى العربية ؟
للأسف الشديد نسيت اخد منه العبوة الفاضية .. لكن قلت انقل لكم التجربة ونتبادل الخبرات

**Mostafa.Ismail** · 09-10-2011 05:56 AM

بس ممكن نسال ىف البنزينة عن اسم العبوة.

**mazenzyad** · 09-10-2011 06:24 AM

متابع باهتمام

**Xlance2010** · 09-10-2011 10:25 AM

فينك من زمان ياراجل ياطيب ، معليش مشوار تانى لمحطة البنزين دى وهات لنا تفاصيل العبوة من اسم ولون العبوة واسأل هل لها تأثيرات جانبية أم لا وابقى طمنا هل استمر نفس الاحساس بارتفاع اداء المحرك ام انتهى ، وانتهى بعد كام كيلو تقريبا

ولك ارق تحية
اسمى اسفل مشاركتى

**Moustafa.yonis** · 09-10-2011 11:41 AM

انا بعمل سيرش يا جماعه ولقيت الكلام ده

اوكتان بوستر

octane booster

رافع مستوى الاوكتان

تعريف الاوكتان: الاوكتان ببساطة عبارة عن وحدة قياس لقدرة الوقود على الانفجار فكلما كان رقم الاوكتان عاليا كلما أصبح الوقود اقدر على الانفجار والاحتراق في غرفة الحارق للوقود اذ يستجيب بسرعة مع شعلة الاحتراق مما يؤدي الى سهولة الاحتراق وتخفيف العبء عن المحرك ورفع كفائته.

كيفية الاستخدام: يتم اضافة عبوة واحدة إلى خزان البنزين وتستخدم أثناء التعبئة .

الخصائص: 1. يقوم هذا المنتج (عبوة واحدة) برفع درجة الاوكتان بخزان وقود مليئ بالبنزين بما قيمته 5 نقاط فإذا كان البنزين الذي تضعه في السيارة ذو درجة اوكتان 78 فان عبوة واحدة سترفعه إلى 78.5 .

2. يستخدم للبنزين العادي والخالي من الرصاص حتى يصبح سوبر .

3. يخفف الضغط عن البستون والرنجات .

انا بس عندي نظرية هندسية بسيطة بتقول ان
1+1=2

يعني مكنش حد غلب يعني لو الدنيا بسيطة كده

بس لو هي العبوة ب 20 جنية

ما تحط 95 وخلاص

او الله اعلم بقي
خلينا نسيرش

**MASERATI** · 09-10-2011 11:44 AM

السلام عليكم و رحمة الله و بركاته

أنا متهيألى أنك حطيت منظف لدورة الوقود, ده اللى أنا فهمته من كلامك, مش أنت حطيت العبوة دى مع البنزين و أنت بتفول ؟؟؟

اللى أنا عايز أعرفه, هو استخدام المنظف ده بصورة متكررة, ممكن يضر حاجة جوه الموتور, أنا فعلا لما بحطه, بحس أن العربية أحسن.

**cementman** · 09-10-2011 12:13 PM

يا جماعة الموضوع ببساطة ان العلبة دى فيها رابع ايثيل الرصاص واضافته فعلا بترفع رقم الأوكتان وهو ده اللى كان بيضاف للبنزين زمان قبل ما يتمنع لأنه مادة مسرطنة و لو قريت اللى على العلبة كويس هتلاقى انها ممنوع تستخدم فى أمريكا

**ahmedeg1** · 09-10-2011 01:16 PM

المشاركة الأصلية كتبت بواسطة cementman

يا جماعة الموضوع ببساطة ان العلبة دى فيها رابع ايثيل الرصاص واضافته فعلا بترفع رقم الأوكتان وهو ده اللى كان بيضاف للبنزين زمان قبل ما يتمنع لأنه مادة مسرطنة و لو قريت اللى على العلبة كويس هتلاقى انها ممنوع تستخدم فى أمريكا

يا عنى أمريكا أحسن منا
احنا كمان بلاش نستخدمه فى بلدنا الحبيبه مصر

**Abdm** · 09-10-2011 02:32 PM

الآحسن والآمن هو ذى مقال الآخ فهد أنك تحط بنزين 95 أفضل من الناحية العملية وأمان لينا جميعا من الآمراض وربنا يبعد عنا المرض يشفى مرضانا ومرضى المسلمين
والله الموفق والمستعان

**best2010** · 09-10-2011 07:20 PM

البنزينة اسمها شيل .. وفى المرة الجاية هاروح واصور العبوة وهرفعها لكم وهاوافيكم بالأخبار .. ان كان عملها بيستمر 5000 كم زى ما قال ولا مرة واحدة مع التفويلة اللى اتحط فيها ..
اما موضوع الآثار الجانبية زى المواد المسرطنة دى انا ما اعرفش عنها حاجة لأنها لو صحيحة يبقى بلاش منه احسن

الموضوع: العبوة السحرية !!

LinkBack

أدوات الموضوع

عرض

العبوة السحرية !! - انشر الموضوع فى :

-

-

-

-

-

المواضيع المتشابهه

إختراع مصرى جديد .. إطار آمن للحماية من الحوادث (بالعجينة السحرية)

القدرات السحرية والخارقة عند السلفيين

التركيبة السحرية العجيبة !!!!!

لمحترفى القيادة-ما هى الوصفة السحرية لركن العربية

الكلمات الدلالية لهذا الموضوع

المفضلات

المفضلات

ضوابط المشاركة